ನವದೆಹಲಿ: ರಾಷ್ಟ್ರದ ಅತಿದೊಡ್ಡ ಅರೆಸೇನಾ ಪಡೆಯಾದ ಕೇಂದ್ರ ಮೀಸಲು ಪೊಲೀಸ್ ಭದ್ರತಾ ಪಡೆ (ಸಿಆರ್ಪಿಎಫ್) ಯ ದೆಹಲಿ ಮೂಲದ ಬಟಾಲಿಯನ್ನಲ್ಲಿ ಕೋವಿಡ್– 19 ಸೋಂಕಿತರ ಸಂಖ್ಯೆ 122 ಕ್ಕೇರಿದೆ ಎಂದು ಅಧಿಕಾರಿಗಳು ಶನಿವಾರ ತಿಳಿಸಿದ್ದಾರೆ.
ಸೋಂಕಿತರು ಇಲ್ಲಿಯ ಮಯೂರ್ ವಿಹಾರ್ ಮೂರನೇ ಹಂತದಲ್ಲಿರುವ 31 ನೇ ಬಟಾಲಿಯನ್ನ ಯೋಧರಾಗಿದ್ದಾರೆ. ಕಳೆದ ಕೆಲ ದಿನಗಳಿಂದ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಿದ್ದಂತೆ ಈ ಪ್ರದೇಶವನ್ನು ಸಂಪೂರ್ಣ ಸೀಲ್ ಡೌನ್ ಮಾಡಲಾಗಿದೆ.
ಈ ಬಟಾಲಿಯನ್ನ 122 ಯೋಧರಿಗೆ ಕರೊನಾ ಪಾಸಿಟಿವ್ ಬಂದಿದ್ದು, ಇನ್ನೂ 100 ಜನರ ಫಲಿತಾಂಶಕ್ಕಾಗಿ ಕಾಯಲಾಗುತ್ತಿದೆ ಎಂದು ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ.
ಶುಕ್ರವಾರ 12 ಯೋಧರಿಗೆ ಸೋಂಕು ತಗುಲಿದ್ದು, ಕಳೆದ ವಾರವಷ್ಟೇ ಈ ಬಟಾಲಿಯನ್ನ 55 ವರ್ಷದ ಸಬ್ ಇನ್ಸ್ಪೆಕ್ಟರ್ ಈ ಸಾಂಕ್ರಾಮಿಕ ರೋಗಕ್ಕೆ ಬಲಿಯಾಗಿದ್ದರು. ಈಗ ಸೋಂಕಿತರ ಸಂಖ್ಯೆ 122 ಕ್ಕೇರಿದ್ದು, ಆತಂಕ ಸೃಷ್ಟಿಸಿದೆ . (ಏಜೆನ್ಸೀಸ್)
ಇದನ್ನೂ ಓದಿ.
f