ಬೆಂಗಳೂರು: ಸುದೀಪ್ಗೆ ಬಾಲಿವುಡ್ ನಟ ಅಜಯ್ ದೇವಗನ್ ಕಂಡರೆ ಕೋಪವಂತೆ. ಅದನ್ನು ಅವರೇ ಹೇಳಿಕೊಂಡಿದ್ದಾರೆ. ಎಲ್ಲರ ಜತೆಗೆ ಪ್ರೀತಿಯಿಂದ ಸುದೀಪ್ಗೆ, ಅಜಯ್ ಕಂಡರೆ ಯಾಕೆ ಸಿಟ್ಟು ಎಂಬ ಪ್ರಶ್ನೆ ಸಹಜವೇ. ಅದಕ್ಕೆ ಉತ್ತರವನ್ನೂ ಅವರೇ ನೀಡಿದ್ದಾರೆ.
ಇದನ್ನೂ ಓದಿ: ನಮ್ಮಪ್ಪನನ್ನು ಮೀರಿಸೋಕೆ ಸಾಧ್ಯವಿಲ್ಲ ಎಂದು ಅಭಿಷೇಕ್ ಹೇಳಿದ್ದೇಕೆ?
ಇತ್ತೀಚೆಗೆ, ಬಾಲಿವುಡ್ ಹಂಗಾಮದವರು ಜನಪ್ರಿಯ ನಟ-ನಟಿಯರ ಮೊದಲ ಕ್ರಶ್ ಯಾರು ಎಂದು ಸಮೀಕ್ಷೆ ನಡೆಸಿದ್ದಾರೆ. ಈ ಪೈಕಿ ಸುದೀಪ್ ಅವರನ್ನು ಸಹ ಮಾತನಾಡಿಸಿದ್ದಾರೆ. ಈ ಸಂದರ್ಭದಲ್ಲಿ ಸುದೀಪ್ ತಮ್ಮ ಮೊದಲ ಕ್ರಶ್ ಯಾರು ಎಂದು ಹೇಳಿಕೊಂಡಿದ್ದಾರೆ. ಅವರ ಕ್ರಶ್ ಯಾರು ಗೊತ್ತಾ? ಬಾಲಿವುಡ್ ನಟಿ ಕಾಜೋಲ್.
ಸುದೀಪ್ಗೆ ಮುಂಚಿನಿಂದಲೂ ಕಾಜೋಲ್ ಕಂಡರೆ ಬಹಳ ಇಷ್ಟವಂತೆ. ಕಾಜೋಲ್ ಅವರ ದೊಡ್ಡ ಅಭಿಮಾನಿಯಾಗಿರುವ ಸುದೀಪ್, ಯಾವ ಮ್ಯಾಗಜೀನ್ನಲ್ಲಿ ಕಾಜೋಲ್ ಅವರ ಫೋಟೋ ಬಂದರೂ, ಅದನ್ನು ಕಟ್ ಮಾಡಿ ಎತ್ತಿಟ್ಟುಕೊಳ್ಳುತ್ತಿದ್ದರಂತೆ. ಪುಸ್ತಕದಲ್ಲ ಎಲ್ಲ ಪುಟಗಳಲ್ಲೂ ಕಾಜೋಲ್ ಅವರ ಪೋಸ್ಟರ್ಗಳನ್ನು ಅಂಟಿಸಿಕೊಳ್ಳುತ್ತಿದ್ದರಂತೆ.
ಆದರೆ, ಅದೊಂದು ದಿನ ಕಾಜೋಲ್, ಅಜಯ್ ದೇವಗನ್ ಅವರನ್ನು ಮದುವೆಯಾಗಿದ್ದಾರೆ. ಅಂದಿನಿಂದ ಅಜಯ್ ಬಗ್ಗೆ ತಮಗೆ ಸಿಟ್ಟು ಎಂದು ಸುದೀಪ್ ತಮಾಷೆಯಾಗಿ ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: ಸುಟ್ಟು ಕರಕಲಾಯಿತು ಜೋಧಾ ಅಕ್ಬರ್ ಚಿತ್ರದ ಸೆಟ್ಗಳು …
ಕಾಜೋಲ್ ಬಗೆಗಿನ ಪ್ರೀತಿ, ಗೌರವ ಮತ್ತು ಅಭಿಮಾನವನ್ನು ಯಾವತ್ತಾದರೂ ಅವರ ಬಳಿ ಹೇಳಿಕೊಂಡಿದ್ದೀರಾ ಎಂಬ ಪ್ರಶ್ನೆಗೆ, ಅಷ್ಟರಲ್ಲಿ ಅವರಿಗೆ ಮದುವೆಯಾಗಿಬಿಟ್ಟಿತ್ತು ಎಂದು ಸುದೀಪ್ ಉತ್ತರಿಸಿದ್ದಾರೆ.