ರಷ್ಯಾ ಅಧ್ಯಕ್ಷ ವ್ಲಾದಿಮಿರ್ ಪುತಿನ್ ಅವರ ಅವಧಿ 2024ಕ್ಕೆ ಮುಕ್ತಾಯವಾಗಲಿತ್ತು. ಆದರೆ 2036ರವರೆಗೂ ಅವರೇ ಅಧ್ಯಕ್ಷರಾಗಿ ಮುಂದುವರಿಯಲು ರಷ್ಯಾ ಜನತೆ ಮತಕೂಡ ಚಲಾಯಿಸಿತ್ತು. ಆದರೆ ಪುತಿನ್ 2024ರವರೆಗೂ ಮುಂದುವರಿಯುವುದು ಅನುಮಾನ, ಮುಂಬರುವ ಜನವರಿಯಲ್ಲೇ ತಮ್ಮ ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ನೀಡಲಿದ್ದಾರೆ ಎಂದು ಅಮೆರಿಕದ ಮಾಧ್ಯಮ ವರದಿ ಮಾಡಿದೆ.
ರಷ್ಯಾ ಅಧ್ಯಕ್ಷ ಪುತಿನ್ ಪಾರ್ಕಿನ್ಸನ್ ಕಾಯಿಲೆಯಿಂದ ಬಳಲುತ್ತಿದ್ದಾರೆ. ಅವರಲ್ಲಿ ರೋಗದ ಲಕ್ಷಣಗಳು ಈಗಾಗಲೇ ಕಾಣಿಸಿಕೊಳ್ಳಲು ಪ್ರಾರಂಭಿಸಿದ್ದು, ಕುಟುಂಬದವರು ರಾಜೀನಾಮೆ ನೀಡುವಂತೆ ಒತ್ತಡ ಹೇರುತ್ತಿದ್ದಾರೆ ಎಂದು ವರದಿಯಾಗಿದೆ. ಇದನ್ನೂ ಓದಿ: ಕಾರಣವನ್ನೇ ಹೇಳದೆ ಮೂವರು ಸೋದರಿಯರ ಮದುವೆಯಾದವನಿಗೆ ‘ಕರ್ವಾ ಚೌತ್’ ಸಂಭ್ರಮ
ಪುತಿನ್ಗೆ 68 ವರ್ಷ. ಅವರ 37ವರ್ಷದ ಗೆಳತಿ ಅಲೀನಾ ಕಬೈವಾ ಮತ್ತು ಇಬ್ಬರು ಹೆಣ್ಣುಮಕ್ಕಳು ನಿವೃತ್ತಿ ಪಡೆಯುವಂತೆ ಪುತಿನ್ಗೆ ಒತ್ತಡ ಹೇರುತ್ತಿದ್ದಾರೆ ಎಂದು ಮಾಸ್ಕೋ ರಾಜಕೀಯ ವಿಜ್ಞಾನಿ ವ್ಯಾಲೆರಿ ಸೊಲೊವಿ ತಿಳಿಸಿದ್ದಾರೆ ಎಂದು ನ್ಯೂಯಾರ್ಕ್ ಪೋಸ್ಟ್ ಉಲ್ಲೇಖಿಸಿದೆ.
ಪುತಿನ್ ಪಾರ್ಕಿನ್ಸನ್ ರೋಗದಿಂದ ಬಳಲುತ್ತಿದ್ದಾರೆ. ಅದಾಗಲೇ ಕೆಲವು ಲಕ್ಷಣಗಳು ಅವರಲ್ಲಿ ಗೋಚರಿಸುತ್ತಿವೆ.
ಇತ್ತೀಚೆಗೆ ಅವರ ಕಾಲುಗಳು ನಡುಗುತ್ತಿರುತ್ತವೆ. ಖುರ್ಚಿಯ ಕೈಯಗಳ ಮೇಲೆ ತಮ್ಮ ಕೈಗಳನ್ನು ಇಟ್ಟಾಗ ಅವರಿಗೆ ನೋವಾಗುತ್ತದೆ ಎಂಬುದನ್ನು ಹಲವರು ಗಮನಿಸಿದ್ದಾರೆ. ಕೈಬೆರಳುಗಳಲ್ಲೂ ಸೆಳೆತ ಶುರುವಾಗಿದ್ದು, ಪುತಿನ್ ಪೆನ್ ಹಿಡಿದಾಗ ಬದಲಾವಣೆ ಗೊತ್ತಾಗುತ್ತದೆ ಎಂದು ಸನ್ ಮಾಧ್ಯಮ ವರದಿ ಮಾಡಿದೆ.
ಆದರೆ ರಷ್ಯಾ ಅಧ್ಯಕ್ಷರ ಕಚೇರಿ ಈ ವರದಿಯನ್ನು ತಳ್ಳಿಹಾಕಿದೆ. ವ್ಲಾದಿಮಿರ್ ಪುತಿನ್ ಯಾವುದೇ ಕಾಯಿಲೆಯಿಂದಲೂ ಬಳಲುತ್ತಿಲ್ಲ ಎಂದು ತಿಳಿಸಿದೆ.
ಅಮೆರಿಕ ಅಧ್ಯಕ್ಷೀಯ ಚುನಾವಣೆ 2020: ಗೆಲುವಿನ ಸನಿಹದಲ್ಲಿದ್ದಾರೆ ಬಿಡೆನ್