ಕೊಪ್ಪಳ: ಗ್ರಾಪಂ ಮಟ್ಟದಲ್ಲಿ ವಸತಿ ಯೋಜನೆ ಮನೆಗಳಿಗೆ ಜಿಪಿಎಸ್ ಅಳವಡಿಕೆ ಅಭಿಯಾನ ಮೇ 21 ಮತ್ತು 22ರಂದು ನಡೆಯಲಿದೆ.
ವಿವಿಧ ವಸತಿ ಯೋಜನೆಯಡಿ ಪ್ರಗತಿಯಲ್ಲಿರುವ ಮನೆಗಳನ್ನು ಪೂರ್ಣಗೊಳಿಸಲು ಹಾಗೂ ಅಪೂರ್ಣಗೊಂಡ ಮನೆಗಳ ಪ್ರತಿಯೊಬ್ಬ ಫಲಾನುಭವಿಗೆ ಗ್ರಾಪಂ ಮಟ್ಟದಲ್ಲಿ ನೋಟಿಸ್ ಜಾರಿ ಮಾಡಿ ಪೂರ್ಣಗೊಳಿಸಲು ತಾಪಂ ಇಒಗಳಿಗೆ ತಿಳಿಸಲಾಗಿದೆ. ಗಂಗಾವತಿ ತಾಲೂಕಿನಲ್ಲಿ ಆರಂಭಿಸದೇ ಇರುವ 607, ತಳಪಾಯ 476, ಲಿಂಟಲ್ 469, ಚಾವಣಿ 449, ಕುಕನೂರು 1252 ಆರಂಭವಾಗದ ಮನೆ, 830 ತಳಪಾಯ, 637 ಲಿಂಟಲ್, 292 ಚಾವಣಿ, ಯಲಬುರ್ಗಾ 1365 ಆರಂಭವಾಗದ ಮನೆ, 1167 ತಳಪಾಯ, 885 ಲಿಂಟಲ್, 404 ಚಾವಣಿ ಹಂತದಲ್ಲಿವೆ.
ಕನಕಗಿರಿ 400 ಆರಂಭವಾಗದ ಮನೆ, 294 ತಳಪಾಯ, 204 ಲಿಂಟಲ್, 112 ಚಾವಣಿ, ಕಾರಟಗಿ 665 ಆರಂಭವಾಗದ ಮನೆ, 550 ತಳಪಾಯ, 370 ಲಿಂಟಲ್, 191 ಚಾವಣಿ, ಕುಷ್ಟಗಿ 659 ಆರಂಭವಾಗದ ಮನೆ, 939 ತಳಪಾಯ, ಲಿಂಟಲ್ 678, ಚಾವಣಿ 291, ಕೊಪ್ಪಳ ತಾಲೂಕಿನಲ್ಲಿ ಆರಂಭವಾಗದ 594 ಮನೆ, 868 ತಳಪಾಯ, ಲಿಂಟಲ್ 763, ಚಾವಣಿ ಹಂತದಲ್ಲಿ 644 ಮನೆಗಳಿವೆ. ಜಿಲ್ಲಾದ್ಯಂತ 5532 ಆರಂಭವಾಗದ ಮನೆ, 5124 ತಳಪಾಯ, 4006 ಲಿಂಟಲ್, 2383 ಚಾವಣಿ ಹಂತದ ಮನೆಗಳಿವೆ. ಮೇ 21ರಿಂದ ಬೆಳಗ್ಗೆ 8ರಿಂದ ಗ್ರಾಪಂ ಪಿಡಿಒಗಳು ಜಿಪಿಎಸ್ ಮಾಡಿ ಮುಂದಿನ ಕ್ರಮವಹಿಸುವರೆಂದು ಜಿಪಂ ಉಪ ಕಾರ್ಯದರ್ಶಿ ಮಲ್ಲಿಕಾರ್ಜುನ ತೊದಲಬಾಗಿ ತಿಳಿಸಿದ್ದಾರೆ.