ಇತ್ತೀಚಿನ ದಿನಗಳಲ್ಲಿ ಪ್ರೀ-ವೆಡ್ಡಿಂಗ್ ಫೋಟೋಶೂಟ್ ಸರ್ವೇಸಾಮಾನ್ಯವಾಗಿ ಬಿಟ್ಟಿದೆ. ಫೋಟೋಶೂಟ್ ನಲ್ಲು ಹೊಸ ಬಗೆ, ಹೊಸ ಆಕರ್ಷಣೆ, ಚಿತ್ರ ವಿಚಿತ್ರ ಪರಿಕಲ್ಪನೆಗಳು ಬಂದಿದೆ.
ಆದರೆ, ಇಲ್ಲೊಬ್ಬ ಯುವತಿ ಇದೀಗ ಕಪ್ಪು ಡ್ರೆಸ್ನಲ್ಲಿ ಮಾಡಿಸಿರುವ ಮೆಟರ್ನಿಟಿ ಫೋಟೋಶೂಟ್ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಅಮೆರಿಕದ ಕೆಂಟುಕಿಯಲ್ಲಿ ವಾಸಿಸುತ್ತಿರುವ 23 ವರ್ಷದ ಚೆರಿಡಾನ್ ಲಾಗ್ಸ್‌ಡನ್ ಇತ್ತೀಚೆಗಷ್ಟೆ ತಮ್ಮ ಮೆಟರ್ನಿಟಿ ಫೋಟೋಶೂಟ್ ಮಾಡಿಸಿಕೊಂಡಿದ್ದಾರೆ.
ಸದ್ಯ ಆಕೆಯ ಫೋಟೋಗಳು ವೈರಲ್ ಆಗಿದೆ. ಈಕೆ ನಾನು ಇಲ್ಲಿಯವರೆಗೂ ಮಗುವಿಲ್ಲದೆ ನನ್ನ ಜೀವನವನ್ನ ನಡೆಸಿದ್ದೇನೆ. ಆಜೀವನಕ್ಕೆ ಅಂತ್ಯಸಂಸ್ಕಾರ ಮಾಡುತ್ತಿದ್ದೇನೆ, RIP to being kid-free ಎಂದು ತನ್ನ ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿದ್ದಾಳೆ.
ಕಪ್ಪು ವಸ್ತ್ರ ಧರಿಸಿರುವ ಈಕೆ ಕಾಡಿನ್ಯ ಮಧ್ಯೆ ತೆರಳಿ ತನ್ನ ಅಲ್ಟ್ರಾಸೌಂಡ್ ಫೋಟೋಗಳನ್ನ ಹಿಡಿದುಕೊಂಡು ಪೋಸ್ ಕೊಟ್ಟಿದ್ದಾಳೆ.
ಛಾಯಾಗ್ರಾಹಕ ಮಲಿಕ್ ಟ್ರಿಗ್ ಸೆರೆಹಿಡಿದ ಚಿತ್ರಗಳನ್ನ ಚೆರಿಡಾನ್ ಲಾಗ್ಸ್‌ಡನ್ ಹಂಚಿಕೊಂಡಿದ್ದು, ಆಕೆ ಬೇಸರದಿಂದ ಫೋಸ್ ಕೊಟ್ಟಿದ್ದಾಳೆ. ನಾನು ತಾಯಿ ಆಗುತ್ತಿರುವ ಬಗ್ಗೆ ನನಗೆ ನಿಜವಾಗಿಯೂ ಖುಷಿ ಇದೆ. ಆದರೆ ಮಗುವಿಲ್ಲದ ಇಷ್ಟು ದಿನಗಳ ಕಾಲ ಕಳೆದ ಜೀವನಕ್ಕೆ ಇದು ವಿದಾಯ ಅಂತಲೂ ಹೇಳಿದ್ದಾಳೆ.
ಪೋಸ್ಟ್ ತ್ವರಿತವಾಗಿ ವೈರಲ್ ಆಗತ್ತಿದ್ದಂತೆಯೇ, 14,000 ಕ್ಕೂ ಹೆಚ್ಚು ಲೈಕ್ಸ್ ಮತ್ತು ಕಾಮೆಂಟ್ಗಳನ್ನ ಪಡೆಯುತ್ತಿದೆ. ಕೆಲವರು ಈ ಫೋಟೊ ಶೂಟನ್ನ ಟೀಕಿಸಿದ್ರೆ ಇನ್ನು ಹಲವರು ಅವಳು ತಾಯಿಯಾಗುತ್ತಿರುವುದಕ್ಕೆ ಹಾರೈಸಿ ಅಭಿನಂದಿಸಿದ್ದಾರೆ.