ಸ್ಟಾಕ್ಹೋಂ: ಫ್ರೆಂಚ್ ವಿಜ್ಞಾನಿ ಎಮ್ಯಾನುಯೆಲ್ ಚಾರ್ಪೆಂಟಿಯರ್ ಮತ್ತು ಅಮೆರಿಕದ ಜೆನ್ನಿಫರ್ ಎ.ಡೌಡ್ನಾ ಅವರು ಪ್ರಸಕ್ತ ಸಾಲಿನ ರಸಾಯನ ಶಾಸ್ತ್ರದ ಪ್ರತಿಷ್ಠಿತ ನೊಬೆಲ್ ಪ್ರಶಸ್ತಿ ಪುರಸ್ಕೃತರಾಗಿದ್ದಾರೆ. ಇವರಿಬ್ಬರೂ ಜೀನ್ ಎಡಿಟಿಂಗ್ (ಜೀನೋಮ್ ಎಡಿಟಿಂಗ್)ನ ಒಂದು ವಿಧಾನವನ್ನು ಅಭಿವೃದ್ಧಿ ಪಡಿಸಿದ ಸಾಧನೆಗಾಗಿ ನೊಬೆಲ್ ಪ್ರಶಸ್ತಿ ನೀಡಲಾಗಿದೆ.
ಜೀನೋಮ್ ಎಡಿಟಿಂಗ್ಗೆ ತೀಕ್ಷ್ಣವಾದ ಸಾಧನಗಳನ್ನು ಎಮ್ಯಾನುಯೆಲ್ ಚಾರ್ಪೆಂಟಿಯರ್ ಮತ್ತು ಜೆನ್ನಿಫರ್ ಎ.ಡೌಡ್ನಾ ಕಂಡು ಹಿಡಿದಿದ್ದಾರೆ. ಇವರಿಗೆ ನೀಡಲಾಗುವ ಪ್ರಶಸ್ತಿ 10 ಮಿಲಿಯನ್ ಸ್ವೀಡಿಶ್ ಕ್ರೌನ್ (1.1ಮಿಲಿಯನ್ ಡಾಲರ್) ಒಳಗೊಂಡಿದೆ.
ಈ ಮಹಿಳಾ ವಿಜ್ಞಾನಿಗಳು ಅಭಿವೃದ್ಧಿ ಜೀನೋಮ್ ಎಡಿಟಿಂಗ್ ಹೊಸ ಜೀವ ವಿಜ್ಞಾನದ ಮೇಲೆ ಕ್ರಾಂತಿಕಾರಿ ಪರಿಣಾಮ ಬೀರಿದೆ. ಕ್ಯಾನ್ಸರ್ಗೆ ಸಂಬಂಧಿಸಿದ ಹೊಸ ಚಿಕಿತ್ಸೆಗಳಿಗೆ ಕೊಡುಗೆ ನೀಡಿದೆ. ಆನುವಂಶಿಕ ಕಾಯಿಲೆಗಳನ್ನು ಗುಣಪಡಿಸುವತ್ತ ಹೊಸ ಭರವಸೆ ಮೂಡಿಸಿದೆ ಎಂದು ಸ್ವೀಡಿಶ್ ಅಕಾಡೆಮಿ ಆಫ್ ಸೈನ್ಸಸ್ ತಿಳಿಸಿದೆ. (ಏಜೆನ್ಸೀಸ್)