ವ್ಯಕ್ತಿಯೋರ್ವ ತನ್ನ ತಲೆಯ ಮೇಲೆ ಫ್ರಿಡ್ಜನ್ನ ಬ್ಯಾಲೆನ್ಸ್ ಮಾಡುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಈತ ಫ್ರಿಡ್ಜನ್ನ ತಲೆಯ ಮೇಲೆ ಹೊತ್ತೊಯ್ಯುತ್ತಿರುವುದು ದೊಡ್ಡ ವಿಚಾರವೇನು ಅಲ್ಲ. ಆದ್ರೆ ಈತ ಅದನ್ನ ಹೊತ್ತೊಯ್ದ ರೀತಿ ಮಾತ್ರ ವಿಚಿತ್ರ. ಸೈಕಲ್ ಬ್ಯಾಲೆನ್ಸ್ ಮಾಡೋದು ಒಂದೆಡೆಯಾದ್ರೆ ಈತ ಅದರ ಜೊತೆಗೆ ಫ್ರಿಡ್ಜನ್ನ ತಲೆಯ ಮೇಲೆ ಇರಿಸಿರೋದು ನೋಡುಗರ ಹುಬ್ಬೇರಿಸಿದೆ.
ಈ ವಿಡಿಯೋವನ್ನ ಬಾರ್ಸ್ಟೂಲ್ ಸ್ಪೋರ್ಟ್ಸ್ ಎಂಬ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದ್ದು, ವ್ಯಕ್ತಿ ತನ್ನ ತಲೆಯ ಮೇಲೆ ಫ್ರಿಡ್ಜ್ ಇರಿಸಿ ನಿರಾಯಾಸವಾಗಿ ಮುಂದೆ ಸಾಗಿದ್ದಾರೆ. ಇನ್ನು ನೆಟ್ಟಿಗರು ಈ ದೃಶ್ಯ ನಿಜವೋ, ಸುಳ್ಳೋ ಎಂದು ಕಾಮೆಂಟ್ ಮಾಡಿದ್ದಾರೆ. ಇನ್ನು ಕೆಲವರು ಬಾಹುಬಲಿ ಸಿನಿಮಾದಲ್ಲಿ ಶಿವಲಿಂಗವನ್ನ ಹೊತ್ತೊಯ್ದ್ರೆ ಈತ ಫ್ರಿಡ್ಜನ್ನ ಹೊತ್ತೊಯ್ದಿದ್ದಾನೆ ಎಂದು ಕಾಮೆಂಟ್ ಮಾಡಿದ್ದಾರೆ.
ಈ ವಿಡಿಯೋ ನ್ಯೂಯಾರ್ಕ್ ನಗರದ ಬೀದಿಗಳಲ್ಲಿ ಕಂಡು ಬಂದಿದೆ ಎಂದು ಹೇಳಲಾಗಿದೆ. ಈ ವಿಡಿಯೋ ವೀಕ್ಷಿಸಿದ ನೆಟ್ಟಿಗರು, ಇಂತಹ ಅದ್ಭುತ ಸಾಹಸ ಹೇಗೆ ಸಾಧ್ಯ ಎಂದು ಪ್ರಶ್ನಿಸಿದ್ದಾರೆ. ಇನ್ನು ಹಲವರು ಈತ ಹೇಗೆ ಮೊದಲಿಗೆ ತನ್ನ ತಲೆಯ ಮೇಲೆ ಫ್ರಿಡ್ಜನ್ನ ಇರಿಸಿಕೊಂಡಿದ್ದಾನೆ? ಎಂದು ಅಚ್ಚರಿ ವ್ಯಕ್ತ ಪಡಿಸಿದ್ದಾರೆ.
ಕ್ರೀಡಾಪಟುಗಳು ಈ ರೀತಿಯಾಗಿ ಮಾಂಸಖಂಡಗಳನ್ನು ಬೆಳೆಸಿಕೊಳ್ಳ ಬೇಕಾದರೆ ಹಲವು ವರ್ಷಗಳ ದೈಹಿಕ ಚಟುವಟಿಕೆಗಳನ್ನ ಮಾಡಬೇಕು. ಆದ್ರೆ ಈತ ಹೇಗೆ ರೆಫ್ರೆಜರೇಟರನ್ನ ಹೊತ್ತೊಯ್ದಿದ್ದಾನೆ ಅನ್ನೋದೆ ಎಲ್ಲರಿಗೂ ಪ್ರಶ್ನೆಯಾಗಿದೆ.