ಸುಶಾಂತ್ ಸಿಂಗ್ ರಜಪೂತ್ ನಿಧನರಾಗಿ ಈ ಮೂರು ತಿಂಗಳಲ್ಲಿ ಕಂಗನಾ, ಹಲವು ವಿಷಯಗಳ ಕುರಿತು ಸಾಕಷ್ಟು ಮಾತನಾಡಿದ್ದಾರೆ. ಕೆಲವು ವಿಷಯಗಳ ಬಗ್ಗೆ ಅವರಾಡಿರುವ ಮಾತುಗಳು ಸಾಕಷ್ಟು ಚರ್ಚೆಯಾಗಿದೆ. ಅದರಲ್ಲೂ ಬಾಲಿವುಡ್ನಲ್ಲಿ ಡ್ರಗ್ಸ್ ಬಳಕೆ ಬಗ್ಗೆ ದೊಡ್ಡ ಮಟ್ಟದಲ್ಲಿ ಪರ-ವಿರೋಧ ಚರ್ಚೆಗಳು ಕೇಳಿ ಬರುತ್ತಿದ್ದು, ಈಗ ಊರ್ಮಿಳಾ ಕೂಡಾ ತಮ್ಮ ಧ್ವನಿಗೂಡಿಸಿದ್ದಾರೆ. ಕಂಗನಾ ಹೇಳಿಕೆಗಳಿಗೆ ಸರಿಯಾಗಿ ಟಾಂಗ್ ಕೊಟ್ಟಿದ್ದಾರೆ.
ಇದನ್ನೂ ಓದಿ: ಊರಿಗೆ ಹೋಗಿ ಡ್ರಗ್ಸ್ ವಿರುದ್ಧ ಸಮರ ಸಾರಲಿ … ಕಂಗನಾಗೆ ಊರ್ಮಿಳಾ ಸವಾಲ್
‘ಬಾಲಿವುಡ್ನಲ್ಲಿ ಡ್ರಗ್ ಮಾಫಿಯಾ ನಡೆಯುತ್ತಿದೆ ಎಂದು ಹೇಳಿಕೊಳ್ಳುವ ಕಂಗನಾ, ಅಷ್ಟೊಂದು ತಾಕತ್ತಿದ್ದರೆ, ಡ್ರಗ್ ವ್ಯಸನಿಗಳ ಹೆಸರು ನೀಡಲಿ ನೋಡೋಣ. ಹಾಗೆ ಪಟ್ಟಿ ಬಿಡುಗಡೆ ಮಾಡಿದ ಮರುಕ್ಷಣವೇ ನಾನೇ ಆಕೆಯ ಬೆನ್ನಿಗೆ ನಿಲ್ಲುತ್ತೇನೆ. ಬರೀ ಹೇಳಿಕೆ ಶೂರರೆನಿಸಿಕೊಳ್ಳಬಾರದು. ಸೂಕ್ತ ಸಾಕ್ಷ್ಯ ನೀಡಿ ಮಾತನಾಡಿ’ ಎಂದಿದ್ದಾರೆ.
‘ಬಾಲಿವುಡ್ ಸಿನಿಮಾ ಮಂದಿ ಜತೆಗೆ ಸುಖಾ ಸುಮ್ಮನೆ ಸಮಸ್ಯೆಯನ್ನು ತಂದಿಟ್ಟುಕೊಳ್ಳುತ್ತಿರುವ ಕಂಗನಾ, ತಮಗೆ ಗೊತ್ತಿರುವವರ ಹೆಸರುಗಳನ್ನು ಹೇಳಲಿ. ಡ್ರಗ್ ಮಾಫಿಯಾಗೆ ಸಂಬಂಧಿಸಿದಂತೆ ವಿಚಾರಣೆ ಶುರುವಾಗಿ 20 ದಿನಗಳ ಮೇಲಾಯಿತು. ಎಲ್ಲಿವೇ ಹೆಸರುಗಳು?’ ಎಂದು ಚಾಲೆಂಜ್ ಮಾಡಿದ್ದಾರೆ.
ಇದನ್ನೂ ಓದಿ: ಡ್ರಗ್ ಕೇಸ್; ದೆಹಲಿ ಹೈಕೋರ್ಟ್ ಮೊರೆ ಹೋದ ರಾಕುಲ್ ಪ್ರೀತ್ ಸಿಂಗ್
ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ‘ಬರೀ ಬಾಲಿವುಡ್ ಅಷ್ಟೇ ಅಲ್ಲ, ಇಡೀ ದೇಶವೇ ಡ್ರಗ್ಸ್ ಸಮಸ್ಯೆಯನ್ನು ಎದುರಿಸುತ್ತಿದೆ. ಕಂಗನಾ ಮೂಲತಃ ಹಿಮಾಚಲ ಪ್ರದೇಶದವರು. ಡ್ರಗ್ಸ್ನ ಮೂಲ ಇರುವುದು ಅಲ್ಲೇ ಮತ್ತು ಅಲ್ಲಿಂದಲೇ ಅವರು ಡ್ರಗ್ಸ್ ವಿರುದ್ಧ ಸಮರಸಾರಲಿ. ಅಲ್ಲಿ ಅವರಿಗೆ ವೈ ಸೆಕ್ಯುರಿಟಿ ನೀಡಲಾಗಿದೆ. ಹಾಗಿರುವಾಗ ಅವರ್ಯಾಕೆ ಪೊಲೀಸರಿಗೆ ಈ ಜಾಲದ ಬಗ್ಗೆ ಹೇಳುತ್ತಿಲ್ಲ’ ಎಂದೂ ಈ ಹಿಂದೆ ಊರ್ಮಿಳಾ ಪ್ರಶ್ನಿಸಿದ್ದರು. (ಏಜೆನ್ಸೀಸ್)