ಟೆಲ್ ಅವಿವ್: ಒಂದು ವಿಚಾರಕ್ಕೆ ಸಂಬಂಧಪಟ್ಟಂತೆ ವಿಶ್ವ ಸಂಸ್ಥೆ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದೆ. ಅದೊಂದು ತುಂಬ ಶಾಕಿಂಗ್ ಹಾಗೂ ಮನಸನ್ನು ಕ್ಷೋಭೆಗೆ ದೂಡುವ ದೃಶ್ಯ ಎಂದು ಹೇಳಿದೆ.
ಇಸ್ರೇಲ್ನ ಟೆಲ್ ಅವಿವ್ನಲ್ಲಿ ವಿಶ್ವ ಸಂಸ್ಥೆಗೆ ಸೇರಿದ ಕಾರೊಂದರಲ್ಲಿ ಜೋಡಿಯೊಂದು ಸೆಕ್ಸ್ ಮಾಡಿದ್ದೇ ಇದಕ್ಕೆ ಕಾರಣ. ವಿಶ್ವ ಸಂಸ್ಥೆಯ ಟ್ರುಸ್ ಸುಪರ್ವಿಸನ್ ಆರ್ಗನೈಸೇಶನ್ (UNTSO)ಗೆ ಸೇರಿದ ಕಾರಿನಲ್ಲಿ ಜೋಡಿಯೊಂದು ಮೈಮೇಲೆ ಪರಿವೇ ಇಲ್ಲದೆ ಸೆಕ್ಸ್ನಲ್ಲಿ ತೊಡಗಿಕೊಂಡ ವಿಡಿಯೋ ವೈರಲ್ ಆಗಿದೆ. ತಲೆಯ ಮೇಲೆ ಕೂದಲಿಲ್ಲದ ವ್ಯಕ್ತಿ ಡ್ರೈವಿಂಗ್ ಸೀಟ್ನಲ್ಲಿ ಕುಳಿತದ್ದರೆ, ಆತನ ಹಿಂದಿನ ಸೀಟಿನಲ್ಲಿ ಮತ್ತೋರ್ವ ವ್ಯಕ್ತಿ ಕುಳಿತಿದ್ದಾನೆ. ಈತನ ತೊಡೆಯ ಮೇಲೆ ಕೆಂಪು ಬಣ್ಣದ ಡ್ರೆಸ್ ಹಾಕಿರುವ ಯುವತಿ ಕುಳಿತಿದ್ದಾಳೆ. ಇಬ್ಬರೂ ಲೈಂಗಿಕ ಚಟುವಟಿಕೆಯಲ್ಲಿ ತೊಡಗಿಕೊಂಡಿದ್ದು ವಿಡಿಯೋದಲ್ಲಿ ಕಾಣಿಸುತ್ತಿದೆ. ಬಿಬಿಸಿ ವರದಿಯ ಪ್ರಕಾರ ಈ ವಿಡಿಯೋ ಚಿತ್ರೀಕರಣ ಆಗಿದ್ದು, ಇಸ್ರೇಲ್ನ ಟೆಲ್ ಅವಿವ್ ಸಿಟಿಯ ಸಮುದ್ರ ತೀರವೊಂದರ ಸಮೀಪ.
ಇದು ವಿಶ್ವಸಂಸ್ಥೆಯ ಹಿರಿಯ ಅಧಿಕಾರಿಗಳ ಗಮನಕ್ಕೂ ಬಂದಿದ್ದು, ನಮ್ಮ ಸಂಸ್ಥೆಯ ಕಾರು ಹೀಗೆ ದುರ್ಬಳಕೆ ಆಗುತ್ತಿರುವುದನ್ನು ನೋಡಿ ತುಂಬ ಬೇಸರವಾಯಿತು. ಈ ಬಗ್ಗೆ ಕೂಡಲೇ ತನಿಖೆ ಪ್ರಾರಂಭಿಸಲಾಗಿದೆ. ಸೂಕ್ತ ಕ್ರಮ ಕೈಗೊಳ್ಳಲಾಗುವುದು ಎಂದು ವಿಶ್ವಸಂಸ್ಥೆಯ ವಕ್ತಾರ ಸ್ಟಿಫನ್ ಡುಜಾರಿಕ್ ಅವರು ಟ್ವೀಟ್ ಮಾಡಿದ್ದಾರೆ. 18 ಸೆಕೆಂಡ್ಗಳ ವಿಡಿಯೋ ನೋಡಿ ತೀರ ಅಸಹ್ಯವೆನಿಸಿತು. ಇಂಥ ದುರ್ನಡತೆ ತೋರಿದವರ ವಿರುದ್ಧ ಕ್ರಮ ಕೈಗೊಳ್ಳುವುದು ನಿಶ್ಚಿತ ಎಂದಿದ್ದಾರೆ. ಇದನ್ನೂ ಓದಿ: ‘ಚೀನಾದ ಹೇಡಿತನದ ಆಕ್ರಮಣವನ್ನು ಸಾರ್ವಜನಿಕವಾಗಿ ಟೀಕಿಸಿ…’: ಪ್ರಧಾನಿಗೆ ಒತ್ತಾಯ
ಮಧ್ಯಪ್ರಾಚ್ಯ ರಾಷ್ಟ್ರಗಳಲ್ಲಿ ಶಾಂತಿ ಸುವ್ಯವಸ್ಥೆ ಕಾಪಾಡಲು, ಕದನ ವಿರಾಮ ಒಪ್ಪಂದಗಳ ಮೇಲ್ವಿಚಾರಣೆಗಳನ್ನು ಮಾಡಲು 1948ರಲ್ಲಿ ವಿಶ್ವ ಸಂಸ್ಥೆಯ ಟ್ರುಸ್ ಸುಪರ್ವಿಸನ್ ಆರ್ಗನೈಸೇಶನ್ ಸ್ಥಾಪಿತವಾಗಿದೆ. ಇದರ ಪ್ರಧಾನ ಕಚೇರಿ ಜೆರುಸೆಲಂನಲ್ಲಿದೆ. (ಏಜೆನ್ಸೀಸ್)
ಎಸ್ಎಸ್ಎಲ್ಸಿ ಪರೀಕ್ಷೆ ಬರೆಯುತ್ತಿದ್ದ ಬಾಲಕನಿಗೆ ವಕ್ಕರಿಸಿದ ಕರೊನಾ, 18 ವಿದ್ಯಾರ್ಥಿಗಳಿಗೆ ಸೋಂಕಿನ ಭೀತಿ!