ಮುಂಡರಗಿ: ಉತ್ತರ ಪ್ರದೇಶದ ಹಾಥರಸ್ನಲ್ಲಿ ಯುವತಿ ಮೇಲೆ ಅತ್ಯಾಚಾರವೆಸಗಿದ ದುಷ್ಕರ್ವಿುಗಳಿಗೆ ಕಠಿಣ ಶಿಕ್ಷೆ ವಿಧಿಸಬೇಕು ಎಂದು ಒತ್ತಾಯಿಸಿ ತಾಲೂಕು ವಾಲ್ಮೀಕಿ ನಾಯಕ ಸಂಘ, ಅಂಬೇಡ್ಕರ್ ದಲಿತ ಚಳವಳಿ ವೇದಿಕೆ ಹಾಗೂ ಮಾನವ ಬಂಧುತ್ವ ವೇದಿಕೆ ಕಾರ್ಯಕರ್ತರು ಸೋಮವಾರ ತಹಸೀಲ್ದಾರ್ ಆಶಪ್ಪ ಪೂಜಾರಿ ಅವರ ಮೂಲಕ ಮುಖ್ಯಮಂತ್ರಿ ಹಾಗೂ ರಾಜ್ಯಪಾಲರಿಗೆ ಮನವಿ ಸಲ್ಲಿಸಿದರು.
ತಪ್ಪಿತಸ್ಥರ ವಿರುದ್ಧ ಸೂಕ್ತ ಕ್ರಮ ಕೈಗೊಂಡು ಇಂತಹ ಘಟನೆ ಮರುಕಳಿಸದಂತೆ ಎಚ್ಚರ ವಹಿಸಬೇಕು ಎಂದು ಮನವಿಯಲ್ಲಿ ಒತ್ತಾಯಿಸಿದ್ದಾರೆ.
ತಾಲೂಕು ವಾಲ್ಮೀಕಿ ನಾಯಕ ಸಂಘದ ಅಧ್ಯಕ್ಷ ಮೈಲಾರಪ್ಪ ಕಲಕೇರಿ, ಶಹರ ಘಟಕದ ಅಧ್ಯಕ್ಷ ವೆಂಕಟೇಶ ಬಂಡೆಣ್ಣವರ, ಸುರೇಶ ನಾಯ್ಕರ, ಶ್ರೀನಿವಾಸ ಕೊರ್ಲಗಟ್ಟಿ, ಅಂಬೇಡ್ಕರ್ ದಲಿತ ಚಳವಳಿ ವೇದಿಕೆ ಅಧ್ಯಕ್ಷ ಲಕ್ಷ್ಮಣ ತಗಡಿನಮನಿ, ಸುರೇಶ ಮಾಗಡಿ, ಸುರೇಶ ಬಣಕಾರ, ವಿಜಯಕುಮಾರ ರಾಟಿ, ಕನಕಪ್ಪ ಕಾತರಕಿ, ಬಸವರಾಜ ನರೇಗಲ್ಲ, ಚನ್ನಬಸಪ್ಪ ಹಳ್ಳಿ, ಫಕೀರಪ್ಪ ರ್ಯಾವಣಕಿ, ಗರುಡಪ್ಪ ಜಂತ್ಲಿ, ಹನುಮಂತಪ್ಪ ವಾಲಿಕಾರ, ನಿಂಗಪ್ಪ ಹಳ್ಳಿಕೇರಿ, ಮಂಜಪ್ಪ ತಳಗೇರಿ, ಅಬ್ಬಾಸ್ ಅಲಿ ಹಡಗಲಿ, ಫಕೀರಪ್ಪ ದೊಡ್ಡಮನಿ ಇತರರು ಇದ್ದರು.