ಬೆಂಗಳೂರು: ತನ್ನ ನೆಚ್ಚಿನ ನಾಯಿ ಬುನ್ರೋ ಸತ್ತಿದ್ದಕ್ಕೆ ಕಂಬನಿ ಮಿಡಿದಿರುವ ಭಾರತ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಯ್ಲಿ, ಇನ್ಸ್ಟಾಗ್ರಾಂನಲ್ಲಿ ಭಾವನಾತ್ಮಕ ಸಂದೇಶ ಬರೆದುಕೊಂಡಿದ್ದಾರೆ. ಬುನ್ರೋ ಫೋಟೋವನ್ನು ಇನ್ಸ್ಟಾಗ್ರಾಂನಲ್ಲಿ ಹಾಕಿರುವ ಅವರು, ದೇವರು ನಿನ್ನ ಆತ್ಮಕ್ಕೆ ಕೊಡಲಿ ಎಂದು ಸಂತಾಪ ಸೂಚಿಸಿದ್ದಾರೆ.
“ನನ್ನೊಂದಿಗೆ ನೀನು 11 ವರ್ಷ ಕಾಲ ಇದ್ದೆ. ಆದರೀಗ ನಮ್ಮಿಂದ ದೂರವಾಗಿ ಬಾರದ ಲೋಕಕ್ಕೆ ಹೋಗಿದ್ದೀಯಾ. ಆದರೆ, ನಿನ್ನೊಂದಿಗೆ ಕಳೆದ ಅದ್ಭುತ ಕ್ಷಣಗಳು, ನೆನಪುಗಳು ಬದುಕಿನ ಕೊನೆವರೆಗೂ ನನ್ನ ಜತೆಯಲ್ಲೇ ಉಳಿಯಲಿವೆ. ದೇವರು ನಿನ್ನ ಆತ್ಮಕೆ ಶಾಂತಿ ನೀಡಲಿ. ರೆಸ್ಟ್ ಇನ್ ಪೀಸ್, ಬುನ್ರೋ (RIP)” ಎಂದು ಅಕ್ಷರ ಮೂಲಕ ಕೊಹ್ಲಿ ತನ್ನ ಗೆಳೆಯನಿಗೆ ವಿದಾಯ ಹೇಳಿದ್ದಾರೆ.
ಇದನ್ನೂ ಓದಿರಿ ಕುತುಬ್ ಮಿನಾರ್ ಗೋಡೆಗೆ ಕಾರು ಡಿಕ್ಕಿ, ಮುಂದೇನಾಯ್ತು?
ಇವರ ದುಃಖದಲ್ಲಿ ಭಾಗಿಯಾಗಿರುವ ಪತ್ನಿ , ನಟಿ ಅನುಷ್ಕಾ ಶರ್ಮಾ ಕೂಡ ಕೊಹ್ಲಿ ಜತೆಗೆ ಬುನ್ರೋ ಇರುವ ಫೋಟೋ ಹಾಕಿ ಹೃದಯ ಎಮೋಜಿಗಳೊಂದಿಗೆ “RIP ಬುನ್ರೋ” ಎಂದಷ್ಟೇ ಬರೆದು ಕೊಂಡಿದ್ದಾರೆ.
ಟೀಂ ಇಂಡಿಯಾ ತಂಡದಲ್ಲಿ ಫಿಟ್ನೆಸ್ ಆಟಗಾರ ಎಂದೇ ಗುರುತಿಸಿಕೊಂಡಿರುವ ವಿರಾಟ್ ಕೊಹ್ಲಿಗೆ ಜಿಮ್ ಪಾಟ್ನರ್ ಕೂಡ ಪ್ರೀತಿಯ ನಾಯಿಮರಿ. ಅದರೊಂದಿಗೆ ಕಳೆಯುತ್ತಿದ್ದ ಕ್ಷಣಗಳ ವಿಡಿಯೋವನ್ನೂ ವಿರಾಟ್ ಇನ್ಸ್ಟಾಗ್ರಾಂನಲ್ಲಿ ಅಪ್ಲೋಡ್ ಮಾಡಿಕೊಂಡಿದ್ದರು. ಸದ್ಯ ಕರೊನಾ ಲಾಕ್ಡೌನ್ ಹಿನ್ನೆಲೆಯಲ್ಲಿ ಕೊಹ್ಲಿ ಪತ್ನಿ ಜತೆ ಮನೆಯಲ್ಲೇ ಕಾಲ ಕಳೆಯುತ್ತಿದ್ದಾರೆ.
ಇದನ್ನೂ ಓದಿರಿನಿಮ್ಮ ಜಿಲ್ಲೆಯ ಕರೊನಾ ಸ್ಥಿತಿ ಇಂದು ಹೇಗಿದೆ? ಇಲ್ಲಿದೆ ವಿವರ