ಶಿವಮೊಗ್ಗ: ಪ್ರತಿವರ್ಷ ಉಕ್ಕಿ ಹರಿಯುವ ತುಂಗೆಯಲ್ಲಿ ಕಯಾಕಿಂಗ್ ಮೂಲಕ ಕೆಲ ಕಿ.ಮೀ. ಸಾಗುವ ಶಿವಮೊಗ್ಗದ ಸಾಹಸಿಗ ಅ.ನಾ.ವಿಜಯೇಂದ್ರ ರಾವ್, ಶುಕ್ರವಾರ ಬೆಳಗ್ಗೆ ತಮ್ಮ ಗೆಳೆಯರೊಂದಿಗೆ ಹೊನ್ನಾಳಿ ತಾಲೂಕಿನ ಶ್ರೀರಾಂಪುರದವರೆಗೆ 45 ಕಿ.ಮೀ. ಕಯಾಕಿಂಗ್ನಲ್ಲಿ ಕ್ರಮಿಸಿದರು. ಕೋರ್ಪಲಯ್ಯನ ಛತ್ರದಿಂದ ಬೆಳಗ್ಗೆ 7ಕ್ಕೆ ಹೊರಟ ತಂಡ ಮಧ್ಯಾಹ್ನ 3 ಗಂಟೆ ವೇಳೆಗೆ ಶ್ರೀರಾಂಪುರ ತಲುಪಿತು. ಒಟ್ಟು 3 ಕಯಾಕಿಂಗ್ನಲ್ಲಿ ಅ.ನಾ.ವಿಜಯೇಂದ್ರ ರಾವ್, ಶ್ರೀನಾಥ್ ನಗರಗದ್ದೆ, ಸಾಸ್ವೆಹಳ್ಳಿ ಸತೀಶ್, ಹರೀಶ್ ಪಟೇಲ್, ಅ.ನಾ.ಶ್ರೀಧರ್ ತೆರಳಿದರು. ತುರ್ತು ಸಂದರ್ಭದಲ್ಲಿ ನೆರವಾಗಲು ದಿಲೀಪ್ ನಾಡಿಗ್ ಮತ್ತು ಸಿ.ಎಚ್.ಪವನ್ ಎಂಬುವರು ಪ್ರತ್ಯೇಕವಾಗಿ ಕಾರಿನಲ್ಲಿ ತೆರಳಿದರು.
———
ಫೋಟೋ: 7 ಎಸ್ಎಂಜಿ 7
ಕಯಾಕಿಂಗ್ ಮೂಲಕ ಶಿವಮೊಗ್ಗದಿಂದ ಹೊನ್ನಾಳಿ ತಾಲೂಕು ಶ್ರೀರಾಂಪುರಕ್ಕೆ ತುಂಗಾ ನದಿಯಲ್ಲಿ ಶುಕ್ರವಾರ ಸಾಹಸಿಗರ ತಂಡ ಪ್ರಯಾಣ ಆರಂಭಿಸಿದ ಕ್ಷಣ.