ನವದೆಹಲಿ: ಕೇಂದ್ರ ಸರ್ಕಾರ ಸಿನಿಮಾ ಹಾಗೂ ಟಿ.ವಿ. ಕಾರ್ಯಕ್ರಮಗಳ ಚಿತ್ರೀಕರಣಕ್ಕಾಗಿ ಪ್ರಮಾಣಿಕೃತ ನಿರ್ವಹಣಾ ಕಾರ್ಯವಿಧಾನಗಳನ್ನು (ಎಸ್ಒಪಿ) ಬಿಡುಗಡೆ ಮಾಡಿದೆ.
ಆರೋಗ್ಯ ಇಲಾಖೆ ಹಾಗೂ ಗೃಹ ಸಚಿವಾಲಯದೊಂದಿಗಿನ ಚರ್ಚೆ ಬಳಿಕ ಈ ಮಾರ್ಗದರ್ಶಿ ಸೂತ್ರಗಳನ್ನು ಸಿದ್ಧಪಡಿಸಲಾಗಿದೆ ಎಂದು ಕೇಂದ್ರ ವಾರ್ತಾ ಮತ್ತು ಪ್ರಸಾರ ಸಚಿವ ಪ್ರಕಾಶ್ ಜಾವಡೇಕರ್ ಮಾಹಿತಿ ನೀಡಿದ್ದಾರೆ. ಅಗತ್ಯ ಆರೋಗ್ಯ ಸುರಕ್ಷತಾ ಕ್ರಮಗಳೋಂದಿಗೆ ಸಿನಿಮಾ ಹಾಗೂ ಟಿ.ವಿ. ಕಾರ್ಯಕ್ರಮಗಳ ಚಿತ್ರೀಕರಣವನ್ನು ಆರಂಭಿಸಬಹುದು ಎಂದು ಭಾನುವಾರ ತಿಳಿಸಿದ್ದಾರೆ.
ಇದನ್ನೂ ಓದಿ; ಸುಶಾಂತ್ ಸಿಂಗ್ ರಜಪೂತ್ ಮಾದಕ ದ್ರವ್ಯ ವ್ಯಸನಿಯೇ? ತನಿಖೆಯಲ್ಲಿ ಹೊರಬಿತ್ತು ಭಯಾನಕ ಸತ್ಯ…!
ಕ್ಯಾಮರಾ ಎದುರಿಸುವ ಕಲಾವಿದರು ಹೊರತುಪಡಿಸಿ ಉಳಿದೆಲ್ಲರೂ ಮಾಸ್ಕ್ ಧರಿಸಬೇಕು. ಉಳಿದಂತೆ ಆರೋಗ್ಯ ಇಲಾಖೆಯ ಎಲ್ಲ ಮಾರ್ಗದರ್ಶಿ ಸೂತ್ರಗಳನ್ನು ಪಾಲಿಸಬೇಕು ಎಂದು ಅವರು ಹೇಳಿದ್ದಾರೆ.
ಸೋಂಕಿಗೆ ಒಳಗಾಗುವ ಅಧಿಕ ಸಂಭಾವ್ಯತೆವುಳ್ಳವರು ಹೆಚ್ಚುವರಿ ಸುರಕ್ಷತಾ ಕ್ರಮಗಳನ್ನು ಕೈಗೊಳ್ಳಬೇಕು. ಮಾಸ್ಕ್ ಧರಿಸುವುದು, ಸ್ಯಾನಿಟೈಸರ್ ಬಳಕೆ ಕಡ್ಡಾಯವಾಗಿರಲಿದೆ. ಅಗತ್ಯವಾದಲ್ಲಿ ಪಿಪಿಇ ಕಿಟ್ ಬಳಕೆ, ಜತೆಗೆ ಆರೋಗ್ಯಸೇತು ಆ್ಯಪ್ ಹೊಂದಿರುವುದು ಅಪೇಕ್ಷಣೀಯವಾಗಿದೆ.
ಇದನ್ನೂ ಓದಿ; ಗಣೇಶ ಹಬ್ಬದಂದು ಬಿಡುಗಡೆಯಾಯ್ತು ನಿತ್ಯಾನಂದನ ಕೈಲಾಸದ ಕರೆನ್ಸಿ; ಭಾರತೀಯ ರೂಪಾಯಿಗೆಷ್ಟು ಮೌಲ್ಯ ?
ಥರ್ಮಲ್ ಸ್ಕ್ರೀನಿಂಗ್ ಮಾಡಬೇಕು, ಕೋವಿಡ್ ಗುಣಲಕ್ಷಣವಿಲ್ಲದವರನ್ನು ಮಾತ್ರ ಕಾರ್ಯಕ್ರಮದಲ್ಲಿ ಚಟುವಟಿಕೆಗಳಲ್ಲಿ ಭಾಗವಹಿಸಬಹುದು. ಜನದಟ್ಟಣೆ ಉಂಟಾಗುವುದನ್ನು ತಡೆಯುವುದಲ್ಲದೇ, ಸಾಧ್ಯವಾದಲ್ಲಿ ವ್ಯಕ್ತಿಗತ ಅಂತರ ಕಾಯ್ದುಕೊಳ್ಳಬೇಕು ಎಂದು ಸೂಚಿಸಲಾಗಿದೆ.
ಚಿತ್ರೀಕರಣದ ಸೆಟ್ಗಳಲ್ಲಿ ಸಂದರ್ಶಕರು ಅಥವಾ ಸಾರ್ವಜನಿಕರ ಪ್ರವೇಶಕ್ಕೆ ಅವಕಾಶ ನೀಡಬಾರದು. ಹೊರಾಂಗಣ ಚಿತ್ರೀಕರಣದ ವೇಳೆ ಜನರು ಸೇರುವುದನ್ನು ತಡೆಯಲು ಸ್ಥಳೀಯಾಡಳಿತದೊಂದಿಗೆ ಸಮನ್ವಯತೆ ಹೊಂದಿರಬೇಕು ಎಂದು ಹೇಳಲಾಗಿದೆ.
ಕೇಂದ್ರ ಸರ್ಕಾರ ಜಾರಿ ಮಾಡಿರುವ ನೂತನ ಮಾರ್ಗಸೂಚಿ
- ಸೆಟ್ನಲ್ಲಿ ಕ್ಯಾಮರಾ ಎದುರಿಗಿನ ಕಲಾವಿದರನ್ನು ಹೊರತು ಪಡಿಸಿ ಎಲ್ಲರೂ ಕಡ್ಡಾಯ ಮಾಸ್ಕ್ ಧರಿಸುವುದು
- ವ್ಯಕ್ತಿಯಿಂದ ವ್ಯಕ್ತಿಗೆ 6 ಅಡಿ ಅಂತರ ಕಾಯ್ದುಕೊಳ್ಳುವುದು ಕಡ್ಡಾಯ
- ಶೂಟಿಂಗ್ ದೃಶ್ಯಗಳಲ್ಲಿಯೂ ಸಾಮಾಜಿಕ ಅಂತರ ಇರಲೇಬೇಕು
- ಸೀಮಿತ ಕಾರ್ಮಿಕರ ಬಳಕೆ
- ಹೊರಾಂಗಣ ಚಿತ್ರೀಕರಣಕ್ಕೆ ಸಂಬಂಧಿಸಿದವರಿಂದ ಪರನಾನಗಿ ಪಡೆದುಕೊಳ್ಳಬೇಕು
- ಸೆಟ್ ಆಗಮನವಾಗುವ ಮತ್ತು ನಿರ್ಗಮನದ ವೇಳೆ ಸ್ಕ್ರೀನಿಂಗ್ ಮತ್ತು ಉಷ್ಣಾಂಶ ಪರೀಕ್ಷೆ
- ಮಾಸ್ಕ್ ಜತೆಗೆ ಕೈಗವುಸು, ಪಿಪಿಇ ಕಿಟ್ ಬಳಸಬೇಕು
- ಮೇಕಪ್ ಮತ್ತು ಹೇರ್ಸ್ಟೈಲ್ ಆರ್ಟಿಸ್ಟ್ ಕಡ್ಡಾಯವಾಗಿ ಪಿಪಿಇ ಕಿಟ್ ಬಳಸಬೇಕು
- ಹ್ಯಾಂಡ್ವಾಶ್ ಕಡ್ಡಾಯ
- ಸೆಟ್ನಲ್ಲಿ ಎಲ್ಲೆಂದರಲ್ಲಿ ಉಗುಳುವಂತಿಲ್ಲ
- ಪ್ರತಿದಿನ ಥರ್ಮಲ್ ಸ್ಕ್ರೀನಿಂಗ್ ನಡೆಸುವುದು ಕಡ್ಡಾಯ.
- ಕರೊನಾ ರೋಗಲಕ್ಷಣ ಇರುವ ವ್ಯಕ್ತಿಗೆ ಐಸೋಲೇಶನ್‌ ಮಾಡಬೇಕು.
- ಅನಗತ್ಯವಾಗಿ ಬೇರೊಬ್ಬರಿಗೆ ಸೆಟ್ನಲ್ಲಿ ಎಂಟ್ರಿ ನಿಷೇಧ
- ಮೇಕಪ್ ರೂಮ್, ಶೌಚಗೃಹ ಸೇರಿ ಸೆಟ್ ಅನ್ನು ಕಡ್ಡಾಯವಾಗಿ ಸ್ಯಾನಿಟೈಸ್ ಮಾಡಬೇಕು
ಪ್ರಚಾರಕ್ಕೆ ಐವರಿಗಷ್ಟೇ ಅವಕಾಶ; ರೋಡ್ಶೋಗೆ ಐದೇ ವಾಹನ; ಚುನಾವಣೆ ಮಾರ್ಗಸೂಚಿ ಪ್ರಕಟ