4 ದಿನಗಳಲ್ಲಿ 12 ಬಲಿ: ಕಾನೂನು ಹಕ್ಕು ಇಲ್ಲದಿದ್ರೆ ಸುಮ್ಮನೆ ಮನೆಗೆ ನಡೆಯಿರಿ ಎಂದ ತಾಲಿಬಾನ್..!​

ಕಾಬುಲ್​: ಅಮೆರಿಕ ತನ್ನ ಸೇನೆಯನ್ನು ಹಿಂತೆಗೆದುಕೊಂಡ ಬಳಿಕ ಆಫ್ಘಾನಿಸ್ತಾನ​​ ಮೇಲಿನ ಆಕ್ರಮಣವನ್ನು ಆರಂಭಿಸಿದ ತಾಲಿಬಾನ್​ ಬಂಡುಕೋರರು ಇಡೀ ಆಫ್ಘಾನ್​ ರಾಷ್ಟ್ರವನ್ನೇ ತನ್ನ ತೆಕ್ಕೆಗೆ ಹಾಕಿಕೊಂಡಿದ್ದು, ತನ್ನ ಕಠೋರ ನಿಲುವುಗಳಿಂದ ರಕ್ತದೊಕುಳಿ ಆರಂಭಿಸಿದೆ. ಇಡೀ ಆಫ್ಘಾನ್​ನಲ್ಲಿ ಸದ್ಯ ಮಾನವೀಯತೆ ಮರೆಯಾಗಿದೆ.

ತಾಲಿಬಾನಿಗಳು ಕಳೆದ ಭಾನುವಾರ ಕಾಬುಲ್​ ವಶಪಡಿಸಿಕೊಳ್ಳುತ್ತಿದಂತೆ ಅವರ ಅಟ್ಟಹಾಸಕ್ಕೆ ಬೆದರಿ ಆಫ್ಘಾನ್​ ಪ್ರಜೆಗಳು ಏರ್​ಪೋರ್ಟ್​ನ ಧಾವಿಸಿ ಬಂದರು. ದೇಶ ತೊರೆಯುವ ಯತ್ನದಲ್ಲಿ ಕೆಲವರು ಸಫಲವಾದರೆ, ಇನ್ನು ಕೆಲವರು ತಾಲಿಬಾನಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.

ಭಾನುವಾರದಿಂದ ಇಲ್ಲಿಯವರೆಗೂ ಕಾಬುಲ್​ ಏರ್​ಪೋರ್ಟ್ ಸುತ್ತ ಸುಮಾರು 12 ಮಂದಿಯನ್ನು ಗುಂಡಿಟ್ಟು ಹತ್ಯೆ ಮಾಡಲಾಗಿದೆ. ನ್ಯಾಟೋ ಮತ್ತು ತಾಲಿಬಾನ್​ ಅಧಿಕಾರಿಗಳು 12 ಸಾವು ಸಂಭವಿಸಿರುವ ಬಗ್ಗೆ ಖಚಿತಪಡಿಸಿದೆ.

ವಿಮಾನ ನಿಲ್ದಾಣದ ಗೇಟ್‌ಗಳಲ್ಲಿ ಜನಸಂದಣಿಯನ್ನು ತಡೆಯಲು ತಾಲಿಬಾನ್​ ಪ್ರಯತ್ನಿಸುತ್ತಿದ್ದು, ಯಾರಿಗೆ ಪಾಸ್​​ಪೋರ್ಟ್​, ವೀಸಾ ಮುಂತಾದ ಕಾನೂನು ಹಕ್ಕಿದೆ ಅವರು ದೇಶದಿಂದ ಹೊರಗೆ ಹೋಗಿ, ಕಾನೂನು ಹಕ್ಕು ಇಲ್ಲದಿದರೆ, ಸುಮ್ಮನೆ ಮನೆಗೆ ನಡೆಯಿರಿ ಎಂದು ತಾಲಿಬಾನ್​ ಬಂಡುಕೋರನೊಬ್ಬ ಸ್ಥಳೀಯರಿಗೆ ಎಚ್ಚರಿಕೆಯನ್ನು ನೀಡಿದ್ದಾನೆ.

ಏರ್​ಪೋರ್ಟ್​ನಲ್ಲಿ ಯಾರಿಗೂ ತೊಂದರೆ ನೀಡಲು ನಾವು ಬಯಸುವುದಿಲ್ಲ ಎಂದು ಹೆಸರೇಳಿಕೊಳ್ಳಲು ಇಚ್ಛಿಸದ ತಾಲಿಬಾನ್​ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/up-cm-free-bus-rides-offered-to-women-on-raksha-bandhan/

https://www.vijayavani.net/fear-of-dark-age-returns-for-afghan-women/

https://www.vijayavani.net/cm-basavaraja-bommai-mahanayaka-ambedkar-serial-promo-zee-kannada/