ಬೆಂಗಳೂರು: ಸಾರ್ವಜನಿಕ ಬ್ಯಾಂಕಿಂಕ್ ಕ್ಷೇತ್ರದಲ್ಲಿ ಮುಂಚೂಣಿಯಲ್ಲಿರುವ ಸಿಂಡಿಕೇಟ್ ಬ್ಯಾಂಕ್, ಪ್ರಸಕ್ತ ಆರ್ಥಿಕ ವರ್ಷದ 3ನೇ ತ್ರೖೆಮಾಸಿಕದ ಅಂತ್ಯಕ್ಕೆ 5 ಲಕ್ಷ ಕೋಟಿ ರೂ. ವಹಿವಾಟು ನಡೆಸಿದ್ದು, 435 ಕೋಟಿ ರೂ. ನಿವ್ವಳ ಲಾಭ ಗಳಿಸಿದೆ.
ಕಳೆದ ಸಾಲಿನ ಇದೇ ತ್ರೖೆಮಾಸಿಕ ಅವಧಿಯ ಹೋಲಿಕೆಯಲ್ಲಿ 108 ಕೋಟಿ ರೂ. ಇದ್ದ ನಿವ್ವಳ ಆದಾಯ ಈ ವರ್ಷ 435 ಕೋಟಿ ರೂ.ಗೆ ಹೆಚ್ಚಳವಾಗಿದೆ.
2018ರ ಡಿಸೆಂಬರ್ಗೆ ಕೊನೆಗೊಂಡ ತ್ರೖೆಮಾಸಿಕದಲ್ಲಿ 1,619 ಕೋಟಿ ರೂ. ಇದ್ದ ನಿವ್ವಳ ಬಡ್ಡಿ ಆದಾಯ (ಎನ್ಐಐ) ಶೇ.16 ಏರಿಕೆಯಾಗಿದ್ದು, 2019ರ ಮೂರನೇ ತ್ರೖೆಮಾಸಿಕದಲ್ಲಿ ರೂ. 1,871 ಕೋಟಿ ರೂ.ಗೆ ಹೆಚ್ಚಳವಾಗಿದೆ. ನಿರ್ವಹಣಾ ವೆಚ್ಚಗಳು 2018 ಡಿಸೆಂಬರ್ನಲ್ಲಿ 1,604 ಕೋಟಿಯಿಂದ ಶೇ.10 ಇಳಿಕೆಯಾಗಿದ್ದು, 2019ರಲ್ಲಿ 1,450 ಕೋಟಿ ರೂ. ಇಳಿಕೆ ಕಂಡುಬಂದಿದೆ. ಹಿಂದಿನ ವರ್ಷದ 3ನೇ ತ್ರೖೆಮಾಸಿಕದಲ್ಲಿ 634 ಕೋಟಿ ರೂ. ಇದ್ದ ಕಾರ್ಯಾಚರಣೆ ಲಾಭವು ಶೇ.111ರಷ್ಟು ಹೆಚ್ಚಳವಾಗಿದ್ದು, ಈ ವರ್ಷದ 3ನೇ ತ್ರೖೆಮಾಸಿಕದಲ್ಲಿ 1,336 ಕೋಟಿ ರೂ.ಗೆ ಸುಧಾರಿಸಿದೆ ಎಂದು ಸಿಂಡಿಕೇಟ್ ಬ್ಯಾಂಕ್ನ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಮೃತ್ಯುಂಜಯ ಮಹಾಪಾತ್ರ ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿದರು.
ಬ್ಯಾಂಕ್ನ ಅನುತ್ಪಾದಕ ಆಸ್ತಿಯು 2018 ಡಿಸೆಂಬರ್ನಲ್ಲಿ ಶೇಕಡ 12.54 ಇದ್ದದ್ದು, 2019 ಡಿಸೆಂಬರ್ಗೆ ಇದರ ಪ್ರಮಾಣ ಶೇಕಡ 11.33ಕ್ಕೆ ಇಳಿಕೆಯಾಗಿದೆ. ಕಳೆದ ಡಿಸೆಂಬರ್ನಲ್ಲಿದ್ದ ಶೇಕಡ 64.81 ನಿಬಂಧನೆ ವ್ಯಾಪ್ತಿ ಅನುಪಾತ 2019 ಡಿಸೆಂಬರ್ನಲ್ಲಿ ಶೇ.69.28 ಸುಧಾರಿಸಿದೆ ಎಂದರು.
ಬ್ಯಾಂಕ್ನ ಕಾರ್ಯನಿರ್ವಾಹಕ ನಿರ್ದೇಶಕರಾದ ಎಸ್. ಕೃಷ್ಣನ್, ಅಜಯ್ ಕೆ. ಖುರಾನಾ, ಸಿಎಫ್ಒ ಯು.ಎಸ್. ಮಜುಂದಾರ್ ಮತ್ತಿತರರಿದ್ದರು.
ಒಟ್ಟು ವ್ಯವಹಾರ ಶೇ.7 ಹೆಚ್ಚಳ
ಬ್ಯಾಂಕಿನ ಒಟ್ಟು ವ್ಯವಹಾರವು 2019 ರ ಡಿಸೆಂಬರ್ಗೆ 5,00,971 ಕೋಟಿ ರೂ.ಗೆ ಏರಿಕೆಯಾಗಿದ್ದು, 2018ರ ಡಿಸೆಂಬರ್ನಲ್ಲಿ ದಾಖಲಾದ 4,67,911 ಕೋಟಿ ರೂ.ಗೆ ಹೋಲಿಸಿದರೆ ಶೇ.7 ಹೆಚ್ಚಳವಾಗಿದೆ. ಬ್ಯಾಂಕಿನ ಒಟ್ಟು ಠೇವಣಿ 2018ರಲ್ಲಿ 2,59,064 ಕೋಟಿ ರೂ. ಇದ್ದು, 2019 ರ ಡಿಸೆಂಬರ್ಗೆ 2,77,368 ಕೋಟಿ ರೂ.ಗೆ