ಹೊಳಲ್ಕೆರೆ ಬಳಿ ಕಾರಿನಲ್ಲಿದ್ದ 8 ಕೋಟಿ ರೂ.ವಶಕ್ಕೆ

ಚಿತ್ರದುರ್ಗ: ಪೊಲೀಸರು ಹೊಳಲ್ಕೆರೆ ಬಳಿ ಬುಧವಾರ ಮಧ್ಯಾಹ್ನ, ಕಾರೊಂದನ್ನು ತಡೆದು ಅದರಲ್ಲಿದ್ದ ಅಂದಾಜು 8 ಕೋಟಿ ರೂ.ವಶಪಡಿಸಿಕೊಂ ಡಿದ್ದಾರೆ. ಪೊಲೀಸರಿಗೆ ಬಂದ ಮಾಹಿತಿ ಆಧರಿಸಿ ಚಿತ್ರದುರ್ಗದಿಂದ ಶಿವಮೊಗ್ಗದ ಕಡೆಗೆ ತೆರಳುತ್ತಿದ್ದ ಕಾರನ್ನು ಹೊಳಲ್ಕೆರೆ-ದುಮ್ಮಿ ನಡುವೆ ತಡೆದು ಅದರಲ್ಲಿದ್ದ ಹಣವನ್ನು ವಶಪಡಿಸಿಕೊಳ್ಳಲಾಗಿದೆ.
ನೋಟಿನ ಬಂಡಲ್‌ಗಳ ಲೆಕ್ಕದಲ್ಲಿ 8 ಕೋಟಿ ರೂ.ಇದೆ ಎಂದು ಅಂದಾಜಿಸಲಾಗಿದೆ. ನಿಖರ ಮೊತ್ತ ಎಷ್ಟು ಎಂಬುದು ಸಂಪೂರ್ಣ ಎ ಣಿಕೆ ಬಳಿಕ ಗೊತ್ತಾಗಲಿದೆ. ಈ ಮೊತ್ತ ಅಡಕೆ ವರ್ತಕರೊಬ್ಬರಿಗೆ ಸೇರಿದ್ದನ್ನಲಾಗಿದೆ. ಆದರೆ ವರ್ತಕರು ಯಾವ ಊರಿನವರು?ಯಾರು, ಯಾರಿಗೆ ಈ ಹಣವನ್ನು ಕಳಿಸುತ್ತಿದ್ದರು ಎಂಬುದಿನ್ನೂ ಗೊತ್ತಾಗಿಲ್ಲ. ಆದಾಯ ಇಲಾಖೆ ಅಧಿಕಾರಿಗಳಿಗೆ ಮಾಹಿತಿ ನೀಡಲಾಗಿದೆ ಎಂದು ಪೊಲೀಸ್ ಉನ್ನತ ಮೂಲಗಳು ತಿಳಿಸಿವೆ.