ನವದೆಹಲಿ: ಬಾಬು ಜಗಜೀವನ್ರಾಮ್ ಆಸ್ಪತ್ರೆಯ 11 ಡಾಕ್ಟರ್ಗಳು ಸೇರಿ 31 ಸಿಬ್ಬಂದಿಗೆ ಕೋವಿಡ್ 19 ಟೆಸ್ಟ್ನಲ್ಲಿ ಪಾಸಿಟಿವ್ ಬಂದಿದೆ. ಎಲ್ಎನ್ಜೆಪಿ ಆಸ್ಪತ್ರೆ, ರಾಜೀವ್ ಗಾಂಧಿ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆ ಹಾಗೂ ಕೆಲವು ಖಾಸಗಿ ಆಸ್ಪತ್ರೆಗಳಿಗೆ ಇವರೆನ್ನೆಲ್ಲ ದಾಖಲಿಸಲಾಗಿದೆ. ಇನ್ನೂ ಕೆಲವರಿಗೆ ಕ್ವಾರಂಟೈನ್ನಲ್ಲಿ ಇರುವಂತೆ ಸೂಚಿಸಲಾಗಿದೆ ಎಂದು ಆಸ್ಪತ್ರೆ ಮೂಲಗಳು ತಿಳಿಸಿವೆ.
ಗುರುವಾರದ ತನಕ ಏಳು ಡಾಕ್ಟರ್ಗಳು ಮತ್ತು ಏಳು ಇತರೆ ಸ್ಟಾಫ್ಗೆ ಕೋವಿಡ್ 19 ಪಾಸಿಟಿವ್ ಬಂದಿದ್ದು, ಈ ಸಂಖ್ಯೆ ಈಗ 31ಕ್ಕೆ ಏರಿಕೆಯಾಗಿದೆ. ಆಸ್ಪತ್ರೆಯ ಹಿರಿಯ ಅಧಿಕಾರಿಯೊಬ್ಬರ ಪ್ರಕಾರ, ಈ ರೀತಿ ತ್ವರಿತವಾಗಿ ಸೋಂಕು ಹರಡುವುದಕ್ಕೆ ಕಾರಣ ಉತ್ತರ ದೆಹಲಿಯ ಜಹಾಂಗಿರ್ಪುರಿ ಪ್ರದೇಶದಲ್ಲಿನ ಕಮ್ಯೂನಿಟಿ ಟ್ರಾನ್ಸ್ಮಿಷನ್ ಆಗಿರಲೂ ಬಹುದು.ಅಲ್ಲಿ ಅನೇಕ ಪ್ರದೇಶಗಳನ್ನು ಕಂಟೇನ್ಮೆಂಟ್ ಝೋನ್ ಎಂದು ಗುರುತಿಸಲಾಗಿದೆ.ಈ ಆಸ್ಪತ್ರೆಗೆ ಬರುವ ಬಹುತೇಕರಲ್ಲಿ ಯಾವುದೇ ಗುಣಲಕ್ಷಣಗಳಿರುವುದು ಕಂಡುಬಂದಿಲ್ಲ.ಹೀಗಾಗಿ ಇದು ಸೋಂಕು ಹರಡುವುದಕ್ಕೆ ಕಾರಣವೂ ಆಗಿರಬಹುದು.
ಶುಕ್ರವಾರ ಡಾಕ್ಟರ್ಗಳಿಗೆ ಹೊರತಾಗಿ, ನರ್ಸ್ಗಳು, ಅರೆವೈದ್ಯಕೀಯ ಸಿಬ್ಬಂದಿ, ಸೆಕ್ಯುರಿಟಿ ಗಾರ್ಡ್ಸ್, ಡೆಸ್ಕ್ಪರ್ಸನ್ಗಳಿಗೆ ಸೋಂಕು ದೃಢಪಟ್ಟಿದೆ. ಈ ಆಸ್ಪತ್ರೆಯಲ್ಲಿ ಮೊದಲ ಪಾಸಿಟಿವ್ ಕೇಸ್ ಖಚಿವಾದುದು ಏಪ್ರಿಲ್ 22ರಂದು. ಅಂದು ಸಿಬ್ಬಂದಿಯನ್ನು ಈ ಟೆಸ್ಟ್ಗೆ ಒಳಪಡಿಸಲಾಗಿತ್ತು. ಕಳೆದ ಕೆಲವು ದಿನಗಳ ಅವಧಿಯಲ್ಲಿ ಒಟ್ಟು 350 ಸಿಬ್ಬಂದಿಯನ್ನು ಈ ಟೆಸ್ಟ್ಗೆ ಒಳಪಡಿಸಲಾಗಿದೆ.ಈ ಪೈಕಿ 31 ಜನರ ವರದಿ ಪಾಸಿಟಿವ್ ಬಂದಿದೆ. (ಏಜೆನ್ಸೀಸ್)
50,000 ದಾಟಿತು ಅಮೆರಿಕದಲ್ಲಿ COVID19 ಸಾವಿನ ಸಂಖ್ಯೆ, ನ್ಯೂಯಾರ್ಕ್ ಪರಿಸ್ಥಿತಿ ಶೋಚನೀಯ