ವಾರಂಗಲ್: ದೇಶದ ಗಮನಸಳೆದಿದ್ದ ವಾರಂಗಲ್ ಕೃಷಿ ಹೊಂಡದಲ್ಲಿ ಎರಡು ದಿನಗಳಲ್ಲಿ ಪತ್ತೆಯಾದ ಒಂಭತ್ತು ಶವಗಳ ನಿಗೂಢ ರಹಸ್ಯ ಬಯಲಾಗಿದೆ. ವಿವಾಹಿತೆಯೊಂದಿಗಿನ ಪ್ರೇಮ ಪ್ರಕರಣ ಮತ್ತು ಹತ್ಯೆ ವಿಚಾರ ಮುಚ್ಚಿಡುವ ಸಲುವಾಗಿ ಬಿಹಾರದ ವ್ಯಕ್ತಿ ಈ ಕೃತ್ಯವೆಸಗಿದ್ದ! ಆರೋಪಿಯನ್ನು ಪೊಲೀಸರು ಬಂಧಿಸಿದ್ದು, ನಿಗೂಢ ಪ್ರಕರಣದ ವಿವರ ಬಹಿರಂಗವಾಗಿದೆ. ಬಂಧಿತನನ್ನು ಸಂಜಯ್ ಕುಮಾರ್ ಯಾದವ್ (30) ಎಂದು ಗುರುತಿಸಲಾಗಿದೆ. ಈತ ಗೋರೆಕುಂಟ ಗ್ರಾಮದ ಸೆಣಬಿನ ಮಿಲ್ನಲ್ಲಿ ಕಾರ್ಮಿಕ.
ಇದನ್ನೂ ಓದಿ: 1974ರಿಂದ ತಿಮ್ಮಪ್ಪನ 126 ಆಸ್ತಿ ಮಾರಾಟ
ಪೊಲೀಸರ ಮಾಹಿತಿ ಪ್ರಕಾರ, ಮಕ್ಸೂದ್ ಪಶ್ಚಿಮ ಬಂಗಾಳದವರಾಗಿದ್ದು, 20 ವರ್ಷಗಳ ಹಿಂದೆ ಕುಟುಂಬ ಸಮೇತ ವಾರಂಗಲ್ಗೆ ಬಂದು ನೆಲೆಯೂರಿದವರು. ರಫೀಕಾ ಐದು ವರ್ಷಗಳ ಹಿಂದೆ ಮಕ್ಸೂದ್ ಮನೆಗೆ ನೆಲೆ ಅರಸಿ ಮೂವರು ಮಕ್ಕಳೊಂದಿಗೆ ಬಂದವಳು. ಆಕೆಗೂ ತಾನು ಕೆಲಸ ಮಾಡುವ ಮಿಲ್ನಲ್ಲೇ ಕೆಲಸ ಒದಗಿಸಿದ್ದ ಮಕ್ಸೂದ್. ಈ ನಡುವೆ ಸಂಜಯ್ಗೂ ರಫೀಕಾ ಅಡುಗೆ ಮಾಡಿ ಹಾಕುತ್ತಿದ್ದಳು. ಹಾಗೆ ಪ್ರೇಮ ಚಿಗುರಿತು. ಮೂವರು ಮಕ್ಕಳೊಂದಿಗೆ ಸಂಜಯ್ ಮನೆಗೆ ಸ್ಥಳಾಂತರವಾದಳು ರಫೀಕಾ. ಆಕೆಯನ್ನು ಮದುವೆಯಾಗುವ ಭರವಸೆಯನ್ನೂ ಸಂಜಯ್ ಕೊಟ್ಟಿದ್ದ. ಇದಲ್ಲದೆ, ಇತ್ತೀಚೆಗೆ ರಫೀಕಾ ಮತ್ತು ಸಂಜಯ್ ನಡುವೆ ವೈಮನಸ್ಸು ಉಂಟಾಗಿತ್ತು. ಕಾರಣ ರಫೀಕಾಳ ಹದಿಹರೆಯದ ಮಗಳ ಜತೆಗೆ ಸಂಜಯ್ ಅಸಭ್ಯವಾಗಿ ವರ್ತಿಸಿದ್ದ. ಆಕೆಯನ್ನೂ ಮದುವೆಯಾಗುವುದಾಗಿ ಹೇಳಿದ್ದ.
ಇದನ್ನೂ ಓದಿ: ಎಸ್ಸೆಸ್ಸೆಲ್ಸಿ ಎಕ್ಸಾಂ ಕಸಿವಿಸಿ
ಕೊನೆಗೆ ಮಾರ್ಚ್ 7ರಂದು ಸಂಜಯ್ ಮತ್ತು ರಫೀಕಾ ಪಶ್ಚಿಮ ಬಂಗಾಳಕ್ಕೆ ಗರೀಬ್ ರಥ್ ರೈಲು ಹತ್ತಿ ಹೋಗಿದ್ದರು. ಆಕೆ ಬಂಧುಗಳ ಜತೆ ಮಾತುಕತೆ ನಡೆಸಿ ವಿವಾಹವಾಗುವುದಾಗಿ ಮನವೊಲಿಸಿದ್ದ. ರೈಲಿನಲ್ಲಿ ರಫೀಕಾಗೆ ಮಜ್ಜಿಗೆಯಲ್ಲಿ ನಿದ್ದೆ ಗುಳಿಗೆ ಬೆರೆಸಿ ಕುಡಿಸಿದ್ದ. ಬೆಳಗಿನ ಜಾವ 3 ಗಂಟೆ ವೇಳೆಗೆ ಆಕೆಯನ್ನು ಹತ್ಯೆ ಮಾಡಿ ರೈಲಿನಿಂದ ಹೊರಗೆಸೆದಿದ್ದ. (ತಾಡೇಪಲ್ಲಿಗುಡೆಂನಲ್ಲಿ ಮಹಿಳೆಯ ಶವ ಪತ್ತೆಯಾದ ಬಗ್ಗೆ ರೈಲ್ವೆ ಪೊಲೀಸರು ಕೇಸ್ ದಾಖಲಿಸಿದ್ದರು. ಆದರೆ, ಆ ಸಂದರ್ಭದಲ್ಲಿ ಆಕೆಯ ಗುರುತು ಪತ್ತೆಯಾಗಿರಲಿಲ್ಲ. ) ಬಳಿಕ ರಾಜಮಂಡ್ರಿಯಲ್ಲಿ ರೈಲು ಇಳಿದು ವಾರಂಗಲ್ಗೆ ವಾಪಸಾಗಿದ್ದ. ಮನೆಗೆ ಬಂದು ರಫೀಕಾಳ ಮೂವರು ಮಕ್ಕಳನ್ನು ಅಮ್ಮ ಪಶ್ಚಿಮ ಬಂಗಾಳದಲ್ಲೇ ಉಳಿದುಕೊಂಡಿದ್ದು ಕೆಲ ದಿನಗಳ ಬಳಿಕ ಬರುವುದಾಗಿ ಸಮಾಧಾನಿಸಿದ್ದ.
ಇದನ್ನೂ ಓದಿ: ರೈತರ ಸಂಕಷ್ಟ ನಿವಾರಣೆಗೆ ಹೊಸ ಆಪ್ ಅನ್ನದಾತ
ಆದಾಗ್ಯೂ, ಮಕ್ಸೂದ್ ಮತ್ತು ಆತನ ಪತ್ನಿ ನಿಶಾಗೆ ಸಂದೇಹ ಉಂಟಾಗಿ ಪಶ್ಚಿಮ ಬಂಗಾಳದಲ್ಲಿರುವ ಬಂಧುಗಳಿಗೆ ಕರೆ ಮಾಡಿ ರಫೀಕಾಳ ಬಗ್ಗೆ ವಿಚಾರಿಸಿದ್ದರು. ಆಕೆ ಅಲ್ಲಿಗೆ ಹೋಗಿಲ್ಲ ಎಂಬುದು ಗೊತ್ತಾದ ಬಳಿಕ ಸಂಜಯ್ ಜತೆಗೆ ರಫೀಕಾಳ ಕುರಿತು ವಿಚಾರಿಸಲಾರಂಭಿಸಿದ್ದರು. ಅಲ್ಲದೆ, ಪೊಲೀಸ್ ದೂರು ದಾಖಲಿಸುವುದಾಗಿ ಬೆದರಿಸಿದ್ದರು. ಈ ಬೆಳವಣಿಗೆಯಿಂದ ಸಂಜಯ್ ವಿಚಲಿತನಾಗಿದ್ದ. ಮಾರ್ಚ್ 24ರಂದು ಲಾಕ್ಡೌನ್ ಘೋಷಣೆಯಾದಾಗ ಸಂಜಯ್ ಜತೆಗಿನ ಸಂಪರ್ಕ ಮಕ್ಸೂದ್ ಕುಟುಂಬಕ್ಕೆ ಕಡಿದು ಹೋಗಿತ್ತು. ಆದರೆ, ಮೇ 15ರ ಸುಮಾರಿಗೆ ಮತ್ತೆ ಸಂಪರ್ಕಕ್ಕೆ ಸಿಕ್ಕಾಗ ರಫೀಕಾಳ ಬಗ್ಗೆ ವಿಚಾರಿಸಿತ್ತು ಮಕ್ಸೂದ್ ಕುಟುಂಬ. ಮತ್ತೆ ಪೊಲೀಸ್ ದೂರು ದಾಖಲಿಸುವುದಾಗಿ ಬೆದರಿಸಿದಾಗ ಸಂಜಯ್ ಮಕ್ಸೂದ್ ಕುಟುಂಬವನ್ನು ಮುಗಿಸಲು ಸ್ಕೆಚ್ ಹಾಕಿದ್ದ.
ಇದನ್ನೂ ಓದಿ: ಲಾ ಆ್ಯಂಡ್ ಆರ್ಡರ್: ವೈದ್ಯಕೀಯ ಉಪಕರಣ ನಿಯಂತ್ರಣಕ್ಕೆ ಕಾನೂನು
ಮೇ 20ರಂದು ಸಂಜಯ್ 50-60 ನಿದ್ದೆ ಗುಳಿಗೆ ಹಿಡಿದುಕೊಂಡು ಮಕ್ಸೂದ್ ಇದ್ದ ಮಿಲ್ನ ಗೋಡೌನ್ಗೆ ಭೇಟಿ ನೀಡಿದ್ದ. ಆಗ ಅಲ್ಲಿ ಇವರ ಕುಟುಂಬದ ಜತೆಗೆ ಬಿಹಾರದ ಇನ್ನಿಬ್ಬರು ಕೆಲಸದವರೂ ಇದ್ದರು. ಆಗ ಅಡುಗೆ ಕೋಣೆಗೆ ನೀರು ಕುಡಿಯುವುದಕ್ಕೆ ಹೋದ ಸಂಜಯ್ ಅಲ್ಲಿ ಅವರು ಮಾಡಿ ಇಟ್ಟಿದ್ದ ದಾಲ್ಗೆ ನಿದ್ದೆ ಗುಳಿಗೆ ಬೆರೆಸಿದ್ದ. ಎಲ್ಲರೂ ಅಲ್ಲೇ ಊಟ ಮಾಡಿದ್ದರು. ನಸುಕಿನ ಎರಡು ಗಂಟೆ ಸುಮಾರಿಗೆ ಎಲ್ಲರೂ ಅಬೋಧಾವಸ್ಥೆಯಲ್ಲಿರುವುದು ಕಂಡು ಒಬ್ಬೊಬ್ಬರನ್ನೇ ಗೋಣಿಗೆ ತುಂಬಿಸಿ ಕೃಷಿ ಹೊಂಡಕ್ಕೆ ಎಸೆದು ಬಳಿಕ ಸೈಕಲ್ನಲ್ಲಿ ತನ್ನ ರೂಮಿಗೆ ಹೋಗಿದ್ದ.
ಇದನ್ನೂ ಓದಿ: ಪ್ರಣೀತಾ ಶಭಾಷ್: ಗ್ಲಾಮರ್ ಹುಡುಗಿಯ ಇನ್ನೊಂದು ಮುಖ
ಮಕ್ಸೂದ್ನ ಫೋನ್ ಕರೆ ವಿವರ ಅನುಸರಿಸಿ ಸಂಜಯ್ ಮೇಲೆಯೇ ಪೊಲೀಸರ ಶಂಕೆ ದೃಢವಾಗಿತ್ತು. ಸಿಸಿಟಿವಿ ದೃಶ್ಯಾವಳಿಯಲ್ಲೂ ಮೇ 20ರ ಸಂಜೆ ಮಿಲ್ ಕಡೆಗೆ ಹೋಗಿದ್ದ ಮತ್ತು ಮರುದಿನ ಬೆಳಗಿನ ಜಾವ 5.30ಕ್ಕೆ ಮಿಲ್ ಕಡೆಯಿಂದ ರೂಮಿಗೆ ಈತ ಹೋಗಿದ್ದ ದೃಶ್ಯಗಳೂ ಲಭಿಸಿವೆ. ರಫೀಕಾಳ ಮಕ್ಕಳನ್ನು ಬಾಲಗೃಹಕ್ಕೆ ಕಳುಹಿಸಿದ್ದು, ಅಲ್ಲಿಂದ ಪಶ್ಚಿಮ ಬಂಗಾಳದಲ್ಲಿರುವ ಬಂಧುಗಳಿಗೆ ಹಸ್ತಾಂತರಿಸಲಾಗುತ್ತದೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.(ಏಜೆನ್ಸೀಸ್)
ಗುರುವಾರ ಪತ್ತೆಯಾಗಿದ್ದವು ನಾಲ್ಕು ಶವಗಳು, ಶುಕ್ರವಾರ ಇನ್ನೈದು! ನಿಗೂಢವಾಗಿದೆ ವಾರಂಗಲ್ ಕೃಷಿ ಹೊಂಡದ ರಹಸ್ಯ!