ಈ ಫೋಟೋದಲ್ಲಿರುವ ಬಿಳಿ ಬಣ್ಣದ ಸಣ್ಣ ಮನೆ ವಿಶ್ವದ ಒಂಟಿ ಮನೆ ಎಂಬ ಖ್ಯಾತಿ ಪಡೆದಿದ್ದು, ಇದು ರಿಮೋಟ್ ದ್ವೀಪವೊಂದರಲ್ಲಿರುವ ಏಕೈಕ ಮನೆಯಾಗಿದೆ. ಸದ್ಯ ಈ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ಅನೇಕ ನಿಗೂಢ ಕತೆಗಳು ಸಹ ಮನೆಯ ಜತೆ ಜಾಲತಾಣದಲ್ಲಿ ಹರಿದಾಡುತ್ತಿದೆ.
ವಿಶ್ವದ ಒಂಟಿ ಮನೆ ಎಂದೇ ಕರೆಯಲಾಗುತ್ತಿದೆ. ಅಲ್ಲದೆ, ಅಂತರ್ಮುಖಿಯ ಕನಸಿನ ನಿವಾಸ ಎಂದೂ ಹೇಳಲಾಗುತ್ತಿದೆ. ಕಳೆದ ವಾರ h0rdur ಹೆಸರಿನ ಇನ್ಸ್ಟಾಗ್ರಾಂನಲ್ಲಿ ಫೋಟೋ ಶೇರ್ ಮಾಡಿದಾಗಿನಿಂದ ಜಾಲತಾಣದಲ್ಲಿ ಫೋಟೋ ಸಿಕ್ಕಾಪಟ್ಟೆ ಸಂಚಾರ ಮಾಡುತ್ತಿದೆ. ಸುತ್ತಲೂ ನೀಲಿ ಸಮುದ್ರ. ನಡುವೆ ಒಂದು ದೊಡ್ಡ ಬೆಟ್ಟ. ಬೆಟ್ಟದ ಮೇಲೆ ಹಸಿರಿನ ಹೊದಿಕೆ. ಅದರ ಮಧ್ಯೆ ಬಿಳಿಯ ಬಣ್ಣದ ಒಂದು ಸಣ್ಣ ಮನೆಯನ್ನು ಫೋಟೋದಲ್ಲಿ ನೋಡಬಹುದಾಗಿದೆ.
ಇದನ್ನೂ ಓದಿ: ಮದುವೆ ದಿನವೇ ಆತ್ಮಹತ್ಯೆಗೆ ಶರಣಾದ ಜೋಡಿ: ಹೊಸಬಾಳು ಆರಂಭಿಸುವ ಮುನ್ನವೇ ದುರಂತ ಸಾವು!
ದಿ ಮಿರರ್ ವೆಬ್ಸೈಟ್ ಪ್ರಕಾರ ವೈರಲ್ ಮನೆಯು ದಕ್ಷಿಣ ಐಸ್ಲ್ಯಾಂಡ್ನ ರಿಮೋಟ್ ದ್ವೀಪ ಎಲಿಡೆಯಲ್ಲಿದೆ. ಎಲಿಡೆಯು ಐಸ್ಲ್ಯಾಂಡ್ನ 15 ರಿಂದ 18 ದ್ವೀಪಗಳನ್ನು ಹೊಂದಿರುವ ದ್ವೀಪಸಮೂಹ ವೆಸ್ಟ್ಮನ್ನೈಜರ್ನ ಒಂದು ಸಣ್ಣ ಭಾಗವಾಗಿದೆ. ಆದರೆ, ಇಂದು ಎಲಿಡೆ ಬಂಜರು ಭೂಮಿಯಂತಾಗಿದೆ. ಆದರೆ, ಒಂದು ಕಾಲದಲ್ಲಿ ಐದು ಕುಟುಂಬ ಇಲ್ಲಿ ವಾಸವಿತ್ತು ಎನ್ನಲಾಗಿದೆ. 1930ರ ಸಮಯದಲ್ಲಿ ಈ ಕುಟುಂಬಗಳು ಜಾಗವನ್ನು ಖಾಲಿ ಮಾಡಿದವು ಎಂಬ ಮಾತಿದೆ.
ಇನ್ನು ಈ ದ್ವೀಪದಲ್ಲಿರುವ ಒಂಟಿ ಮನೆಯ ಬಗ್ಗೆ ಅಂದಿನಿಂದ ಇಂದಿನವರೆಗೂ ವಂದತಿ, ಪ್ರಶ್ನೆಗಳು ಮತ್ತು ಕೆಲ ಸಿದ್ಧಾಂತಗಳು ಹರಿದಾಡುತ್ತಿವೆ. ಒಂದು ವದಂತಿಯ ಪ್ರಕಾರ ಬಿಲಿಯನೇರ್ ಒಬ್ಬರು ಜೋಂಬಿಯಾ ಅಪೋಕ್ಯಾಲಿಪ್ಸ್ ಸಮಯದಲ್ಲಿ ಬಳಸಲು ಮನೆಯನ್ನು ನಿರ್ಮಿಸಿದ್ದರು ಎನ್ನಲಾಗಿದೆ. ಇತರರು ಹೇಳುವ ಪ್ರಕಾರ ಈ ಮನೆ ಐಸ್ಲ್ಯಾಂಡ್ನ ಪ್ರಖ್ಯಾತ ಗಾಯಕ ಜೋರ್ಕ್ಗೆ ಸೇರಿದ್ದಾಗಿತ್ತು ಎಂದಿದ್ದಾರೆ.
ಇದನ್ನೂ ಓದಿ: ಬೆತ್ತಲೆ ಫೋಟೋಗಾಗಿ ಎಡಕ್ಕೆ ಸ್ವೈಪ್ ಮಾಡಿ ಎಂದ ರೆಜಿನಾ: ಫ್ಯಾನ್ಸ್ಗೆ ಸೂರ್ಯಕಾಂತಿ ಬೆಡಗಿಯ ಶಾಕ್!
ಇನ್ನು ಕೆಲ ನೆಟ್ಟಿಗರು ಹೇಳುವ ಹಾಗೆ ಅಲ್ಲಿ ಮನೆಯೇ ಇಲ್ಲ. ಫೋಟೋಗಳನ್ನೆಲ್ಲ ಫೋಟೋಶಾಪ್ ಮೂಲಕ ಎಡಿಟ್ ಮಾಡಲಾಗಿದೆ ಎಂದು ಹೇಳಿದ್ದಾರೆ. ವಾಸ್ತವವಾಗಿ ಮನೆಯು ಎಲಿಡೆ ದ್ವೀಪದಲ್ಲಿ ನೆಲೆನಿಂತಿದ್ದು, ಇದು ಎಲಿಡೆ ಹಂಟಿಂಗ್ ಅಸೋಸಿಯೇಸನ್ಗೆ ಸೇರಿದ್ದಾಗಿದೆ. 1950ರಲ್ಲಿ ಇದನ್ನು ನಿರ್ಮಾಣ ಮಾಡಲಾಗಿದ್ದು, ಹಂಟಿಂಗ್ ಕ್ಯಾಬಿನ್ ಮತ್ತು ಅಸೋಸಿಯೇಸನ್ ಸದಸ್ಯರಿಗೆ ಆವಿಸ್ನಾನ ಸೇರಿ ಮುಂತಾದವುಗಳಿಗೆ ಬಳಸಲಾಗುತ್ತಿದೆ. (ಏಜೆನ್ಸೀಸ್)
