ಮುಂಬೈ: ಭಾರತೀಯ ಷೇರುಪೇಟೆಯಲ್ಲಿ ಟಾಟಾ ಕನ್ಸಲ್ಟೆನ್ಸ್ ಸರ್ವೀಸಸ್ (ಟಿಸಿಎಸ್)ನ ಮಾರುಕಟ್ಟೆ ಮೌಲ್ಯ 9 ಲಕ್ಷ ಕೋಟಿ ರೂಪಾಯಿ ದಾಟಿ ದಾಖಲೆ ನಿರ್ಮಿಸಿದೆ. 9 ಲಕ್ಷ ಕೋಟಿ ರೂಪಾಯಿ ಮಾರುಕಟ್ಟೆ ಮೌಲ್ಯದ ದಾಟಿದ ಎರಡನೇ ಕಂಪನಿ ಇದಾಗಿದೆ. ಸೋಮವಾರ ಬೆಳಗ್ಗೆ ಷೇರುಪೇಟೆ ವಹಿವಾಟು ಆರಂಭವಾದ ಬೆನ್ನಿಗೇ ಟಿಸಿಎಸ್ನ ಮಾರುಕಟ್ಟೆ ಮೌಲ್ಯ 9 ಲಕ್ಷ ಕೋಟಿ ರೂಪಾಯಿ ದಾಟಿದೆ.
ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್(ಬಿಎಸ್ಸಿ)ನಲ್ಲಿ ಆರಂಭಿಕ ವಹಿವಾಟಿನಲ್ಲಿ ಟಿಸಿಎಸ್ ಷೇರಿನ ಮೌಲ್ಯ ಶೇಕಡ 2.91 ಏರಿಕೆಯಾಗಿ ಪ್ರತಿಷೇರಿನ ಬೆಲೆ 2,442.80 ಆಗಿತ್ತು. ನ್ಯಾಷನಲ್ ಸ್ಟಾಕ್ ಎಕ್ಸ್ಚೇಂಜ್(ಎನ್ಎಸ್ಸಿ)ನಲ್ಲಿ ಪ್ರತಿ ಷೇರಿನ ಮೌಲ್ಯ ಶೇಕಡ 2.76 ಏರಿಕೆ ಆಗಿ ಬೆಲೆ 2,439.80 ರೂಪಾಯಿ ಆಗಿತ್ತು. ಷೇರುಬೆಲೆಯಲ್ಲಿನ ಈ ಏರಿಕೆಯು ಕಂಪನಿಯ ಮಾರುಕಟ್ಟೆ ಮೌಲ್ಯವನ್ನು 9 ಲಕ್ಷ ಕೋಟಿ ರೂಪಾಯಿಯ ಮೌಲಿಗಲ್ಲು ದಾಟುವಂತೆ ಮಾಡಿತು. ಆರಂಭಿಕ ವಹಿವಾಟಿನ ವೇಳೆ ಮಾರುಕಟ್ಟೆ ಮೌಲ್ಯ 9,14,606 .25 ಕೋಟಿ ರೂಪಾಯಿ ಆಗಿತ್ತು.
ಇದನ್ನೂ ಓದಿ: ಯೋಗೀಶ್ ಗೌಡ ಕೊಲೆ ಕೇಸ್; ಮಾಜಿ ಸಚಿವ ವಿನಯ್ ಕುಲಕರ್ಣಿ ಸಹೋದರನಿಗೆ ಸಿಬಿಐ ಡ್ರಿಲ್
ಇದಕ್ಕೂ ಮೊದಲು ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಇಂಥ ಸಾಧನೆ ಮಾಡಿದೆ. ಕಳೆದ ವರ್ಷ ಅಕ್ಟೋಬರ್ನಲ್ಲಿ ಈ ಸಾಧನೆಯನ್ನು ಅದು ಮಾಡಿತ್ತು. ಪ್ರಸ್ತುತ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ನ ಮಾರುಕಟ್ಟೆ ಮೌಲ್ಯ 15,78,732.92 ಕೋಟಿ ರೂಪಾಯಿ. (ಏಜೆನ್ಸೀಸ್)