ಬೆಂಗಳೂರು: ಸ್ಮಾರ್ಟ್ಫೋನ್ ಇದ್ದೂ ವಾಟ್ಸ್ಆ್ಯಪ್ ಇಲ್ಲದವರು ಇಲ್ಲವೇ ಇಲ್ಲ ಎಂದರೂ ಸರಿಯೇ ಎಂಬಷ್ಟರ ಮಟ್ಟಿಗೆ ವಾಟ್ಸ್ಆ್ಯಪ್ ಬಳಸುತ್ತಿರುವ ಗ್ರಾಹಕರು ಕೋಟಿಗಟ್ಟಲೆ ಸಂಖ್ಯೆಯಲ್ಲಿದ್ದಾರೆ. ತಕ್ಷಣಕ್ಕೆ ಏನೇ ಒಂದು ಮಾಹಿತಿ, ಫೋಟೋ-ವಿಡಿಯೋ ರವಾನೆ ಆಗಬೇಕೆಂದರೂ ಸಾಮಾನ್ಯವಾಗಿ ಮೊದಲು ಮೊರೆಹೋಗುವುದೇ ವಾಟ್ಸ್ಆ್ಯಪ್ಗೆ. ಹೀಗಿರುವಾಗ ಒಂದು ವೇಳೆ ವಾಟ್ಸ್ಆ್ಯಪ್ ಖಾತೆಯಲ್ಲಿ ಮುಂದುವರಿಯಲು ಆಗದಿದ್ದರೆ..?!
ಹೌದು.. ಮುಂದಿನ ವರ್ಷ ಇದ್ದಕ್ಕಿದ್ದಂತೆ ನಿಮ್ಮ ವಾಟ್ಸ್ಆ್ಯಪ್ ಅಕೌಂಟ್ ಡಿಸ್ಕನೆಕ್ಟೆಡ್ ಆದರೂ ಆಗಬಹುದು. ಏಕೆಂದರೆ ಅಂಥದ್ದೊಂದು ಅಪ್ಡೇಟ್ಗೆ ವಾಟ್ಸ್ಆ್ಯಪ್ ಸಜ್ಜಾಗಿದೆ. ವಾಟ್ಸ್ಆ್ಯಪ್ನ ಮುಂದಿನ ಷರತ್ತುಗಳನ್ನು ಒಪ್ಪಿಕೊಳ್ಳದಿದ್ದರೆ ನಿಮ್ಮ ಖಾತೆಯನ್ನು ಬಳಸಲು ಸಾಧ್ಯವಿಲ್ಲ ಎಂಬ ಮಾಹಿತಿಯೊಂದು ಹೊರಬಿದ್ದಿದೆ. 2021ರ ಫೆ. 8ರಂದು ವಾಟ್ಸ್ಆ್ಯಪ್ ಹೊಸ ಷರತ್ತುಗಳನ್ನು ಪ್ರಕಟಿಸಲಿದ್ದು, ಬಳಕೆದಾರರು ಮುಂದುವರಿಯಲು ಅದಕ್ಕೆ ಒಪ್ಪಿಗೆ ಸೂಚಿಸುವುದು ಅನಿವಾರ್ಯ ಎನ್ನಲಾಗಿದೆ.
ವಾಟ್ಸ್ಆ್ಯಪ್ ತನ್ನ ಡೇಟಾಗಳನ್ನು ಹೇಗೆ ನಿಭಾಯಿಸಲಿದೆ ಎಂಬ ಬಗ್ಗೆ ಇದರಲ್ಲಿ ಮಾಹಿತಿಗಳು ಇರಲಿವೆ. ಫೇಸ್ಬುಕ್ ಮಾಲೀಕತ್ವದ ಈ ವಾಟ್ಸ್ಆ್ಯಪ್ ಮೂಲಕ ಹೇಗೆ ಚಾಟ್ಗಳನ್ನು ಬಳಸಿಕೊಳ್ಳಲಾಗುತ್ತದೆ ಎಂಬ ಮಾಹಿತಿಯೂ ಇರಲಿದೆ. ಮುಂದಿನ ಅಪ್ಡೇಟ್ಸ್ ಮೂಲಕ ವಾಟ್ಸ್ಆ್ಯಪ್ ಬಳಕೆದಾರರಿಗೆ ಜಾಹೀರಾತಿರದ ಕೆಲವು ಮಾಹಿತಿಗಳನ್ನು ನೀಡಲಾಗುತ್ತದೆ. ಇದನ್ನು ನೇರವಾಗಿ ಚಾಟ್ ರೂಪದಲ್ಲಿ ಕಳುಹಿಸದಿದ್ದರೂ ಇನ್ ಆ್ಯಪ್ ಬ್ಯಾನರ್ ಥರ ಕಳುಹಿಸಲಾಗುವುದು. ಇದನ್ನು ಕ್ಲಿಕ್ ಮಾಡಿದರೆ ಹೊರಗಿನ ಸೈಟ್ಗೆ ಕರೆದೊಯ್ಯಲಿದೆ ಎಂಬುದು ಕಂಪನಿ ಮೂಲಗಳಿಂದ ತಿಳಿದುಬಂದಿದೆ. ಈ ಕುರಿತ ಎಲ್ಲ ಮಾಹಿತಿಗಳು 2021ರ ಫೆ. 8ರ ಅಪ್ಡೇಟ್ಸ್ನಲ್ಲಿ ಬರುವ ಷರತ್ತಿನಲ್ಲಿ ಇರಲಿದ್ದು, ಅದಕ್ಕೆ ಒಪ್ಪಿಗೆ ಸೂಚಿಸಿದರೆ ಬಳಕೆದಾರರು ವಾಟ್ಸ್ಆ್ಯಪ್ನಲ್ಲಿ ಮುಂದುವರಿಯಲು ಸಾಧ್ಯ ಎನ್ನಲಾಗಿದೆ. (ಏಜೆನ್ಸೀಸ್)
‘ಒಬ್ಬನ ತಲೆ ಕಡಿದೆ, ಇನ್ನೊಬ್ಬನ ಇರಿದೆ, ಮತ್ತೊಬ್ಬನ ಕತ್ತರಿಸಿದೆ…ಅವರ್ಯಾರೋ ನಂಗೊತ್ತಿಲ್ಲ… ಆಹಾ! ಅದೆಂಥ ನೆಮ್ಮದಿ..’
ತಂದೆಯವರು ನನ್ನ ತಮ್ಮ, ಅವನ ಪತ್ನಿಗೆ ಆಸ್ತಿ ಬರೆದಿದ್ದು ನನಗೇನೂ ಕೊಟ್ಟಿಲ್ಲ- ಕೇಸ್ ಹಾಕಬಹುದಾ?