ಹುಬ್ಬಳ್ಳಿ: ಕರೊನಾ ವೈರಸ್ ಹರಡುವ ಆತಂಕ ರೈಲ್ವೆ ಪ್ರಯಾಣಿಕರ ಮೇಲೆಯೂ ಬೀರಿದ್ದು, ರೈಲು ನಿಲ್ದಾಣಗಳು, ರೈಲುಗಳು ಪ್ರಯಾಣಿಕರಿಲ್ಲದೆ ಬಿಕೊ ಎನ್ನುತ್ತಿವೆ.
ಕಳೆದ 4-5 ದಿನಗಳ ಹಿಂದೆಯಷ್ಟೇ ಪ್ರಯಾಣಿಕರಿಂದಾಗಿ ಸದಾ ದಟ್ಟಣೆಯಿಂದ ಕೂಡಿರುತ್ತಿದ್ದ ರೈಲು ನಿಲ್ದಾಣಗಳಲ್ಲಿ ಈಗ ಕಾಣಿಸುತ್ತಿರುವುದು ಬೆರಳೆಣಿಕೆ ಪ್ರಯಾಣಿಕರಷ್ಟೇ. ವಾರ, 15 ದಿನ ಮುಂಚಿತವಾಗಿ ಕಾಯ್ದಿರಿಸಿದ್ದ ಬಹುತೇಕ ಟಿಕೆಟ್ಗಳನ್ನು ಪ್ರಯಾಣಿಕರು ರದ್ದುಗೊಳಿಸಿದ್ದಾರೆ.
ಮುಂಗಡ ಟಿಕೆಟ್ ಕಾಯ್ದಿರಿಸುವವರ ಸಂಖ್ಯೆ ಸಾಕಷ್ಟು ಇಳಿಕೆಯಾಗಿದೆ. ನಿಲ್ದಾಣಗಳಲ್ಲಿಯೂ ಪ್ರಯಾಣಿಕರಿಲ್ಲದೇ ಹಲವಾರು ಟಿಕೆಟ್ ಕೌಂಟರ್ಗಳನ್ನು ಮುಚ್ಚಲಾಗಿದೆ.
ಹುಬ್ಬಳ್ಳಿ ನಿಲ್ದಾಣದಲ್ಲಿಯಂತೂ ಬುಧವಾರ ಕಂಡುಬಂದಿದ್ದು ಬೆರಳೆಣಿಕೆ ಪ್ರಯಾಣಿಕರು. ಪ್ಲಾಟ್ಫಾಮರ್್ಗಳೂ ಖಾಲಿ ಖಾಲಿ. ನಿಲ್ದಾಣದ ಹೊರಗಿನ ಪ್ರಿಪೇಯ್್ಡ ಆಟೋ ಕೇಂದ್ರಕ್ಕೂ ಕರೊನಾ ವೈರಸ್ ಬಿಸಿ ತಟ್ಟಿದೆ. ನಿತ್ಯ 150 ರಿಂದ 200 ಆಟೋಗಳು ಈ ಪ್ರಿಪೇಯ್್ಡ ಆಟೋ ಕೇಂದ್ರದಿಂದ ಸಂಚರಿಸುತ್ತಿದ್ದವು. ಈಗ ನಿತ್ಯ 50-80 ಆಟೋಗಳು ಸಂಚರಿಸುವುದು ದುಸ್ತವಾಗಿದೆ ಎನ್ನುತ್ತಾರೆ ಇಲ್ಲಿನ ಸಿಬ್ಬಂದಿ. 4-5 ದಿನಗಳಿಂದ ಕಂಡುಬರುತ್ತಿರುವ ಪ್ರಯಾಣಿಕರ ಇಳಿಮುಖದಿಂದಾಗಿ ನೈಋತ್ಯ ರೈಲ್ವೆ ವಲಯ ಕೆಲ ರೈಲುಗಳ ಸಂಚಾರವನ್ನು ತಾತ್ಕಾಲಿಕವಾಗಿ ರದ್ದುಗೊಳಿಸಿದೆ.
ರೈಲು ಸಂಚಾರ ರದ್ದು
ಏ. 1ರವರೆಗೆ ಯಶವಂತಪುರ- ವಾಸ್ಕೋಡಾಗಾಮಾ – ಯಶವಂತಪುರ ಎಕ್ಸ್ಪ್ರೆಸ್ ಸ್ಪೆಷಲ್ ಮತ್ತು ವಿಜಯಪುರ- ಮಂಗಳೂರು ಜಂಕ್ಷನ್- ವಿಜಯಪುರ ಡೈಲಿ ಎಕ್ಸ್ಪ್ರೆಸ್ ರೈಲು, ಮಾ. 31ರವರೆಗೆ ಚೆನ್ನೈ- ಶಿವಮೊಗ್ಗ- ಚೆನ್ನೈ ಬೈ ವೀಕ್ಲಿ ಎಕ್ಸ್ಪ್ರೆಸ್ ಸ್ಪೆಷಲ್ ಮತ್ತು ಯಶವಂತಪುರ-ವಿಜಯಪುರ- ಯಶವಂತಪುರ ಡೈಲಿ ಎಕ್ಸ್ಪ್ರೆಸ್ ರೈಲು, ಮಾ. 27ರವರೆಗೆ ಹಬೀಬಗಂಜ್-ಧಾರವಾಡ ಎಕ್ಸ್ಪ್ರೆಸ್ ಸ್ಪೆಷಲ್ ಮತ್ತು ಮಾ. 28ರವರೆಗೆ ಧಾರವಾಡ- ಹಬಿಬಗಂಜ್ ಎಕ್ಸ್ಪ್ರೆಸ್ ಸ್ಪೇಷಲ್ ರೈಲುಗಳ ಸಂಚಾರವನ್ನು ರದ್ದುಗೊಳಿಸಲಾಗಿದೆ.
ಕರೊನಾ ವೈರಸ್ ಆತಂಕದಿಂದಾಗಿ ಕಳೆದ ಮೂರ್ನಾಲ್ಕು ದಿನಗಳಿಂದ ರೈಲ್ವೆ ಪ್ರಯಾಣಿಕರ ಸಂಖ್ಯೆಯಲ್ಲಿ ಇಳಿಕೆಯಾಗಿದೆ. ಹೀಗಾಗಿ ಕೆಲ ರೈಲುಗಳ ಸಂಚಾರವನ್ನು ತಾತ್ಕಾಲಿಕವಾಗಿ ರದ್ದುಗೊಳಿಸಲಾಗಿದೆ.
| ಇ. ವಿಜಯಾ, ನೈಋತ್ಯ ರೈಲ್ವೆ ವಲಯದ ಮುಖ್ಯ ಸಾರ್ವಜನಿಕ ಸಂಪರ್ಕಾಧಿಕಾರಿ