ನವದೆಹಲಿ: ಭಾರತದ ಮಾಜಿ ವಿಶ್ವಸುಂದರಿ ಸುಷ್ಮಿತಾ ಸೇನ್ ಹೆಸರು ಎಲ್ಲರಿಗೂ ಗೊತ್ತಿರುವಂಥದ್ದೇ. ಬಾಲಿವುಡ್ನಲ್ಲಿ ಸಾಕಷ್ಟು ಕಾಲ ಮಿಂಚಿ ಮಕ್ಕಳನ್ನು ದತ್ತು ಪಡೆದ ಸುಷ್ಮಿತಾ ಅವರು ರೋಹ್ಮನ್ ಶಾಲ್ ಅವರನ್ನು ಮದುವೆಯಾಗಿದ್ದಾರೆ ಎಂಬ ಸಂಗತಿ ಗುಟ್ಟಾಗಿ ಉಳಿದಿಲ್ಲ.
ಆದರೆ, ಅದೇ ಸುಷ್ಮಿತಾ ಸೇನ್ ಈಗ ಚೆಸ್ ಚಾಂಪಿಯನ್ ಆಗಿದ್ದಾರಂತೆ! ಇದು ಹೊಸ ಸಂಗತಿ. ಈ ವಿಷಯವನ್ನು ತಿಳಿಸಿರುವ ಸುಷ್ಮಿತಾ ಅವರ ಪತಿ ರೋಹಮನ್ ಶಾಲ್, ಸುಷ್ಮಿತಾ ಸೇನ್ ನನಗೆ ಸಿಕ್ಕ ಅತ್ಯುತ್ತಮ ಗರ್ಲ್ಫ್ರೆಂಡ್ ಎಂದು ಬಣ್ಣಿಸಿದ್ದಾರೆ.
ಹಾಗೆಂದ ಮಾತ್ರಕ್ಕೆ ಸುಷ್ಮಿತಾಗೆ ಮೊದಲಿನಿಂದಲೂ ಚೆಸ್ ಬಗ್ಗೆ ಒಲವಿತ್ತು ಎಂದು ಅನ್ಯಥಾ ಭಾವಿಸಬೇಡಿ. ಆಕೆಗೆ ಅದರ ಓಂನಾಮ ಕೂಡ ಗೊತ್ತಿರಲಿಲ್ಲ. ಆದರೆ ತಮ್ಮ ಪತಿ ರೋಹ್ಮನ್ ಶಾಲ್ ಅತ್ಯಂತ ಪ್ರೀತಿಯಿಂದ ಕಲಿಸಿದ ಆಟವನ್ನು ಚೆನ್ನಾಗಿ ಕಲಿತುಕೊಂಡಿದ್ದಾರಂತೆ.
ಲಾಕ್ಡೌನ್ ಅವಧಿಯನ್ನು ಒಟ್ಟಾಗಿ ಕಳೆಯುತ್ತಿರುವ ದಂಪತಿ, ಬೆಳಗ್ಗೆ ಯೋಗಾಭ್ಯಾಸ ಮಾಡುತ್ತಾರಂತೆ. ನಂತರ ಚೆಸ್ ಆಡುತ್ತಾರಂತೆ. ಮೊದಮೊದಲು ಅಷ್ಟೇನೂ ಗಂಭೀರವಾಗಿ ಆಡದ ಸುಷ್ಮಿತಾ ಸೇನ್, ಇದೀಗ ಗುರುವನ್ನೇ ಮೀರಿಸುವ ಶಿಷ್ಯೆಯಂತೆ ಚೆಸ್ನಲ್ಲಿ ರೋಹ್ಮನ್ ಅವರನ್ನು ಸೋಲಿಸುತ್ತಿದ್ದಾರಂತೆ.
ಈಗ ಪ್ರತಿ ಬಾರಿ ಆಡಿದಾಗಲೆಲ್ಲಾ ತಮ್ಮ ಜಾಣ ನಡೆಗಳ ಮೂಲಕ ಚೆಸ್ನಲ್ಲಿ ನನ್ನನ್ನು ಸುಷ್ಮಿತಾ ಸೋಲಿಸುತ್ತಿದ್ದಾರೆ ಎಂದು ಸ್ವತಃ ರೋಹ್ಮನ್ ಹೇಳಿಕೊಂಡಿದ್ದಾರೆ.
ಅಷ್ಟೇ ಅಲ್ಲ, ಸುಷ್ಮಿತಾ ಒಬ್ಬ ಒಳ್ಳೆಯ ಮನಸ್ಸುಳ್ಳ ವ್ಯಕ್ತಿ, ಹಾಗಾಗಿ ಇವರು ನನಗೆ ದೊರೆತಿರುವ ಅತ್ಯುತ್ತಮ ಗರ್ಲ್ಫ್ರೆಂಡ್ ಎಂದು ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಕೂಡ ಮಾಡಿದ್ದಾರೆ.
ಇದಕ್ಕೆ ಪ್ರತಿಯಾಗಿ ಸುಷ್ಮಿತಾ, ಮೊದಲಿನಿಂದಲೂ ನಾನು ಅಡುಗೆಯಲ್ಲಿ ಅಷ್ಟಕಷ್ಟೇ. ಆದರೆ, ರೋಹ್ಮನ್ ಅತ್ಯುತ್ತಮ ಬಾಣಸಿಗ. ಒಳ್ಳೊಳ್ಳೆ ಖಾದ್ಯಗಳನ್ನು ತಯಾರಿಸಿ, ಉಣಬಡಿಸುತ್ತಾರೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಲಾಕ್ಡೌನ್ ಬೇಸರ ನೀಗಿಸಲು ಬಾಲ್ಕನಿ ಆರ್ಕೆಸ್ಟ್ರಾ; ದೆಹಲಿಯ ಸಂಗೀತಗಾರನ ಈ ಕ್ರಮಕ್ಕೆ ಎಲ್ಲೆಡೆಯಿಂದ ಮೆಚ್ಚುಗೆ