ಮ್ಯಾಡ್ರಿಡ್: ಸ್ಪೇನ್ ಸರ್ಕಾರ ಹಂತಹಂತವಾಗಿ ಲಾಕ್ಡೌನ್ ಸಡಿಲಗೊಳಿಸಲು ಮುಂದಾಗಿದೆ. ಇದರ ಭಾಗವಾಗಿ ಅದು ಶನಿವಾರ ಬೆಳಗ್ಗೆಯಿಂದ ಬೆಳಗಿನ ವ್ಯಾಯಾಮ, ಜಾಗಿಂಗ್, ವಾಯುವಿಹಾರಕ್ಕೆ ಅವಕಾಶ ಮಾಡಿಕೊಟ್ಟಿದೆ. 7 ವಾರಗಳ ಅವಧಿಯಲ್ಲಿ ಮೊದಲ ಬಾರಿಗೆ ಹೊರಬರಲು ಅವಕಾಶ ಲಭಿಸುತ್ತಿದ್ದಂತೆ ಸ್ಪೇನ್ನ ಜನತೆ ಜಾಗಿಂಗ್ ಧಿರಿಸಿನಲ್ಲಿ ತಂಡೋಪತಂಡವಾಗಿ ಉದ್ಯಾನ, ಮೈದಾನಗಳಿಗೆ ದಾಂಗುಡಿ ಇಟ್ಟು ವ್ಯಾಯಾಮ ಮಾಡಿದರು.
ಕೆಲವರು ಮಾಸ್ಕ್ ಧರಿಸಿ ಬಿರುಸಿನ ನಡಿಗೆ, ಜಾಗಿಂಗ್ನಲ್ಲಿ ತೊಡಗಿದ್ದ ದೃಶ್ಯ ಸಾಮಾನ್ಯವಾಗಿತ್ತು.
ಇದನ್ನೂ ಓದಿ: ಲಾಕ್ಡೌನ್ 3.0; ನಾನು ಸ್ನೇಹಿತರನ್ನು ಭೇಟಿಯಾಗಬಹುದೇ? ಮನೆಗೆಲಸದವರು ಬರಬಹುದೇ… ಕೆಲ ಪ್ರಶ್ನೆಗಳಿಗೆ ಉತ್ತರ ಇಲ್ಲಿದೆ
ಹಾಗೆಂದ ಮಾತ್ರಕ್ಕೆ ಯಾರೆಂದರೆ ಅವರು ವಾಕಿಂಗ್ ಜಾಗಿಂಗ್ ಬರುವಂತಿಲ್ಲ. ಇದಕ್ಕಾಗಿ ವಯೋಮಾನ ಆಧರಿಸಿ ಸ್ಪೇನ್ ಸರ್ಕಾರ ಸಮಯವನ್ನು ನಿಗದಿಪಡಿಸಿದೆ. 14 ವರ್ಷದಿಂದ 70 ವರ್ಷ ವಯಸ್ಸಿನವರು ಬೆಳಗ್ಗೆ 6ರಿಂದ 10 ಗಂಟೆಯವರೆಗೆ ರಾತ್ರಿ 8ರಿಂದ 11 ಗಂಟೆಯವರೆಗೆ ವಾಕಿಂಗ್, ಜಾಗಿಂಗ್ ಮಾಡಬಹುದು.
70 ಅಥವಾ ಅದಕ್ಕಿಂತ ಹೆಚ್ಚಿನ ವಯೋಮಾನದವರು ಬೆಳಗ್ಗೆ 10ರಿಂದ ಮಧ್ಯಾಹ್ನ 12 ಗಂಟೆಯವರೆಗೆ ರಾತ್ರಿ 7ರಿಂದ 8 ಗಂಟೆಯವರೆಗೆ ವಾಕಿಂಗ್ಗೆ ಹೋಗಬಹುದು. ಅಗತ್ಯವಾಗಿದ್ದರೆ ಮಾತ್ರ ಒಬ್ಬ ಸಹಾಯಕರನ್ನು ಕರೆದೊಯ್ಯಬಹುದು. 14 ವರ್ಷಕ್ಕಿಂತ ಕೆಳಗಿನ ಮಕ್ಕಳು ಮಧ್ಯಾಹ್ನ 12ರಿಂದ ರಾತ್ರಿ 7 ಗಂಟೆಯವರೆಗೆ ಮನೆಯಿಂದ ಹೊರಬಂದು ಓಡಾಡಬಹುದು. ಇವರೊಂದಿಗೆ ಪಾಲಕರಲ್ಲಿ ಯಾರಾದರೂ ಒಬ್ಬರು ಇರಬೇಕು. ಇವರು ಮನೆಯ ಪರಿಧಿಯಲ್ಲಿ 1 ಕಿ.ಮೀ. ಮಾತ್ರ ವಾಕಿಂಗ್ ಹೋಗಬಹುದು. ಇತರೆ ಮಕ್ಕಳೊಂದಿಗೆ ಆಟ ಆಡುವಂತಿಲ್ಲ ಎಂಬ ನಿರ್ಬಂಧಗಳನ್ನು ವಿಧಿಸಲಾಗಿದೆ.
ಹೋದಲ್ಲೆಲ್ಲಾ ಜನರ ಗಮನ ಸೆಳೆಯುತ್ತಿರುವ ಶ್ರೀರಾಮುಲು ಮಾಸ್ಕ್! ಅಮೆರಿಕದಿಂದ ತರಿಸಿದ್ದಾರಂತೆ…