ಹೊಸನಗರ: ತಾಲೂಕಿನ ಕರಿಮನೆ ಗ್ರಾಪಂ ವ್ಯಾಪ್ತಿಯ ಪುರಾಣ ಪ್ರಸಿದ್ಧವಾದ ಚಿಕ್ಕಟ್ಟೆ ಅಬ್ಬಿ ಫಾಲ್ಸ್ನಲ್ಲಿ ಎಳ್ಳಮಾವಾಸ್ಯೆ ನಿಮಿತ್ತ ಭಕ್ತರು ತೀರ್ಥ ಸ್ನಾನ ಮಾಡಿದರು.
ದಟ್ಟ ಕಾನನದ ನಡುವೆ ಚಿಕ್ಕಟ್ಟೆ ಅಬ್ಬಿ ಇದ್ದು ಬಂಡೆಗಳ ನಡುವೆ ಬರುವ ನೀರು ಮೇಲಿಂದ ಸಿಂಚನ ಮಾಡುತ್ತದೆ. ಸುಮಾರು 2 ಕಿಮೀ ನಡೆದುಕೊಂಡು ಹೋಗುವ ಭಕ್ತರು ಅಬ್ಬಿ ನೀರಿಗೆ ಮೈಯೊಡ್ಡಿ ತೀರ್ಥಸ್ನಾನ ಮಾಡುವ ಮೂಲಕ ಗುರುವಾರ ಎಳ್ಳಮಾವಾಸ್ಯೆ ಆಚರಿಸಿದರು.
ಕರಿಮನೆ, ಸಾದಗಲ್, ಹಲಸಿನಹಳ್ಳಿ, ಚಕ್ರಾ, ಹೊಸಬೀಡು ಗ್ರಾಮದ ನೂರಾರು ನಿವಾಸಿಗಳು ಬೆಳಗ್ಗೆಯಿಂದಲೇ ಚಿಕ್ಕಟ್ಟೆ ಅಬ್ಬಿಗೆ ತೆರಳಿ ತೀರ್ಥಸ್ನಾನ ಮಾಡಿದರು.