ಚಂಡೀಗಢ (ಪಂಜಾಬ್): ಮುಸುಕುಧಾರಿಯೊಬ್ಬನ ದುಷ್ಕೃತ್ಯದಿಂದ ಚಂಡೀಗಢದ ಹೋಟೆಲ್ ಒಂದರಲ್ಲಿ ಬಹಳ ಸಂಭ್ರಮ ಸಡಗರದಿಂದ ನಡೆಯುತ್ತಿದ್ದ ಮದುವೆ ಒಂದು ಕ್ಷಣ ಕಣ್ಣೀರಿಗೆ ಜಾರಿದ ಘಟನೆ ನಡೆದಿದೆ.
ಸುಮಾರು 3 ಲಕ್ಷ ಮೌಲ್ಯದ ಉಡುಗೊರೆ, ಡೈಮಂಡ್ ರಿಂಗ್ ಮತ್ತು ಎರಡು ಮೊಬೈಲ್ಗಳನ್ನು ವ್ಯಕ್ತಿಯೊಬ್ಬ ಕಳ್ಳತನ ಮಾಡಿರುವುದು ಮದುವೆ ಸಂಭ್ರಮಕ್ಕೆ ಹುಳಿ ಹಿಂಡಿದಂತಾಗಿದೆ.
ಉಷಾ ಠಾಕೂರ್ ಎಂಬುವರು ತನ್ನ ಮಗಳ ಮದುವೆಯನ್ನು ಚಂಡೀಗಢದ 22ನೇ ಸೆಕ್ಟರ್ನ ಹೋಟೆಲ್ ಒಂದರಲ್ಲಿ ಆಯೋಜಿಸಿದ್ದರು. ಈ ವೇಳೆ ಅವರು ಒಂದು ಹ್ಯಾಂಡ್ಬ್ಯಾಗ್ ಅನ್ನು ತೆಗೆದುಕೊಂಡು ಹೋಗಿದ್ದರಂತೆ. ಅದರಲ್ಲಿ ನವದಂಪತಿಗೆ ನೀಡಿದ 3 ಲಕ್ಷ ರೂ. ಮೌಲ್ಯದ ಉಡುಗೊರೆ ಸೇರಿದಂತೆ ಡೈಮಂಡ್ ರಿಂಗ್ ಮತ್ತು ಎರಡು ಮೊಬೈಲ್ಗಳನ್ನು ಇಟ್ಟಿದ್ದರಂತೆ. ಆದರೆ, ಸ್ವಲ್ಪ ಹೊತ್ತಿನ ಬಳಿಕ ನೋಡಿದಾಗ ಹ್ಯಾಂಡ್ ಬ್ಯಾಗ್ ಇರಲಿಲ್ಲ ಎಂದು ಉಷಾ ಹೇಳಿದ್ದಾಗಿ ಪೊಲೀಸರು ಮಾಹಿತಿ ನೀಡಿದ್ದಾರೆ.
ಇದನ್ನೂ ಓದಿ: ಕಂಗನಾ ವಿರುದ್ಧ ಕ್ರಿಮಿನಲ್ ದೂರು; ಅಭಿವ್ಯಕ್ತಿ ಸ್ವಾತಂತ್ರ್ಯ ಎಲ್ಲರಿಗೂ ಇದೆ, ಆದರೆ…
ಪ್ರಕರಣ ದಾಖಲಿಸಿಕೊಂಡ ಬಳಿಕ ಮದುವೆ ನಡೆದ ಹೋಟೆಲ್ನ ಸಿಸಿಟಿವಿ ಪರಿಶೀಲಿಸಿದ ಪೊಲೀಸರಿಗೆ ಸಂಬಧಿಕರ ವೇಷದಲ್ಲಿ ಬಂದಿದ್ದ ಮುಸುಕುಧಾರಿಯ ದುಷ್ಕೃತ್ಯ ಬಯಲಾಗಿದೆ. ಹ್ಯಾಂಡ್ಬ್ಯಾಗ್ ಹಿಡಿದುಕೊಂಡು ಹೋಡೆಲ್ನಿಂದ ಹೊರಗಡೆ ಹೋಗಿತ್ತಿರುವ ದೃಶ್ಯ ಸೆರೆಯಾಗಿದ್ದು, ಆತನ ವಿರುದ್ಧ ಪ್ರಕರಣ ದಾಖಲಾಗಿದ್ದು, ಖದೀಮನ ಪತ್ತೆಗೆ ಪೊಲೀಸರು ಬಲೆ ಬೀಸಿದ್ದಾರೆ. (ಏಜೆನ್ಸೀಸ್)
ನ.17ಕ್ಕೆ ಕಾಲೇಜು ಆರಂಭ, ತರಗತಿಗೆ ಬರೋದು-ಬಿಡೋದು ವಿದ್ಯಾರ್ಥಿಗಳಿಗೆ ಬಿಟ್ಟದ್ದು!