ಇಸ್ಲಮಾಬಾದ್: ಕ್ರಿಕೆಟ್ನಲ್ಲಿ ಸಾಕಷ್ಟು ಪಳಗಿ ವಿಶ್ವದ ಬಲಿಷ್ಟ ತಂಡಗಳಲ್ಲಿ ಒಂದೆನಿಸಿಕೊಂಡಿರುವ ಪಾಕಿಸ್ತಾನ, ಕ್ರಿಕೆಟ್ನಲ್ಲಿ ಅಂಬೆಗಾಲು ಇಡುತ್ತಿರುವ ಜಿಂಬಾಬ್ವೆ ವಿರುದ್ಧ ಟಿ20 ವಿಶ್ವಕಪ್ ಟೂರ್ನಿಯ ಪಂದ್ಯದಲ್ಲಿ ಕೇವಲ 1 ರನ್ ಅಂತರದಲ್ಲಿ ಸೋತು ತೀವ್ರ ಮುಖಭಂಗ ಅನುಭಿಸಿದೆ.
ಅ.23ರಂದು ನಡೆದ ಸೂಪರ್ 12 ಹಂತದ ಮೊದಲ ಪಂದ್ಯದಲ್ಲಿ ಭಾರತದ ವಿರುದ್ಧ ಸೋತು ಸುಣ್ಣವಾಗಿದ್ದ ಪಾಕಿಸ್ತಾನಕ್ಕೆ ಎರಡನೇ ಪಂದ್ಯದಲ್ಲಿ ಜಿಂಬಾಬ್ವೆ ತಂಡ ಶಾಕ್ ನೀಡಿದ್ದು, ಟೂರ್ನಿಯಿಂದಲೇ ಪಾಕ್ ತಂಡ ಹೊರಬಿದ್ದಿದೆ. ಈ ಮೂಲಕ ವಿಶ್ವದ ಎದರು ಪಾಕ್ ತಂಡ ಭಾರಿ ಮುಜುಗರಕ್ಕೀಡಾಗಿದೆ. ಆಸ್ಟ್ರೇಲಿಯಾ ನೆಲದಲ್ಲಿ ಉತ್ತಮ ನಿರ್ವಹಣ ತೋರುತ್ತಿದ್ದ ಪಾಕ್, ಜಿಂಬಾಬ್ವೆ ವಿರುದ್ಧ ಸೋತಿದ್ದು ನಿಜಕ್ಕೂ ಅಚ್ಚರಿ ಎಂಬ ಮಾತುಗಳು ಕೇಳಿಬರುತ್ತಿವೆ.
ಪಂದ್ಯದ ಬಗ್ಗೆ ಈಗಲೂ ಸಾಕಷ್ಟು ಚರ್ಚೆಯಾಗುತ್ತಿದ್ದು, ಇದರ ನಡುವೆ ಪಾಕಿಸ್ತಾನದ ನಾಯಕ ಬಾಬರ್ ಅಜಾಮ್ ಅವರು ಈ ಹಿಂದೆ ಜಿಂಬಾಬ್ವೆ ಬಗ್ಗೆ ಮಾಡಿದ್ದ ಟ್ವೀಟ್ ಒಂದು ವೈರಲ್ ಆಗಿದೆ. ಟ್ವೀಟ್ನಲ್ಲಿ ಬಾಬರ್ ವೆಲ್ಕಮ್ ಜಿಂಬಾಂಬ್ವೆ ಎಂದು ಬರೆದಿದ್ದಾರೆ. ಆದರೆ, ಜಿಂಬಾಬ್ವೆ ಪದದಲ್ಲಿ ಅಕ್ಷರ ದೋಷವಿದೆ. ಜಿಂಬಾಬ್ವೆ (Zimbabwe) ಅಂತಾ ಬರೆಯುವ ಬದಲು ಜಿಂಬಾವೇ (Zimbaway) ಎಂದು ಬರೆದಿದ್ದಾರೆ. ಇದೀಗ ಈ ಟ್ವೀಟ್ ವೈರಲ್ ಆಗಿದ್ದು, ನೆಟ್ಟಿಗರು ಮೀಮ್ಸ್ಗಳನ್ನು ಹರಿಬಿಡುವ ಮೂಲಕ ಬಾಬರ್ ಅಜಾಮ್ ಅವರ ಕಾಲೆಳೆಯುತ್ತಿದ್ದಾರೆ. ಇನ್ನೆಂದು ಬಾಬರ್ ಜಿಂಬಾಬ್ವೆ ಹೆಸರನ್ನು ಮರೆಯುವುದಿಲ್ಲ ಎಂದು ವ್ಯಂಗ್ಯವಾಡಿದ್ದಾರೆ.
ಲಾಹೋರ್ನ ಗಡಾಫಿ ಸ್ಟೇಡಿಯಂ ಬಳಿ ಶ್ರೀಲಂಕಾ ಕ್ರಿಕೆಟ್ ತಂಡದ ಮೇಲೆ 2009 ರಲ್ಲಿ ನಡೆದ ಭಯೋತ್ಪಾದಕ ದಾಳಿಯ ನಂತರ ಪಾಕ್ ತಂಡದ ಪ್ರವಾಸವನ್ನು ಅನೇಕ ರಾಷ್ಟ್ರಗಳು ರದ್ದು ಮಾಡಿದ್ದವು. ಸುಮಾರು 6 ವರ್ಷಗಳ ಕಾಲ ಯಾವೊಂದು ರಾಷ್ಟ್ರ ಕೂಡ ಪಾಕ್ ನೆಲದಲ್ಲಿ ಕ್ರಿಕೆಟ್ ಆಡಿರಲಿಲ್ಲ. ಆದರೆ, 2015ರಲ್ಲಿ ಜಿಂಬಾಬ್ವೆ ಪಾಕಿಸ್ತಾನಕ್ಕೆ ಪ್ರವಾಸ ಮಾಡಿ ಟೆಸ್ಟ್ ಪಂದ್ಯವಾಡಿತ್ತು. ಈ ವೇಳೆ ಬಾಬರ್ ಅಜಾಮ್ ಟ್ವೀಟ್ ಮಾಡಿ ಜಿಂಬಾಂಬ್ವೆ ತಂಡಕ್ಕೆ ಸ್ವಾಗತ ಕೋರಿದ್ದರು. ಅದೇ ಟ್ವೀಟ್ ಈಗ ವೈರಲ್ ಆಗಿದೆ. (ಏಜೆನ್ಸೀಸ್)
ಜಿಂಬಾಬ್ವೆ ಎದುರು ಪಾಕ್ ತಂಡಕ್ಕೆ ಸೋಲು! ಹತಾಶೆಯಿಂದ ಭಾರತದ ವಿರುದ್ಧ ನಾಲಿಗೆ ಹರಿಬಿಟ್ಟ ಅಖ್ತರ್
6 ವರ್ಷದ ಹಿಂದಿನ ನಕಲಿ ಮಿ. ಬೀನ್ ಪ್ರಕರಣ: ಟಿ20 ವಿಶ್ವಕಪ್ನಲ್ಲಿ ಪಾಕ್ ವಿರುದ್ಧ ಸೇಡು ತೀರಿಸಿಕೊಂಡ ಜಿಂಬಾಬ್ವೆ!
ಯುವಿ ದಾಖಲೆ ಮುರಿದಿದ್ದರ ಬಗ್ಗೆ ನಿಮಗೆ ಏನನಿಸುತ್ತೆ? ರೋಹಿತ್ ಶರ್ಮ ಕೊಟ್ಟ ಉತ್ತರ ಹೀಗಿತ್ತು…