ನವದೆಹಲಿ: ಇಂಡೋ ಟಿಬೇಟನ್ ಬಾರ್ಡರ್ ಪೊಲೀಸ್ (ಐಟಿಬಿಪಿ) ಆಯೋಜಿಸಿರುವ ಮೂರು ದಿನಗಳ ಫಿಟ್ ಇಂಡಿಯಾ ವಾಕಥಾನ್ಗೆ ಪವರ್ ಫುಲ್ ಚಾಲನೆ ಸಿಗಲಿದೆ. ಆ ಮೂಲಕ ವಾಕಥಾನ್ ಭರ್ಜರಿಯಾಗಿಯೇ ಆರಂಭವಾಗಲಿದೆ.
ಅಕ್ಟೋಬರ್ 31ರಿಂದ ನವೆಂಬರ್ 1ರವರೆಗೆ ಮೂರು ದಿನಗಳ ಕಾಲ ರಾಜಸ್ಥಾನದ ಜೈಸಲ್ಮೇರ್ನಲ್ಲಿ ನಡೆಯುವ ಈ 200 ಕಿಲೋಮೀಟರ್ ಫಿಟ್ ಇಂಡಿಯಾ ವಾಕಥಾನ್ಗೆ ಚಿತ್ರನಟ ವಿದ್ಯುತ್ ಜಮ್ವಾಲ್ ಹಾಗೂ ಕೇಂದ್ರ ಕ್ರೀಡಾ ಸಚಿವ ಕಿರೆಣ್ ರಿಜಿಜು ಹಸಿರು ನಿಶಾನೆ ತೋರಲಿದ್ದಾರೆ.
ಈ ವಾಕಥಾನ್ನಲ್ಲಿ ಯೋಧರಷ್ಟೇ ಅಲ್ಲದೆ ಕೇಂದ್ರ ವಿವಿಧ ಸಶಸ್ತ್ರ ಪಡೆಯ ಸಿಬ್ಬಂದಿ ಕೂಡ ಭಾಗವಹಿಸಲಿದ್ದು, 200 ಕಿ.ಮೀ. ದೂರ ಮಾರ್ಚ್ ಫಾಸ್ಟ್ ಮಾಡಲಿದ್ದಾರೆ. ಅರ್ಹನಿಶಿ ನಡೆಯಲಿರುವ ಈ ವಾಕಥಾನ್ ಭಾರತ-ಪಾಕಿಸ್ತಾನ ಗಡಿಯುದ್ದಕ್ಕೂ ಇರುವ ಥಾರ್ ಮರುಭೂಮಿಯಲ್ಲಿ ಹಾದುಹೋಗಲಿದೆ. ಪ್ರಧಾನಿ ಮೋದಿ ಅವರ ಕರೆಯಂತೆ ಯುವಜನರಲ್ಲಿ ಫಿಟ್ನೆಸ್ ಕುರಿತು ಜಾಗೃತಿ ಮೂಡಿಸಲು, ಅದರ ಮಹತ್ವ ತಿಳಿಸಲು ಇದನ್ನು ಆಯೋಜಿಸಲಾಗಿದೆ ಎಂದು ಕಿರೆಣ್ ರಿಜಿಜು ಹೇಳಿದ್ದಾರೆ.