ಹೈದರಾಬಾದ್: ಮಹತ್ವದ ಕಾರ್ಯಾಚರಣೆಯೊಂದರಲ್ಲಿ ತೆಲಂಗಾಣ ಹಾಗೂ ಆಂಧ್ರ ಪ್ರದೇಶದಲ್ಲಿ ಗ್ರಾಹಕರಿಗೆ ಮೋಸವೆಸಗುತ್ತಿದ್ದ 33 ಪೆಟ್ರೋಲ್ ಬಂಕ್ಗಳನ್ನು ಸೈಬರಬಾದ್ ಪೊಲೀಸರು ಸೀಜ್ ಮಾಡಿದ್ದಾರೆ.
ಪೆಟ್ರೋಲ್ ಬಂಕ್ನಲ್ಲಿ ಇಂಧನ ತುಂಬುವಾಗ ಮೀಟರ್ನಲ್ಲಿ ಕೈಚಳಕ ತೋರುವಂತೆ ಎಲೆಕ್ಟ್ರಾನಿಕ್ಸ್ ಚಿಪ್ ಬಳಸುತ್ತಿದ್ದ ಅಂತಾರಾಜ್ಯ ಖದೀಮರ ಗ್ಯಾಂಗ್ ಬಂಧಿಸಿದ ಬೆನ್ನಲ್ಲೇ 33 ಪೆಟ್ರೋಲ್ ಬಂಕ್ಗಳನ್ನು ಸೀಜ್ ಮಾಡಿದ್ದಾರೆ.
ಎರಡು ರಾಜ್ಯದ ಪೊಲೀಸರು ಮತ್ತು ಕಾನೂನು ಮಾಪನಶಾಸ್ತ್ರ ವಿಭಾಗದ ಅಧಿಕಾರಿಗಳು ನಡೆಸಿದ ಜಂಟಿ ಕಾರ್ಯಾಚರಣೆಯಲ್ಲಿ ಬಹುದೊಡ್ಡ ಗ್ಯಾಂಗ್ ಸಿಕ್ಕಿಬಿದ್ದಿದೆ. ಈ ಗ್ಯಾಂಗ್ ಬಂಕ್ಗಳಲ್ಲಿ ಇಂಧನ ತುಂಬುವ ಯಂತ್ರಕ್ಕೆ ಇಂಟಿಗ್ರೇಟೆಡ್ ಚಿಪ್ ಅಳವಡಿಸಿ, ಮೀಟರ್ನಲ್ಲಿ ಸರಿಯಾದ ಅಂಕಿ-ಅಂಶ ಮತ್ತು ಕಡಿಮೆ ಇಂಧನ ತುಂಬುವಂತೆ ಮಾಡಿ ತಮ್ಮ ಕೈಚಳಕವನ್ನು ತೋರುತ್ತಿದ್ದರು. ಈ ಮೂಲಕ ಕೋಟ್ಯಾಂತರ ಹಣವನ್ನು ಗ್ರಾಹಕರಿಗೆ ಮೋಸ ಮಾಡುತ್ತಿದ್ದರು.
ಇದನ್ನೂ ಓದಿ: ಬೆಳ್ಳಂಬೆಳಗ್ಗೆ ಮನೆಯೊಳಗಿಂದ ರಕ್ತ ಹರಿದು ಬರುವುದನ್ನು ನೋಡಿ ಬೆಚ್ಚಿಬಿದ್ದ ಜನರು!
ಪ್ರತಿ ಸಾವಿರ ಮಿಲಿ ಲೀಟರ್ಗೆ 970 ಮಿಲಿಲೀಟರ್ ಪೆಟ್ರೋಲ್ ಅಥವಾ ಡೀಸೆಲ್ ಮಾತ್ರ ಹೊರ ಬರುವಂತೆ ಚಿಪ್ ಅಳವಡಿಸಿದ್ದರು. ಸೀಜ್ ಮಾಡಿರುವ 33 ಬಂಕ್ಗಳಲ್ಲಿ 17 ಪಂಪ್ ಇಂಡಿಯನ್ ಆಯಿಲ್ ಕಾರ್ಪೋರೇಷನ್ ಲಿಮಿಟೆಡ್, ಭಾರತ್ ಪೆಟ್ರೋಲಿಯಂ ಕಾರ್ಪೋರೇಷ್ ಲಿಮಿಟೆಡ್ (9), ಹಿಂದೂಸ್ಥಾನ್ ಪೆಟ್ರೋಲಿಯಂ ಕಾರ್ಪೋರೇಷನ್ ಲಿಮಿಟೆಡ್ (2) ಮತ್ತು ಉಳಿದ ಎರಡು ಬಂಕ್ ಎಸ್ಸಾರ್ಗೆ ಸೇರಿದ್ದಾಗಿವೆ.
ಈ ಇಂಟಿಗ್ರೇಟೆಡ್ ಚಿಪ್ಸ್ಗಳನ್ನು ಬಂಕ್ ಮಾಲೀಕರ ಒಪ್ಪಿಗೆ ಪಡದೇ ಅಳವಡಿಸುತ್ತಿದ್ದರು. ಈ ಮೂಲಕ ಕೋಟ್ಯಾಂತರ ರೂಪಾಯಿಯನ್ನು ಗ್ರಾಹಕರಿಗೆ ಗೊತ್ತಿಲ್ಲದೇ ಅಕ್ರಮವಾಗಿ ಸಂಗ್ರಹಿಸಿದ್ದಾರೆಂದು ಸೈಬರಾಬಾದ್ ಪೊಲೀಸ್ ಆಯುಕ್ತ ವಿ.ಸಿ ಸಜ್ಜನರ್ ಮಾಹಿತಿ ನೀಡಿದ್ದಾರೆ.
ಗ್ಯಾಂಗ್ನಿಂದ 14 ಇಂಟಿಗ್ರೇಟೆಡ್ ಚಿಪ್ಸ್, 8 ಡಿಸ್ಪ್ಲೇಗಳು, ಮೂರು ಜಿಬಿಆರ್ ಕೇಬಲ್ಗಳು, ಒಂದು ಮದರ್ ಬೋರ್ಡ್ ಮತ್ತು ಒಂದು ಹುಂಡೈ ಐ20 ಕಾರನ್ನು ವಶಕ್ಕೆ ಪಡೆಯಲಾಗಿದೆ. ಪ್ರಮುಖ ಆರೋಪಿಗಳನ್ನು ಬಾಷಾ ಬಾಬಾ, ಮದಸುಗುರಿ ಶಂಕರ ಮತ್ತು ಮಲ್ಲೇಶ್ವರ ರಾವ್ ಎಂದು ಗುರುತಿಸಲಾಗಿದ್ದು, ಇವರೆಲ್ಲರೂ ಆಂಧ್ರ ಪ್ರದೇಶದ ಎಲೂರು ಪಟ್ಟಣದವರು.
#CYBERABADPOLICE APPREHENSION OF INTERSTATE GANG INDULGING IN CHEATING AND IRREGULARITIES IN FUEL STATIONS ACROSS THE COUNTRY.https://t.co/A4HRTTkQlY@TelanganaDGP @hydcitypolice @RachakondaCop @TelanganaCOPs pic.twitter.com/RUrd1fjmuE
— Cyberabad Police (@cyberabadpolice) September 5, 2020
ಇದಲ್ಲದೆ, ಎರಡು ರಾಜ್ಯದ 9 ಮಾಲೀಕರನ್ನೂ ಸಹ ಪೊಲೀಸರು ಬಂಧಿಸಿದ್ದಾರೆ. ಐವರು ಮಾಲೀಕರು ಪರಾರಿಯಾಗಿದ್ದಾರೆ. ಇನ್ನು ಕೆಲವರು ಸಹ ಎಸ್ಕೇಪ್ ಆಗಿದ್ದು, ಅವರ ಪತ್ತೆಗಾಗಿ ಪೊಲೀಸರು ಬಲೆ ಬೀಸಿದ್ದಾರೆ. (ಏಜೆನ್ಸೀಸ್)
ಸೋಂಕಿತೆಯನ್ನು ಆಸ್ಪತ್ರೆಗೆ ಸಾಗಿಸುವಾಗ ಅತ್ಯಾಚಾರ ಮಾಡಿದ ಆಂಬ್ಯುಲೆನ್ಸ್ ಚಾಲಕ!