ಬೆಂಗಳೂರು: ಸಿನಿಮಾ ತಾರೆಯರಿಗೂ ಜಾಲಿ ಟ್ರಿಪ್ಗೂ ಅದೇನೋ ನಂಟು. ಸದಾ ಒಂದಿಲ್ಲೊಂದು ದೇಶಕ್ಕೆ ತೆರಳಿ ಒಂದಷ್ಟು ದಿನಗಳ ಕಾಲ ರಜೆಯ ಮಜ ಅನುಭವಿಸಿ ಬರುತ್ತಾರೆ. ಆದರೆ, ಕಳೆದ ವರ್ಷ ಮಾತ್ರ ಹಾಗಾಗಿರಲಿಲ್ಲ. ಕರೊನಾ ಹಿನ್ನೆಲೆಯಲ್ಲಿ ಬಹುತೇಕರು ಮನೆಯಲ್ಲಿಯೇ ಠಿಕಾಣಿ ಹೂಡಿದ್ದರು. ಇನ್ನು ಕೆಲವರು ಲಾಕ್ಡೌನ್ ಸಡಿಲವಾಗುತ್ತಿದ್ದಂತೆ ಮಿಸ್ ಮಾಡಿಕೊಂಡಿದ್ದ ಸ್ಥಳಕ್ಕೆ ಭೇಟಿ ಕೊಟ್ಟಿದ್ದರು.
ಅದೇ ರೀತಿ ಇದೀಗ ಸ್ಯಾಂಡಲ್ವುಡ್ ಸ್ಟಾರ್ ಜೋಡಿ ಯಶ್- ರಾಧಿಕಾ ಮಕ್ಕಳಾದ ಐರಾ ಮತ್ತು ಯಥರ್ವ ಸಮೇತ ಮಾಲ್ಡೀವ್ಸ್ಗೆ ಭೇಟಿ ನೀಡಿದ್ದಾರೆ. ಆ ಭೇಟಿಯ ಒಂದಷ್ಟು ಫೋಟೋಗಳನ್ನು ಯಶ್ ಜಾಲತಾಣದಲ್ಲಿ ಶೇರ್ ಮಾಡಿಕೊಂಡು ಆ ಪ್ರವಾಸದ ಕ್ಷಣಕ್ಕೆ ಒಳ್ಳೇ ಕ್ಯಾಪ್ಷನ್ ಸಹ ಕೊಟ್ಟಿದ್ದಾರೆ. ‘ಭೂಲೋಕದಲ್ಲಿ ಯಾವುದಾದರೂ ಸ್ವರ್ಗ ಇದೆಯೆಂದರೆ, ಅದು ಈ ಸ್ಥಳವೇ! ಮಾಲ್ಡೀವ್ಸ್. ನಾವೀಗ ಇಲ್ಲಿಗೆ ಬಂದಿದ್ದೇವೆ’ ಎಂದು ಬರೆದುಕೊಂಡಿದ್ದಾರೆ.
ಗಂಡ ಅವನಲ್ಲ, ಅವಳು!: ಗಂಡಸೆಂದು ಬಿಂಬಿಸಿಕೊಂಡು ವಿಧವೆಯನ್ನು ಮದ್ವೆಯಾದ್ಲು; ಆಮೇಲೆ ನಡೆದಿದ್ದೇ ಬೇರೆ…
‘ಚಿಕನ್, ಮೊಟ್ಟೆಯನ್ನ 3 ಸೆಕೆಂಡ್ ಬೇಯಿಸಿದ್ರೂ ಸಾಕು, ಹಕ್ಕಿ ಜ್ವರ ಹತ್ತಿರಾನು ಸುಳಿಯಲ್ಲ’