ಸೋನಾಭದ್ರ ಚಿನ್ನದ ನಿಕ್ಷೇಪದ ಮೌಲ್ಯ ನಮ್ಮ ದೇಶದ ಮೀಸಲು ಚಿನ್ನದ ಪ್ರಮಾಣಕ್ಕಿಂತ 5-6 ಪಟ್ಟು!

ನವದೆಹಲಿ: ಉತ್ತರ ಪ್ರದೇಶದಲ್ಲಿ ಸೋನಾಭದ್ರ ಜಿಲ್ಲೆಯಲ್ಲಿ ಪತ್ತೆಯಾಗಿರುವ ಚಿನ್ನದ ನಿಕ್ಷೇಪದ ಪ್ರಮಾಣ ಮತ್ತು ಅದರ ಮೌಲ್ಯದ ಬಗ್ಗೆ ಈಗ ಚರ್ಚೆಗಳು ಗರಿಗೆದರಿವೆ. ಸೋನಾಭದ್ರ ಜಿಲ್ಲೆಯ ಸೋನ್​ ಪಹಾಡಿ ಮತ್ತು ಹರ್ಡಿ ಗ್ರಾಮಗಳಲ್ಲಿ ತಲಾ ಒಂದು ನಿಕ್ಷೇಪಗಳಿದ್ದು, ಇಲ್ಲಿ ಅಂದಾಜು 3,350 ಟನ್​ ಚಿನ್ನದ ನಿಕ್ಷೇಪ ಇರುವುದಾಗಿ ಅಂದಾಜಿಸಲಾಗಿದೆ.

ಇದನ್ನೂ ಓದಿ: ಸೋನಾಭದ್ರ ಚಿನ್ನದ ನಿಕ್ಷೇಪದ ಕಾವಲಿಗೆ ಜಗತ್ತಿನಲ್ಲೇ ಅತಿ ಹೆಚ್ಚು ವಿಷ ಹೊಂದಿರುವ ಸರ್ಪಗಳಿವೆ!

ಉತ್ತರ ಪ್ರದೇಶ ಭೂಗರ್ಭಶಾಸ್ತ್ರ ನಿರ್ದೇಶನಾಲಯ ಮತ್ತು ಭಾರತದ ಗಣಿ ಮತ್ತು ಭೂಗರ್ಭಶಾಸ್ತ್ರ ಸರ್ವೇಕ್ಷಣಾಲಯದ ಅಧಿಕಾರಿಗಳು ಸತತ ಎರಡು ದಶಕಗಳ ಕಾಲದ ಬಹಳ ನೋವಿನ ಪರಿಶ್ರಮದ ಫಲವಾಗಿ ಈ ಚಿನ್ನದ ನಿಕ್ಷೇಪ ಪತ್ತೆಯಾಗಿದೆ.

ಇದನ್ನೂ ಓದಿ: ಸೋನಾಭದ್ರ ಆಯಿತು, ಲಲಿತಪುರದಲ್ಲೂ ಚಿನ್ನದ ನಿಕ್ಷೇಪವಿದೆಯಂತೆ!: ನೆಲಮಟ್ಟದಿಂದ ಒಂದು ಮೀಟರ್ ಆಳದಲ್ಲಿ ಲಭ್ಯವಿದೆಯಂತೆ ಚಿನ್ನ, ಪ್ಲಾಟಿನಂ!

ಅಧಿಕಾರಿಗಳು ನೀಡಿರುವ ಮಾಹಿತಿ ಪ್ರಕಾರ, ಸೋನ್ ಪಹಾಡಿಯಲ್ಲಿ 2,943.5 ಟನ್​ ಚಿನ್ನದ ನಿಕ್ಷೇಪ ವಿದ್ದರೆ, ಹರ್ಡಿ ಗಣಿಯಲ್ಲಿ 646.15 ಟನ್ ಚಿನ್ನದ ನಿಕ್ಷೇಪವಿದೆ. ಈ ಬೃಹತ್ ಚಿನ್ನದ ನಿಕ್ಷೇಪದ ಮೌಲ್ಯ ಮತ್ತು ಪ್ರಮಾಣ ಗಮನಿಸಿದರೆ ಇದು ಭಾರತದ ಮೀಸಲು ಚಿನ್ನದ ಪ್ರಮಾಣಕ್ಕಿಂತ ಕನಿಷ್ಠ 5-6 ಪಟ್ಟು ಹೆಚ್ಚು ಇದೆ. ಪ್ರಸ್ತುತ ಭಾರತದ ಮೀಸಲು ಚಿನ್ನ(ಗೋಲ್ಡ್ ರಿಸರ್ವ್) ಪ್ರಮಾಣ 626 ಟನ್ ಇದೆ. ಇದೇ ರೀತಿ ರೂಪಾಯಿಯಲ್ಲಿ ಈ ಎರಡೂ ನಿಕ್ಷೇಪಗಳ ಮೌಲ್ಯ ಅಂದಾಜಿಸುವುದಾದರೆ, 12 ಲಕ್ಷ ಕೋಟಿ ರೂಪಾಯಿ ಅಧಿಕ ಎನ್ನಲಾಗುತ್ತಿದೆ.(ಏಜೆನ್ಸೀಸ್)