ನ್ಯೂಯಾರ್ಕ್: ಅಚ್ಚರಿಯಾದರೂ ಸತ್ಯ! ಈ ಜೀನ್ಸ್ ಪ್ಯಾಂಟ್ ಬರೋಬ್ಬರಿ 94 ಲಕ್ಷ ರೂಪಾಯಿಗೆ ಹರಾಜಾಗಿದೆ. ಅರ್ರೇ, ಇಷ್ಟೊಂದು ಹಳೆಯ ಜೀನ್ಸ್ ಪ್ಯಾಂಟ್ಗೆ ಇಷ್ಟೊಂದು ಬೆಲೆಯಾ ಎಂದರೆ ಪ್ರಶ್ನಿಸಿದರೆ, ಇದಕ್ಕೆ ಉತ್ತರ ಇದು ವಿಶ್ವದ ಅತ್ಯಂತ ಹಳೆಯ ಜೀನ್ಸ್ ಪ್ಯಾಂಟ್.
ನಾರ್ತ್ ಕೆರೋಲಿನಾ ಕರಾವಳಿಯಲ್ಲಿ 1857ರಲ್ಲಿ ಹಡಗೊಂದು ಧ್ವಂಸವಾಗಿ ಸಮುದ್ರ ಪಾಲಾಗಿತ್ತು. ಅನೇಕ ವರ್ಷಗಳ ನಂತರ ಹಡಗನ್ನು ಮೇಲೆಳೆದಾಗ ಜೀನ್ಸ್ ಪ್ಯಾಂಟೊಂದು ಸಿಕ್ಕಿದೆ. ಇದನ್ನು ಪರಿಶೀಲಿಸಿದಾಗ ಇದು ಅತ್ಯಂತ ಹಳೆಯ ಜೀನ್ಸ್ ಪ್ಯಾಂಟ್ ಎಂಬುದು ಗೊತ್ತಾಗಿದೆ.
ಬಿಳಿ ಬಣ್ಣದ ಈ ಜೀನ್ಸ್ ಪ್ಯಾಂಟನ್ನು ರೆನೋದಲ್ಲಿ ಹರಾಜಿಗಿಡಲಾಗಿತ್ತು. ಅನೇಕರು ಈ ಜೀನ್ಸ್ ಪ್ಯಾಂಟನ್ನು ಕೊಂಡುಕೊಳ್ಳುಲು ಬಿಡ್ ಮಾಡಿದ್ದರು. ಹೀಗಾಗಿ ಬಿಡ್ಡಿಂಗ್ ಮೊತ್ತ ಏರುತ್ತಲೇ ಹೋಯಿತು. ಕೊನೆಗೆ 94 ಲಕ್ಷ ರೂಪಾಯಿಗೆ ಪುರಾತನ ಜೀನ್ಸ್ ಪ್ಯಾಂಟ್ ಹರಾಜಾಗಿದೆ ಎಂದು ವರದಿಯಾಗಿದೆ.
ವರದಿಯ ಪ್ರಕಾರ ವಿಶ್ವದ ಅತ್ಯಂತ ಹಳೆಯ ಮತ್ತು ಅತ್ಯಂತ ಜನಪ್ರಿಯ ಜೀನ್ಸ್ ಪ್ಯಾಂಟ್ ತಯಾರಕ ಕಂಪೆನಿಯಾದ ಲೆವಿಸ್ಟ್ರಾಸ್ನಲ್ಲಿ ಇದು ತಯಾರಾಗಿದೆ ಎಂದು ಹೇಳಲಾಗಿದೆ. ಆದರೆ ಈ ಬಗ್ಗೆ ಇನ್ನೂ ಚರ್ಚೆಗಳಾಗುತ್ತಿದ್ದು, ಕೆಲವರು ಇದು ಲೆವಿಸ್ಟ್ರಾಸ್ನಲ್ಲಿ ತಯಾರಾಗಿಲ್ಲ ಎಂದು ಹೇಳಿದ್ದಾರೆ. (ಏಜೆನ್ಸೀಸ್)