ಲಖನೌ: ಸಿಎಎ ಪ್ರತಿಭಟನೆಯಲ್ಲಿ ಸಾರ್ವಜನಿಕ ಆಸ್ತಿ ಧ್ವಂಸಗೊಳಿಸಿದವರ ಚಿತ್ರ ಸಮೇತ ಹಾಕಲಾದ ಫ್ಲೆಕ್ಸ್ ಗಳನ್ನು ತೆರವುಗೊಳಿಸುವಂತೆ ಅಲಹಾಬಾದ್ ಹೈಕೋರ್ಟ್ ನೀಡಿದ್ದ ಆದೇಶ ಪ್ರಶ್ನಿಸಿ ಉತ್ತರಪ್ರದೇಶ ಸರ್ಕಾರ ಸುಪ್ರೀಂಕೋರ್ಟ್ ಮೆಟ್ಟಿಲೇರಿದೆ. ನ್ಯಾಯಮೂರ್ತಿಗಳಾದ ಯು.ಯು. ಲಲಿತ್ ಮತ್ತು ಅನಿರುಧ್ ಬೋಸ್ರನ್ನು ಒಳಗೊಂಡ ಪೀಠ ಗುರುವಾರ ವಿಚಾರಣೆ ನಡೆಸಲಿದೆ.
ಸಿಎಎ ವಿರೋಧಿಸಿ ಕಳೆದ ಡಿ.19ರಂದು ಉತ್ತರಪ್ರದೇಶದ ವಿವಿಧೆಡೆ ಸಾರ್ವಜನಿಕ ಆಸ್ತಿ ಧ್ವಂಸಗೊಳಿಸಿದ್ದ ಸುಮಾರು 53 ಆರೋಪಿಗಳ ಫೋಟೋ ಮತ್ತು ಮಾಹಿತಿ ಇರುವ ಫ್ಲೆಕ್ಸ್ಗಳನ್ನು ಲಖನೌ ಜಿಲ್ಲಾಡಳಿತ ನಗರದಾದ್ಯಂತ ಹಾಕಿತ್ತು. ಆದರೆ ಇವುಗಳನ್ನು ತೆರವು ಮಾಡುವಂತೆ ಅಲಹಾಬಾದ್ ಹೈಕೋರ್ಟ್ ಆದೇಶಿಸಿತ್ತು. ಈ ಕ್ರಮ ವೈಯಕ್ತಿಕ ಸ್ವಾತಂತ್ರ್ಯದ ಮೇಲಿನ ಅತಿಕ್ರಮಣ ಎಂದು ಹೇಳಿತ್ತು.
ದೊಡ್ಡ ಮರ ಬಿದ್ದಾಗ ಭೂಮಿ ನಡುಗುತ್ತದೆ ಎಂದು ನಿಮ್ಮಂತೆ ಹೇಳಲಿಲ್ಲ: ಹಳೇ ಘಟನೆ ಕೆದಕಿ ಕಾಂಗ್ರೆಸ್ಗೆ ಅಮಿತ್ ಷಾ ತಿರುಗೇಟು