ಬೆಂಗಳೂರು: ನೈಋತ್ಯ ರೈಲ್ವೆ ಬೆಂಗಳೂರು ವಿಭಾಗ ಪ್ರಯಾಣಿಕರಿಗೆ ರೈಲ್ವೆ ಸೇವೆ ನೀಡುವುದರ ಜತೆಗೆ ವಾಹನಗಳ ಸಾಗಣೆಗೂ ಹೆಚ್ಚು ಒತ್ತು ನೀಡುತ್ತಿದೆ. ಅದರಂತೆ ಶುಕ್ರವಾರ ಹೊಸೂರಿನಿಂದ ಹರಿಯಾಣದ ಬಲ್ಲಬ್ಗರ್ಗೆ ಅಶೋಕ ಲೇಲ್ಯಾಂಡ್ನ 64 ಭಾರಿ ವಾಣಿಜ್ಯ ವಾಹನದ ಚಾಸೀಸ್ಗಳನ್ನು ರೈಲಿನ ಮೂಲಕ ಸಾಗಿಸಲಾಗಿದೆ.
ಕಳೆದೊಂದು ವರ್ಷದಿಂದ ವಾಹನಗಳಿಗೆ ಸಂಬಂಧಿಸಿದ ಬಿಡಿಭಾಗಗಳನ್ನು ರೈಲಿನ ಮೂಲಕ ಸಾಗಿಸಲಾಗುತ್ತಿದೆ. 2020ರ ಏಪ್ರಿಲ್ 29ರಂದು ದೊಡ್ಡಬಳ್ಳಾಪುರ ರೈಲ್ವೆ ನಿಲ್ದಾಣದಿಂದ ರಾಜಸ್ತಾನದ ಪುಲೇರಿಯಾಕ್ಕೆ 175 ಟ್ರ್ಯಾಕ್ಟರ್ಗಳನ್ನು ಸಾಗಿಸುವ ಮೂಲಕ ರೈಲಿನಲ್ಲಿ ವಾಹನಗಳ ಸಾಗಣೆಗೆ ಚಾಲನೆ ನೀಡಲಾಗಿತ್ತು.
ಅದರ ಜತೆಗೆ 2020-21ನೇ ಸಾಲಿನಲ್ಲಿ ಪೆನುಕೊಂಡಾದಿಂದ 91 ರೇಕ್ಗಳಲ್ಲಿ ಕಾರುಗಳು, ಮಾಲೂರಿನಿಂದ 7 ರೇಕ್ಗಳಲ್ಲಿ ದ್ವಿಚಕ್ರ ವಾಹನ, ಹೊಸೂರಿನಿಂದ 6 ರೇಕ್ಗಳಲ್ಲಿ ಲಘು ವಾಣಿಜ್ಯ ವಾಹನಗಳನ್ನು ಸಾಗಿಸಲಾಗಿದೆ.