ರಾಮದುರ್ಗ, ಬೆಳಗಾವಿ: ಮತಕ್ಷೇತ್ರದ ಅಭಿವೃದ್ಧಿಗೆ ಸರ್ಕಾರದಿಂದ ಸುಮಾರು 3,000 ಕೋಟಿ ರೂ.ಅನುದಾನ ಬಿಡುಗಡೆಗೆ ಪ್ರಾಮಾಣಿಕವಾಗಿ ಪ್ರಯತ್ನಿಸಿದ್ದೇನೆ. ಗೊಡಚಿ ವೀರಭದ್ರೇಶ್ವರ ಕ್ಷೇತ್ರದಲ್ಲಿ ಮೂಲ ಸೌಲಭ್ಯ ಕಲ್ಪಿಸಲು ಪ್ರಾಮಾಣಿಕವಾಗಿ ಪ್ರಯತ್ನಿಸಿದ್ದೇನೆ ಎಂದು ಶಾಸಕ ಮಹಾದೇವಪ್ಪ ಯಾದವಾಡ ಹೇಳಿದರು.
ತಾಲೂಕಿನ ಗೊಡಚಿ ಗ್ರಾಮದಲ್ಲಿ ಗೊಡಚಿಯಿಂದ ಸಾಲಹಳ್ಳಿ ಕ್ರಾಸ್ ವರೆಗೆ 6 ಕೋಟಿ 50 ಲಕ್ಷ ರೂ. ವೆಚ್ಚದಲ್ಲಿ ರಸ್ತೆ ಡಾಂಬರೀಕರಣ, ಚಂದರಗಿಯಲ್ಲಿ ರಸ್ತೆ ಸುಧಾರಣೆ ಕಾಮಗಾರಿಗೆ ಬಧವಾರ ಭೂಮಿಪೂಜೆ ನೆರವೇರಿಸಿ ಅವರು ಮಾತನಾಡಿದರು.
ಗುತ್ತಿಗೆದಾರರು ಗುಣಮಟ್ಟದ ಕಾಮಗಾರಿ ಕೈಗೊಳ್ಳಬೇಕು. ಒಂದು ವೇಳೆ ಕಳಪೆ ಕಾಮಗಾರಿ ನಡೆಯುತ್ತಿರುವುದು ಕಂಡುಬಂದರೆ ನಮ್ಮ ಗಮನಕ್ಕೆ ತಂದಲ್ಲಿ ಗುತ್ತಿಗೆದಾರರನ್ನು ಕರೆಯಿಸಿ, ಸಂಬಂಧಪಟ್ಟ ಇಲಾಖೆಯ ಅಧಿಕಾರಿಗಳಿಂದ ಗುಣಮಟ್ಟ ಕಾಯ್ದುಕೊಳ್ಳುವಂತೆ ಸೂಚಿಸುತ್ತೇನೆ. ಗ್ರಾಮಸ್ಥರು ಪಕ್ಷಾತೀತವಾಗಿ ಕ್ಷೇತ್ರದ ಅಭಿವೃದ್ಧಿಗೆ ಶ್ರಮಿಸಬೇಕು ಎಂದು ಕರೆ ನೀಡಿದರು.
ಗ್ರಾಪಂ ಅಧ್ಯಕ್ಷ ಶಿವನಗೌಡ ಪಾಟೀಲ, ಮುಖಂಡರಾದ ನಾಗನಗೌಡ ಜಾಮದಾರ, ಬಸನಗೌಡ ದ್ಯಾಮನಗೌಡ್ರ, ಮಾರುತಿ ತುಪ್ಪದ, ವಿಠ್ಠಲ ಜಗಟಗನ್ನವರ, ಸಂಗಪ್ಪ ಪಾಕನಟ್ಟಿ, ಗೂಳಪ್ಪ ಭಾವನ್ನವರ, ಈರಣ್ಣ ಕಾಮನ್ನವರ, ಈರಯ್ಯ ಪೂಜೇರ, ಗ್ರಾಪಂ ಸದಸ್ಯರಾದ ಸಾವಿತ್ರಿ ಜಾಮದಾರ, ಗಂಗವ್ವ ಹಾದಿಮನಿ, ಚಂದರಗಿ, ಗ್ರಾಪಂ ಸಾವಿತ್ರಿ ಅಡಗಿಮನಿ, ವಿಜಯ ಬನ್ನೂರ, ಮುಖಂಡರಾದ ಮಾರುತಿ ಮೇಟಿ ಇತರರಿದ್ದರು.