ನವದೆಹಲಿ: ದೇಶ ಕಾಯುವ ಯೋಧರಿಗೂ ಮಹಾಮಾರಿಯಂತೆ ಕಾಡುತ್ತಿದೆ ಈ ಕೊವಿಡ್-19.
ಗಡಿ ಭದ್ರತಾ ಪಡೆ (ಬಿಎಸ್ಎಫ್)ಯ ಇಬ್ಬರು ಯೋಧರು ಕರೊನಾದಿಂದ ಸಾವನ್ನಪ್ಪಿದ್ದಾರೆ. ನಿನ್ನೆ ಓರ್ವ ಯೋಧ ದೆಹಲಿಯ ಸಫ್ದರ್ಜಂಗ್ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದರು. ಇಂದು ಇನ್ನೋರ್ವ ಬಿಎಸ್ಎಫ್ ಯೋಧನ ಸಾವಾಗಿದೆ.
ಕಳೆದ ತಿಂಗಳು ಸಿಆರ್ಪಿಎಫ್ನ 55 ವರ್ಷದ ಸಬ್ ಇನ್ಸ್ಪೆಕ್ಟರ್ ಕೊವಿಡ್ನಿಂದ ಸಾವನ್ನಪ್ಪಿದ್ದರು. ಈಗ ಇವರಿಬ್ಬರು ಮೃತಪಟ್ಟಿದ್ದು, ಸೇನಾ ವಲಯದಲ್ಲಿ ಆತಂಕ ಸೃಷ್ಟಿಸಿದೆ.
ಸುಮಾರು 2.5 ಲಕ್ಷ ಸಿಬ್ಬಂದಿಯಿರುವ ಗಡಿ ಭದ್ರತಾ ಪಡೆಯಲ್ಲಿ 193 ಕರೊನಾ ಸೋಂಕಿತರು ಇದ್ದಾರೆ. ಇಂದು 41 ಹೊಸ ಕೇಸ್ಗಳು ಪತ್ತೆಯಾಗಿವೆ. ಆರೋಗ್ಯ ಇಲಾಖೆಯಿಂದ ವಿಧಿಸಲಾದ ನಿಯಮಗಳನ್ನು ಕಟ್ಟುನಿಟ್ಟಾಗಿ ಪಾಲನೆ ಮಾಡಲಾಗುತ್ತಿದೆ. ವ್ಯವಸ್ಥಿತವಾದ ಐಸೋಲೇಶನ್ ವಾರ್ಡ್ಗಳು, ಕ್ವಾರಂಟೈನ್ ಸೆಂಟರ್ಗಳನ್ನೂ ನಿರ್ಮಿಸಲಾಗಿದೆ ಎಂದು ಬಿಎಸ್ಎಫ್ ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ.
ಇದನ್ನೂ ಓದಿ: ಸೇನಾನಿಗಳ ತ್ಯಾಗ ಶ್ಲಾಘನೀಯ
ಬುಧವಾರ ಒಂದೇ ದಿನ 85 ಬಿಎಸ್ಎಫ್ ಯೋಧರಲ್ಲಿ ಕರೊನಾ ಪಾಸಿಟಿವ್ ಕಾಣಿಸಿಕೊಂಡಿತ್ತು. ಅದರಲ್ಲಿ ಹೆಚ್ಚಿನ ಪ್ರಕರಣ ಕಂಡುಬಂದಿದ್ದು, ದೆಹಲಿ, ಕೋಲ್ಕತ್ತಾ, ತ್ರಿಪುರದಿಂದ ಎಂದು ಬಿಎಸ್ಎಫ್ ವಕ್ತಾರ ಶುಭೇಂದು ಭಾರದ್ವಾಜ್ ತಿಳಿಸಿದ್ದಾರೆ.
ಕೇಂದ್ರ ಪ್ಯಾರಾಮಿಲಿಟರಿ ಪಡೆಗಳ ಒಟ್ಟು 400 ಸೈನಿಕರು ಕರೊನಾ ಸೋಂಕಿಗೆ ತುತ್ತಾಗಿದ್ದಾರೆ. ಇನ್ನು ರಾಷ್ಟ್ರಾದ್ಯಂತ ಹಲವು ಯೋಧರು ಲಾಕ್ಡೌನ್ ಕರ್ತವ್ಯಕ್ಕೆ ನಿಯೋಜನೆಗೊಂಡಿದ್ದಾರೆ. ಅವರ ಆರೋಗ್ಯವೂ ಅಪಾಯದಲ್ಲೇ ಇದೆ. (ಏಜೆನ್ಸೀಸ್)
ಇದನ್ನೂ ಓದಿ: ಓಖಾದ ಕಡಲ ಗಡಿರೇಖೆ ಬಳಿ ಭಾರತದ ಎರಡು ಬೋಟ್ಗಳ ಮೇಲೆ ಗುಂಡಿನ ದಾಳಿ ನಡೆಸಿದ ಪಾಕ್ ನೌಕಾಪಡೆ ಸೈನಿಕರು
ಉಗ್ರ ರಿಯಾಜ್ ನಾಯ್ಕೂ ಎನ್ಕೌಂಟರ್ಗೆ ರಕ್ಷಣಾ ಪಡೆಗಳ ಸಹಾಯಕ್ಕೆ ನಿಂತಿದ್ದು ಇನ್ನೊಂದು ಉಗ್ರಸಂಘಟನೆ…!