ಸೌಥಾಂಪ್ಟನ್: ಕರೊನಾ ಹಾವಳಿಯ ನಡುವೆ 117 ದಿನಗಳ ಬಳಿಕ ಪುನರಾರಂಭಗೊಂಡ ಮೊದಲ ಟೆಸ್ಟ್ ಪಂದ್ಯವೇ ರೋಚಕ ಹಣಾಹಣಿಗೆ ಸಾಕ್ಷಿಯಾಯಿತು.ದ ರೋಸ್ ಬೌಲ್ ಸ್ಟೇಡಿಯಂನಲ್ಲಿ ಭಾನುವಾರ ಮುಕ್ತಾಯಗೊಂಡ ಪಂದ್ಯದಲ್ಲಿ ಪ್ರವಾಸಿ ವೆಸ್ಟ್ ಇಂಡೀಸ್ ತಂಡ 4 ವಿಕೆಟ್ ಗಳಿಂದ ಏಕದಿನ ವಿಶ್ವ ಚಾಂಪಿಯನ್ ಆತಿಥೇಯ ಇಂಗ್ಲೆಂಡ್ ತಂಡವನ್ನು ಸೋಲಿಸಿತು.ಭರ್ತಿ 200 ರನ್ ಗೆಲುವಿನ ಸವಾಲು ಬೆನ್ನಟ್ಟಿದ ವೆಸ್ಟ್ ಇಂಡೀಸ್, ಜೋಫ್ರಾ ಆರ್ಚರ್ (45ಕ್ಕೆ 3) ಮಾರಕ ದಾಳಿ ನಡುವೆಯೂ ಜಮೈರ್ನ್ ಬ್ಲ್ಯಾಕ್ವುಡ್ (95ರನ್, 154ಎಸೆತ, 12 ಬೌಂಡರಿ) ಭರ್ಜರಿ ಬ್ಯಾಟಿಂಗ್ ಫಲವಾಗಿ 64.2 ಓವರ್ ಗಳಲ್ಲಿ 6 ವಿಕೆಟ್ ಗೆ 200 ರನ್ ಪೇರಿಸಿ ಜಯದ ನಗೆ ಬೀರಿತು. ಇದರೊಂದಿಗೆ 3 ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ವೆಸ್ಟ್ ಇಂಡೀಸ್ 1-0 ಯಿಂದ ಮುನ್ನಡೆ ಸಾಧಿಸಿತು. ಇದಕ್ಕೂ ಮೊದಲು 8 ವಿಕೆಟ್ಗೆ 284 ರನ್ಗಳಿಂದ ಭಾನುವಾರ ಆಟ ಮುಂದುವರಿಸಿದ ಇಂಗ್ಲೆಂಡ್, 313 ರನ್ಗಳಿಗೆ 2ನೇ ಇನಿಂಗ್ಸ್ ಮುಗಿಸಿತು. ಇದು ಕಳೆದ 20 ವರ್ಷಗಳಲ್ಲಿ ಇಂಗ್ಲೆಂಡ್ ನೆಲದಲ್ಲಿ ವಿಂಡೀಸ್ಗೆ ಕೇವಲ 2ನೇ ಗೆಲುವಾಗಿದೆ. ಇಂಗ್ಲೆಂಡ್ ಮೊದಲ ಇನಿಂಗ್ಸ್ 204 ರನ್ ಗಳಿಸಿದ್ದರೆ, ವೆಸ್ಟ್ ಇಂಡೀಸ್ 318 ರನ್ ಗಳಿಸಿ 114 ರನ್ ಮುನ್ನಡೆ ಸಾಧಿಸಿತ್ತು. ದ್ವಿತೀಯ ಇನಿಂಗ್ಸ್ ನಲ್ಲಿ ಇಂಗ್ಲೆಂಡ್ 313 ರನ್ ಪೇರಿಸಿತ್ತು. ಜುಲೈ 16 ರಿಂದ ಮ್ಯಾಂಚೆಸ್ಟರ್ ನಲ್ಲಿ ಆರಂಭವಾಗಲಿದೆ.
ಇಂಗ್ಲೆಂಡ್: 204 ಮತ್ತು 111.2 ಓವರ್ಗಳಲ್ಲಿ 313, ವೆಸ್ಟ್ ಇಂಡೀಸ್: 318 ಮತ್ತು 64.2 ಓವರ್ಗಳಲ್ಲಿ 6 ವಿಕೆಟ್ಗೆ 200 (ಕ್ರೇಗ್ ಬ್ರಾಥ್ ವೇಟ್ 4, ಕ್ಯಾಂಪ್ಬೆಲ್ 8*, ಶೈ ಹೋಪ್ 9, ಬ್ರೂಕ್ಸ್ 1, ಚೇಸ್ 37, ಬ್ಲ್ಯಾಕ್ವುಡ್ 95, ಡೋವ್ರಿಚ್ 20, ಹೋಲ್ಡರ್ 14*, ಆರ್ಚರ್ 45ಕ್ಕೆ 3, ಸ್ಟೋಕ್ಸ್ 34ಕ್ಕೆ 2)