ಬಾಗ್ದಾದ್: ಇರಾಕ್ ಬಾಗ್ದಾದ್ನ ಯುನೈಟೆಡ್ ಸ್ಟೇಟ್ಸ್ ರಾಯಭಾರ ಕಚೇರಿ ಬಳಿ ಬೆಳಗಿನ ಜಾವ 3.30ರ ಅಂದಾಜಿಗೆ ಮೂರು ರಾಕೆಟ್ ದಾಳಿ ನಡೆದಿದೆ.
ರಾಕೆಟ್ ದಾಳಿ ನಡೆದ ಸ್ಥಳವು ಗ್ರೀನ್ ಜೋನ್ ಆಗಿದ್ದು, ಅಲ್ಲಿ ಹೆಚ್ಚಿನ ಭದ್ರತೆ ಇರುತ್ತದೆ. ಆದರೆ ಯಾವುದೇ ಹಾನಿಯಾದ ವರದಿಗಳಾಗಿಲ್ಲ. ರಾಕೆಟ್ ದಾಳಿಯಾದ ಕ್ಷಣದಲ್ಲಿ ಭದ್ರತೆಯ ಸೈರನ್ಗಳು ಕೂಗಿದವು.
ಹಸಿರು ವಲಯದ ಮೇಲೆ ದಾಳಿ ನಡೆಸಿದ ಬಗ್ಗೆ ಅಮೆರಿಕ ಕಿಡಿ ಕಾರಿದೆ. ಕಳೆದ ಕೆಲ ತಿಂಗಳುಗಳಲ್ಲಿ ಇರಾನ್ ಬೆಂಬಲಿತ ಅರೆಸೈನಿಕ ಗುಂಪುಗಳು ಈ ರೀತಿ ದಾಳಿ ನಡೆಸುತ್ತಿವೆ ಎಂದಿದೆ. ಆದರೆ ದಾಳಿಯ ಹೊಣೆಯನ್ನು ಯಾರು ಈವರೆಗೆ ಒಪ್ಪಿಕೊಂಡಿಲ್ಲ.
ಕಳೆದ ಕೆಲ ದಿನಗಳ ಹಿಂದೆಯಷ್ಟೇ ಅಮೆರಿಕ ನೆಲೆಗಳ ಮೇಲೆ ರಾಕೆಟ್ ದಾಳಿ ನಡೆದಿತ್ತು. ಇದಕ್ಕೆ ಅಮೆರಿಕ ಪ್ರತ್ಯುತ್ತರ ನೀಡಿತ್ತು. (ಏಜೆನ್ಸೀಸ್)