ನವದೆಹಲಿ: ದೆಹಲಿಯ ಇಂದಿರಾಗಾಂಧಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿನ ಖಾಸಗಿ ಲಾಂಜ್ನಲ್ಲಿ ಕೆಲಸ ಮಾಡುತ್ತಿದ್ದ ಮಹಿಳೆಗೆ ಖಾಸಗಿ ಲಾಂಜ್ನ ಜನರಲ್ ಮ್ಯಾನೇಜರ್ ಮತ್ತು ಡ್ಯೂಟಿ ಮ್ಯಾನೇಜರ್ ಲೈಂಗಿಕ ಕಿರುಕುಳ ನೀಡಿದ್ದಲ್ಲದೆ, ಆಕೆಯ ಮೇಲೆ ಅತ್ಯಾಚಾರ ಎಸಗಲು ಯತ್ನಿಸಿ ವಿಫಲರಾಗಿದ್ದರು. ಇದೇ ಸಿಟ್ಟಿನಲ್ಲಿ ಅವರು ಆಕೆಯನ್ನು ಉದ್ಯೋಗದಿಂದಲೇ ಕಿತ್ತುಹಾಕಿ ಪ್ರತೀಕಾರ ತೀರಿಸಿಕೊಂಡಿದ್ದಾರೆ.
ಈ ಬಗ್ಗೆ ಸಂತ್ರಸ್ತೆ ಸಲ್ಲಿಸಿದ ದೂರನ್ನು ಆಧರಿಸಿ ದೆಹಲಿ ಪೊಲೀಸರು 42 ವರ್ಷದ ಜನರಲ್ ಮ್ಯಾನೇಜರ್ ಮತ್ತು 37 ವರ್ಷದ ಡ್ಯೂಟಿ ಮ್ಯಾನೇಜರ್ ಅನ್ನು ಬಂಧಿಸಿದ್ದಾರೆ.
ದೂರಿನ ಪ್ರಕಾರ ಟರ್ಮಿನಲ್ 3ರಲ್ಲಿರುವ ಖಾಸಗಿ ಲಾಂಜ್ನ ಇಬ್ಬರು ಮ್ಯಾನೇಜರ್ಗಳು ತಮ್ಮೊಂದಿಗೆ ಹಾಸಿಗೆ ಹಂಚಿಕೊಳ್ಳುವಂತೆ ಯುವತಿಗೆ ಆರು ತಿಂಗಳಿಂದ ಪೀಡಿಸುತ್ತಿದ್ದರು. ಪ್ರತಿದಿನವೂ ಮೈಕೈ ಮುಟ್ಟಿ ಲೈಂಗಿಕ ಕಿರುಕುಳವನ್ನೂ ನೀಡುತ್ತಿದ್ದರು. ಈ ಬಗ್ಗೆ ಯಾರಿಗಾದರೂ ಹೇಳಿದರೆ, ಇಲ್ಲವೇ ಪೊಲೀಸ್ ದೂರು ಕೊಟ್ಟರೆ ಕೆಲಸದಿಂದ ಕಿತ್ತೊಗೆಯುವುದಾಗಿ ಬೆದರಿಸುತ್ತಿದ್ದರು.
ಇದನ್ನೂ ಓದಿ: ಎನ್ಕೌಂಟರ್ ಭೀತಿಯಲ್ಲಿ 3 ರಾಜ್ಯಗಳ ಪೊಲೀಸರ ಎದುರು ಶರಣಾಗತಿಯ ಪ್ರಸ್ತಾಪ ಇರಿಸಿದ್ದ ವಿಕಾಸ್ ದುಬೆ
ಆಕೆ ಒಂದು ದಿನ ಚೇಂಜಿಂಗ್ ರೂಂನಲ್ಲಿ ಸಮವಸ್ತ್ರವನ್ನು ಬದಲಿಸಿಕೊಳ್ಳಲು ಹೋದಾಗ ಆಕೆಯ ಕೋಣೆಗೆ ಬಲವಂತವಾಗಿ ನುಗ್ಗಿದ್ದ ಜನರಲ್ ಮ್ಯಾನೇಜರ್ ಆಕೆಯ ಮಾನಭಂಗಕ್ಕೆ ಯತ್ನಿಸಿದ್ದ. ಆದರೆ, ಏನೋ ಉಪಾಯ ಮಾಡಿಕೊಂಡು ಅವರು ಅಲ್ಲಿಂದ ತಪ್ಪಿಸಿಕೊಂಡಿದ್ದರು. ಇದನ್ನು ಗಮನಿಸಿದ ಡ್ಯೂಟಿ ಮ್ಯಾನೇಜರ್, ಜನರಲ್ ಮ್ಯಾನೇಜರ್ ಅವರನ್ನು ಸಂತೃಪ್ತಿಗೊಳಿಸಿ ಲಾಭ ಗಳಿಸುವ ಅವಕಾಶ ಕಳೆದುಕೊಂಡೆಯಲ್ಲಾ ಎಂದು ಆಕೆಗೆ ಹೇಳಿದ್ದ. ಅಲ್ಲದೆ, ಅಂದಿನಿಂದ ಆಕೆಗೆ ಕಿರುಕುಳ ನೀಡಲು ಮತ್ತು ಕೆಲಸದಿಂದ ಕಿತ್ತೊಗೆಯಲು ಪ್ರತಿಯೊಂದು ಹೆಜ್ಜೆಯಲ್ಲೂ ಯತ್ನಿಸುತ್ತಿದ್ದರು.
ಇದಾದ ಬಳಿಕ ಡ್ಯೂಟಿ ಮ್ಯಾನೇಜರ್ ಕೂಡ ಆಕೆಯ ಮೈಕೈ ಅನ್ನು ಮುಟ್ಟಿ ಮಾತನಾಡಿಸುವುದನ್ನು ಜಾಸ್ತಿ ಮಾಡಿದ್ದ ಎನ್ನಲಾಗಿದೆ. ಮಾ.24ರಂದು ಕೆಲಸದ ನೆಪದಲ್ಲಿ ತನ್ನನ್ನು ಖಾಸಗಿ ಲಾಂಜ್ಗೆ ಕರೆಯಿಸಿಕೊಂಡಿದ್ದ ಜನರಲ್ ಮ್ಯಾನೇಜರ್ ಮತ್ತು ಡ್ಯೂಟಿ ಮ್ಯಾನೇಜರ್ ಇಬ್ಬರೂ ಅತ್ಯಾಚಾರ ಎಸಗಲು ಯತ್ನಿಸಿದ್ದರು ಎಂದು ಸಂತ್ರಸ್ತೆ ದೂರಿನಲ್ಲಿ ವಿವರಿಸಿದ್ದಾರೆ.
ರೇವಾದಲ್ಲಿನ ಸೋಲಾರ್ ಘಟಕವನ್ನು ರಾಷ್ಟ್ರಕ್ಕೆ ಅರ್ಪಿಸಿದ ಪ್ರಧಾನಿ ಮೋದಿ