ಪಿಚ್‌ನ ಸ್ಥಿತಿಯ ಬಗ್ಗೆ ವಿವರಿಸಿದ ಶಮಿ, ಇಂತಹ ವಿಕೆಟ್‌ನಲ್ಲಿ ಒಬ್ಬ ವೇಗದ ಬೌಲರ್ ಐದು ಅಥವಾ ಹತ್ತು ಓವರ್‌ಗಳನ್ನು ನಿರಂತರವಾಗಿ ಬೌಲಿಂಗ್ ಮಾಡಬೇಕು ಎಂದು ಇವರೆಲ್ಲಾ ಯೋಚನೆಯಾದರು ಹೇಗೆ ಮಾಡುತ್ತಾರೆ..? ಬ್ಯಾಟರ್‌ಗಳಿಗೆ ಪಿಚ್ ನೆರವಾಗದಿದ್ದರೆ ಪಾಸ್ಟ್ ಬೌಲರ್ ಬೌಲಿಂಗ್ ಮಾಡುತ್ತಾನೆ, ಒಂದು ವೇಳೆ ಸ್ಪಿನ್ನರ್‌ಗಳು ವಿಕೆಟ್ ಪಡೆಯಬಹುದು ಎಂದೆನಿಸಿದರೆ, ಅವರು ಬೌಲಿಂಗ್ ಮಾಡುತ್ತಾರೆ. ಇದು ಸಂಪೂರ್ಣವಾಗಿ ಪಂದ್ಯದ ಪರಿಸ್ಥಿತಿ ಮತ್ತು ನಾಯಕನ ನಿರ್ಧಾರಕ್ಕೆ ಬಿಟ್ಟದ್ದು ಎಂದರು. ಅಲ್ಲದೆ, ಅಂದಿನ ದಿನ ತಾನು ನೆಟ್ಸ್‌ನಲ್ಲಿ ಒಂದೂವರೆ ಗಂಟೆಗಳ ಕಾಲ ನಿರಂತರವಾಗಿ ಬೌಲಿಂಗ್ ಮಾಡಿದ್ದೇನೆ ಮತ್ತು ಯಾವುದೇ ದೈಹಿಕ ಸಮಸ್ಯೆ ಕಾಡಲಿಲ್ಲ ಎಂದು ಕಡ್ಡಿ ಮುರಿದಂತೆ ಹೇಳಿದರು.
ಇದನ್ನೂ ಓದಿ:ಯುಪಿ ಚುನಾವಣೆ ಕಾವೇರುತ್ತಿದ್ದಂತೆ ಆಂತರಿಕ ಕಲಹ: ಬಿಜೆಪಿ ಮಿತ್ರಪಕ್ಷಕ್ಕೆ ಸಾಮೂಹಿಕ ರಾಜೀನಾಮೆಯ ಶಾಕ್! | SBSP Party
ನಾನಿನ್ನೂ ನನ್ನ ಪೀಕ್ನಲ್ಲಿದ್ದೇನೆ!
ವಯಸ್ಸು ಹಾಗೂ ಫಿಟ್‌ನೆಸ್ ಕುರಿತಾದ ಪ್ರಶ್ನೆಗಳಿಗೆ ಉತ್ತರಿಸಿದ 36 ವರ್ಷದ ಶಮಿ, ನಾನು ಇಂದಿಗೂ ನನ್ನ ವೃತ್ತಿಜೀವನದ ಉತ್ತುಂಗದಲ್ಲಿದ್ದೇನೆ, ಇಲ್ಲಿ ಸುತ್ತಿಬಳೆಸಿ ಮಾತನಾಡುವ ಯಾವುದೇ ಅಗತ್ಯವಿಲ್ಲ. ನಾನು ಮೊದಲು ಹೇಗಿದ್ದೇನೆಯೋ, ಈಗಲೂ ಹಾಗೆಯೇ ನನ್ನ ಅತ್ಯುತ್ತಮ ಫಾರ್ಮ್‌ನಲ್ಲಿದ್ದೇನೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.
ದೆಹಲಿ ವಿರುದ್ಧದ ಉದ್ಘಾಟನಾ ಪಂದ್ಯದಲ್ಲಿ 17.3 ಓವರ್‌ಗಳನ್ನು ಎಸೆದು 9 ಮೇಡನ್ ಸಹಿತ 30 ರನ್ ನೀಡಿ 4 ವಿಕೆಟ್ ಕಬಳಿಸಿದ್ದ ಶಮಿ, ಸರ್ವಿಸಸ್ ವಿರುದ್ಧದ ಎರಡನೇ ಪಂದ್ಯದಲ್ಲಿ ಆಡಲಿಲ್ಲ. ಆಕಾಶ್ ದೀಪ್ ಮತ್ತು ಮುಖೇಶ್ ಕುಮಾರ್ ಅವರು ಭಾರತ ಎ ತಂಡದಲ್ಲಿರಿದ್ದರೂ ಶಮಿ ವಿಶ್ರಾಂತಿ ಪಡೆದದ್ದು ಚರ್ಚೆಗೆ ಗ್ರಾಸವಾಗಿತ್ತು. ಈ ಕುರಿತು ಮಾತನಾಡಿದ ಬಂಗಾಳ ತಂಡದ ಮುಖ್ಯ ಕೋಚ್ ಲಕ್ಷ್ಮಿ ರತನ್ ಶುಕ್ಲಾ, ಶಮಿ ಸಂಪೂರ್ಣ ಫಿಟ್ ಆಗಿದ್ದಾರೆ ಮತ್ತು ಹೆಚ್ಚಿನ ವರ್ಕ್‌ಲೋಡ್ ಕಾರಣದಿಂದ ಸ್ವತಃ ಅವರೇ ವಿಶ್ರಾಂತಿ ಕೋರಿದ್ದಾರೆ ಎಂದು ಸ್ಪಷ್ಟಪಡಿಸಿದ್ದರು.
ಈ ಬಗ್ಗೆ ಪ್ರತಿಕ್ರಿಯಿಸಿದ ಶಮಿ, ಪಾಲಮ್ ಮೈದಾನದ ಪಿಚ್ ಹೇಗಿತ್ತು ಎಂಬುದು ನಿಮಗೆಲ್ಲರಿಗೂ ಗೊತ್ತಿದೆ. ಅಂತಹ ಕಠಿಣ ವಿಕೆಟ್‌ನಲ್ಲಿ ನಾನು 2-4 ಓವರ್ ಆಡುವುದರಲ್ಲಿ ಯಾವುದೇ ಅರ್ಥವಿರಲಿಲ್ಲ. ಅದಕ್ಕಿಂತ ಯುವ ಆಟಗಾರರಿಗೆ ಅವಕಾಶ ನೀಡುವುದು ಉತ್ತಮ. ಅವರು ಎಷ್ಟು ಹೆಚ್ಚು ಆಡುತ್ತಾರೋ, ಅಷ್ಟು ಹೆಚ್ಚು ಅನುಭವ ಪಡೆಯುತ್ತಾರೆ. ತಂಡಕ್ಕೆ ನನ್ನ ಅವಶ್ಯಕತೆ ಇದ್ದಾಗ ಮಾತ್ರ ನಾನು ಆಡುತ್ತೇನೆ. ಆದರೆ ನಾನೊಬ್ಬ ಬ್ಯಾಟರ್ ಆಗಿ ಕಣಕ್ಕಿಳಿಯಲು ಸಾಧ್ಯವಿಲ್ಲವಲ್ಲ ಎಂದು ಮಾರ್ಮಿಕವಾಗಿ ಪ್ರಶ್ನಿಸಿದರು.
