ಬೆಂಗಳೂರು: ಜನಪ್ರಿಯ ಧಾರವಾಹಿ “ಅಗ್ನಿಸಾಕ್ಷಿ”ಯಿಂದ ಮನೆ ಮಾತಾಗಿರುವ ನಟಿ ವೈಷ್ಣವಿ ಗೌಡ ಎಲ್ಲರಿಗೂ ಸನ್ನಿಧಿ ಎಂದೇ ಚಿರಪರಿಚಿತರು. ಅಗ್ನಿಸಾಕ್ಷಿ ಮುಗಿದ ಬಳಿಕ ಕಿರುತೆರೆ ಲೋಕದಿಂದ ವಿರಾಮ ಪಡೆದುಕೊಂಡಿರುವ ವೈಷ್ಣವಿ, ಇದೀಗ ಹಾಟ್ ಫೋಟೋಶೂಟ್ ಮೂಲಕ ಪಡ್ಡೆ ಹುಡುಗರ ಹೃದಯಕ್ಕೆ ಕಿಚ್ಚು ಹಚ್ಚಿದ್ದಾರೆ.
ಹಿಂದೆಂದೂ ಕಾಣಿಸಿಕೊಂಡಿರದ ಹಾಟ್ ಲುಕ್ನಲ್ಲಿ ವೈಷ್ಣವಿ ಅಲಿಯಾಸ್ ಸನ್ನಿಧಿ ದರ್ಶನ ನೀಡಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಸಂಚಲನ ಸೃಷ್ಟಿಸಿದ್ದಾರೆ. ಧಾರವಾಹಿಯಲ್ಲಿ ಸಂಪ್ರದಾಯಸ್ತ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದ ಸನ್ನಿಧಿ, ಇದೀಗ ಬೋಲ್ಡ್ ಅವತಾರದಲ್ಲಿ ದರ್ಶನ ನೀಡಿರುವುದು ಅಭಿಮಾನಿಗಳಿಗೆ ಅಚ್ಚರಿಯಾಗಿದೆ.
ಸಂಪೂರ್ಣ ಶ್ವೇತ ವರ್ಣದ ಉಡುಪಿನಲ್ಲಿ ಸನ್ನಿಧಿ ಮಿಂಚಿದ್ದಾರೆ. ಅದರಲ್ಲೂ ಪಾರದರ್ಶಕ ಬಟ್ಟೆ ಧರಿಸಿ ಬೋಲ್ಡ್ ಆಗಿ ಕ್ಯಾಮರಾಗೆ ಪೋಸ್ ನೀಡಿದ್ದಾರೆ. ಎಲ್ಕೆಎಲ್ ಕ್ಯಾಲೆಂಡರ್ಗಾಗಿ ಸನ್ನಿಧಿ ಫೋಟೋವನ್ನು ಸೆರೆಹಿಡಿಯಲಾಗಿದ್ದು, ಇನ್ಸ್ಟಾಗ್ರಾಂ ಖಾತೆಯಲ್ಲಿ ಶೇರ್ ಮಾಡಿಕೊಳ್ಳಲಾಗಿದೆ.