ಮಚಿಲಿಪಟ್ನಂ : ಲಾಟಿ ಎತ್ತಿದ್ದಾಯ್ತು, ಕೇಸ್ ಹಾಕಿದ್ದಾಯ್ತು, ವಾಹನ ಜಪ್ತಿ ಮಾಡಿದ್ದಾಯ್ತು… ಜನರನ್ನು ಕರೊನಾ ಲಾಕ್ಡೌನ್ ಪಾಲಿಸುವಂತೆ ಪೊಲೀಸರು ಏನೆಲ್ಲಾ ಮಾಡ್ತಿದ್ದಾರೆ. ಇದೀಗ ಇಲ್ಲೊಬ್ಬ ಪೊಲೀಸ್ ಅಧಿಕಾರಿ ಕೈಮುಗಿದು ಜನರಲ್ಲಿ ಪ್ರಾರ್ಥನೆ ಕೂಡ ಮಾಡುತ್ತಾ ಇದ್ದಾರೆ.
ನೆರೆಯ ಆಂಧ್ರ ಪ್ರದೇಶದಲ್ಲೂ ಕರೊನಾ ಸೋಂಕಿನ ಸಂಖ್ಯೆ ಉಲ್ಬಣವಾಗಿರುವ ಹಿನ್ನೆಲೆಯಲ್ಲಿ ಮಧ್ಯಾಹ್ನ 12 ರಿಂದ ಬೆಳಿಗ್ಗೆ 6 ಗಂಟೆಯವರೆಗೆ ಕರ್ಫ್ಯೂ ವಿಧಿಸಲಾಗಿದೆ. ಅಲ್ಲಿಯೂ ಕೆಲವು ಜನರು ಹೊರಗೆ ಓಡಾಡುವ ಪ್ರತೀತಿ ನಡೆಸುತ್ತಿದ್ದಾರೆ. ಇದಕ್ಕೆ ಮಚಿಲಿಪಟ್ನಂ ನಗರದಲ್ಲಿ ಕರ್ಫ್ಯೂ ಜಾರಿಗೊಳಿಸುವ ಜವಾಬ್ದಾರಿ ನಿರ್ವಹಿಸುತ್ತಿರುವ ಡಿಎಸ್ಪಿ ರಮೇಶ್ ರೆಡ್ಡಿ ಅವರು, ಜನರ ಮನವೊಲಿಸುವ ಪ್ರಯತ್ನ ಮಾಡುತ್ತಿದ್ದಾರೆ.
ಇದನ್ನೂ ಓದಿ: ಡಬಲ್ ರೂಪಾಂತರಿ ಕರೊನಾ ವೈರಸ್ಅನ್ನು ‘ಇಂಡಿಯನ್ ವೇರಿಯಂಟ್’ ಅನ್ನಬೇಡಿ : ಸರ್ಕಾರ
ಡಿಎಸ್ಪಿ ರೆಡ್ಡಿ, ರಸ್ತೆಗಳಲ್ಲಿ ನಿಂತು ಹೊರಗೆ ಬರುವ ಸ್ಥಳೀಯರಿಗೆ ಕೈಮುಗಿದು, ಕರೊನಾಕ್ಕೆ ಒಳಗಾಗದಂತೆ, ಹರಡದಂತೆ ಮನೆಯಲ್ಲಿರಿ; ಸುರಕ್ಷಿತವಾಗಿರಿ ಎಂದು ಮನವಿ ಮಾಡುತ್ತಿದ್ದಾರೆ. ಲಾಕ್ಡೌನ್ ನಿರ್ಬಂಧಗಳನ್ನು ಉಲ್ಲಂಘಿಸುವವರಿಗೆ ಮುಂಚೂಣಿ ಕಾರ್ಯಕರ್ತರು ಕರೊನಾ ವಿರುದ್ಧ ಹೋರಾಡಲು ಎದುರಿಸುತ್ತಿರುವ ಕಷ್ಟಗಳನ್ನು ವಿವರಿಸುತ್ತಿದ್ದಾರೆ ಎಂದು ಇಂಡಿಯಾ ಟುಡೇ ವರದಿ ಮಾಡಿದೆ. ರಾಷ್ಟ್ರಪ್ರೇಮವೆಂದರೆ ಕೇವಲ ಗಡಿಯಲ್ಲಿ ನಿಂತು ಹೋರಾಡುವುದಲ್ಲ. ಪ್ರಸ್ತುತ ಪರಿಸ್ಥಿತಿಯಲ್ಲಿ ಮನೆಯಲ್ಲೇ ಕುಳಿತುಕೊಂಡಿರುವುದೂ ದೇಶ ಸೇವೆ ಆಗಿದೆ ಎಂದಿದ್ದಾರೆ ರಮೇಶ್ ರೆಡ್ಡಿ. (ಏಜೆನ್ಸೀಸ್)
ರೋಗ ಹರಡುವ ವೈರಸ್ಅನ್ನು ಶಸ್ತ್ರವಾಗಿ ಬಳಸಲು ಚೀನಾ ಚಿಂತನೆ ನಡೆಸುತ್ತಿತ್ತು ಎನ್ನುವ ದಾಖಲೆ ಪತ್ತೆ