ಸರಿಯಾಗಿ ಒಂದು ತಿಂಗಳ ಹಿಂದೆ ‘ಕೆಜಿಎಫ್ 2’ ಚಿತ್ರತಂಡದಿಂದ ಒಂದು ಅಧಿಕೃತ ಪ್ರಕಟಣೆ ಹೊರಬಿದ್ದಿತ್ತು. ಅದು ಚಿತ್ರದ ಬಿಡುಗಡೆಯ ಕುರಿತಾಗಿತ್ತು. ‘ಕೆಜಿಎಫ್ 2’ ಚಿತ್ರವನ್ನು ಅಕ್ಟೋಬರ್ 23ರಂದು ಬಿಡುಗಡೆ ಮಾಡುವುದಾಗಿ ಚಿತ್ರತಂಡ ಒಂದು ತಿಂಗಳ ಹಿಂದೆ ಹೇಳಿತ್ತು. ಆ ನಂತರ ಚಿತ್ರತಂಡದಿಂದ ಯಾವುದೇ ಸುದ್ದಿ ಬಂದಿಲ್ಲ. ಈಗ ಯಶ್ ಅವರ ಅಭಿಮಾನಿಗಳು, ಚಿತ್ರದ ಟೀಸರ್ ಬಿಡುಗಡೆ ದಿನಾಂಕ ಘೋಷಿಸುವುದಕ್ಕೆ ಚಿತ್ರತಂಡಕ್ಕೆ ಮನವಿ ಸಲ್ಲಿಸಿದ್ದಾರೆ.
ಹೌದು, ಸೋಷಿಯಲ್ ಮೀಡಿಯಾದಲ್ಲಿ ಯಶ್ ಅವರಿಗೆ ಹಲವು ಅಭಿಮಾನಿ ಸಂಘಗಳಿದ್ದು, ಆ ಸಂಘಗಳೆಲ್ಲಾ ಟೀಸರ್ ಬಿಡುಗಡೆಯ ದಿನಾಂಕವನ್ನು ಘೋಷಿಸಿ ಎಂದು ನಿರ್ದೇಶಕ ಪ್ರಶಾಂತ್ ನೀಲ್ ಮತ್ತು ಹೊಂಬಾಳೆ ಫಿಲಂಸ್‌ಗೆ ಮನವಿ ಮಾಡಿಕೊಂಡಿವೆ.
ಯಶ್ ಅಭಿಮಾನಿಗಳ ಈ ಮನವಿಗೆ ಚಿತ್ರತಂಡದಿಂದ ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ. ಚಿತ್ರ ಬಿಡುಗಡೆಯಾಗುವುದಕ್ಕೆ ಇನ್ನೂ ಆರು ತಿಂಗಳು ಇರುವುದರಿಂದ, ಈ ಲಾಕ್‌ಡೌನ್ ಮುಗಿದು ಪರಿಸ್ಥಿತಿ ಸ್ವಲ್ಪ ತಿಳಿಯಾದ ಮೇಲೆ ಬಿಡುಗಡೆಯ ದಿನಾಂಕ ಘೋಷಿಸುವ ಸಾಧ್ಯತೆ ಇದೆ. ಯಶ್ ಅಭಿಮಾನಿಗಳ ಈ ಮನವಿಗೆ ಚಿತ್ರತಂಡ, ಏನು ಉತ್ತರ ನೀಡುತ್ತದೋ ನೋಡಬೇಕಿದೆ.
ಪ್ರೀತಿಯ @hombalefilms @Karthik1423 ಮತ್ತು @prashanth_neel ಅವರೇ ನಾವು @TheNameIsYash ಅವರ ಅಪ್ಪಟ ಅಭಿಮಾನಿಗಳಾಗಿದ್ದು #KGFChapter2 ಚಿತ್ರದ ಟೀಸರ್ ಗಾಗಿ ಬಹಳ ತಿಂಗಳಿನಿಂದ ಕಾಯುತ್ತಿದ್ದೆವೆ.. ದಯವಿಟ್ಟು ಟೀಸರ್ ದಿನಾಂಕ ಘೋಷಿಸಿ ಅಭಿಮಾನಿಗಳ ಆಸೆ ಈಡೇರಿಸಿ..! #TheNameIsYash #WeWantKGFChapter2TeaserUpdate pic.twitter.com/1g4XpSKT6m
— Worldwide Yash Fans (@OfficialYashFc) April 12, 2020