ಶಿವಮೊಗ್ಗ: ಭದ್ರಾವತಿ ಬಿ.ಎಚ್.ರಸ್ತೆಯ ನ್ಯೂ ಸ್ಟಾರ್ ಇಂಜಿನಿಯರಿಂಗ್ ವರ್ಕ್ಸ್ ಹತ್ತಿರ ಸೋಮವಾರ ಓಮಿನಿ ಕಾರಿನಲ್ಲಿ ಗಾಂಜಾ ಸಾಗಣೆ ಮಾಡುತ್ತಿದ್ದ 8 ಆರೋಪಿಗಳನ್ನು ಬಂಧಿಸಿರುವ ಹಳೇನಗರ ಪೊಲೀಸರು, 2 ಲಕ್ಷ ರೂ. ಮೌಲ್ಯದ ಗಾಂಜಾ ಜಪ್ತಿ ಮಾಡಿದ್ದಾರೆ.
ಭದ್ರಾವತಿ ಹೊಸಸಿದ್ದಾಪುರದ ವಿಜಯ್ಕುಮಾರ್ (19), ಚಂದನ್ (18), ಲಿಖಿತ್ಕುಮಾರ್ (21), ಸಂಕ್ಲಿಪುರದ ಕಿರಣ್ (22), ಚೆಲುವಕುಮಾರ್ (23), ಜಟ್ಪಟ್ನಗರದ ಕಿರಣ್ (28), ಹಳೇನಗರದ ಮಂಜುನಾಥ್ (27) ಹಾಗೂ ಸಿದ್ದಾಪುರ ತಾಂಡಾದ ಪವನ್ ನಾಯಕ್ (18) ಬಂಧಿತರು.
ಡಿವೈಎಸ್ಪಿ ಸುಧಾಕರ್ ನಾಯಕ್ ಮಾರ್ಗದರ್ಶನ, ಭದ್ರಾವತಿ ಸಿಪಿಐ ರಾಘವೇಂದ್ರ ಕಾಂಡಿಕೆ ನೇತೃತ್ವದಲ್ಲಿ ಹಳೇನಗರ ಪಿಎಸ್ಐ ಶ್ರೀನಿವಾಸ್ ಹಾಗೂ ಸಿಬ್ಬಂದಿ ಕಾರ್ಯಾಚರಣೆ ನಡೆಸಿದೆ. ಬಂಧಿತರಿಂದ 6.400 ಕೆಜಿ ಗಾಂಜಾ ಹಾಗೂ 2.5 ಲಕ್ಷ ರೂ. ಮೌಲ್ಯದ ಓಮಿನಿಯನ್ನು ಜಪ್ತಿ ಮಾಡಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.