ಬೆಂಗಳೂರು: ಸ್ಯಾಂಡಲ್ವುಡ್ ನಟಿ ಸೋನಲ್ ಮೊಂತೆರೋ ಸಾಲುಸಾಲು ಸಿನಿಮಾಗಳಲ್ಲಿ ಬಿಜಿಯಾಗಿದ್ದಾರೆ. ಈಗಾಗಲೇ ಅವರ ನಾಲ್ಕೈದು ಸಿನಿಮಾಗಳು ಬಿಡುಗಡೆಗೆ ಸಿದ್ಧವಾಗಿದ್ದರೆ, ಇನ್ನೂ ಕೆಲವು ಕೊನೇ ಹಂತದ ಶೂಟಿಂಗ್ನಲ್ಲಿವೆ. ಇದೀಗ ಅವರ ಸಿನಿಮಾ ಬತ್ತಳಿಕೆಗೆ ಹೊಸ ಸಿನಿಮಾವೊಂದು ಸೇರ್ಪಡೆಯಾಗಿದೆ. ಅದೇ ‘ಗಾಜನೂರು’!
‘ಗಾಜನೂರು’ ಎಂದಾಕ್ಷಣ ಇದು ಡಾ. ರಾಜಕುಮಾರ್ ಅವರಿಗೆ ಅಥವಾ ಅವರ ಊರಿಗೆ ಸಂಬಂಧಿಸಿದ ಸಿನಿಮಾ ಎಂದುಕೊಳ್ಳಬೇಡಿ. ಈ ಗಾಜನೂರಿನ ಕಥೆಯೇ ಬೇರೆ. ಶಿವಮೊಗ್ಗ ಜಿಲ್ಲೆ ತೀರ್ಥಹಳ್ಳಿ ತಾಲೂಕಿನಲ್ಲಿಯೂ ಗಾಜನೂರು ಎಂಬ ಊರಿದೆ. ಆ ಊರಿನಲ್ಲಿ ನಡೆಯುವ ಕಥೆ ಇದು. ನೈಜ ಘಟನೆಯನ್ನೇ ಸಿನಿಮಾ ಶೈಲಿಯಲ್ಲಿ ಕಟ್ಟಿಕೊಡುತ್ತಿದ್ದಾರೆ ನಿರ್ದೇಶಕ ವಿಜಯ್. ಅವತಾರ್ ಈ ಚಿತ್ರದ ನಾಯಕ. ಕಲಬುರಗಿ ಮೂಲದ ಅವಿನಾಶ್ ಈ ಚಿತ್ರವನ್ನು ನಿರ್ವಿುಸುತ್ತಿದ್ದಾರೆ. ಇತ್ತೀಚೆಗಷ್ಟೇ ನಡೆದ ಮುಹೂರ್ತಕ್ಕೆ ಅತಿಥಿಗಳಾಗಿ ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ, ನಿರ್ದೇಶಕ ನಂದಕಿಶೋರ್ ಭಾಗವಹಿಸಿ ತಂಡಕ್ಕೆ ಶುಭ ಕೋರಿದ್ದಾರೆ. ಈ ಚಿತ್ರದ ಭಾಗವಾಗುತ್ತಿರುವುದಕ್ಕೆ ನಟಿ ಸೋನಲ್ ಸಹ ಅಷ್ಟೇ ಸಂಭ್ರಮದಲ್ಲಿದ್ದಾರೆ. ‘ಇದೊಂದು ಸಸ್ಪೆನ್ಸ್ ಥ್ರಿಲ್ಲರ್ ಶೈಲಿಯ ಸಿನಿಮಾ. ಹಳ್ಳಿ ಹುಡುಗಿಯಾಗಿ ಕಾಣಿಸಿಕೊಳ್ಳಲಿದ್ದೇನೆ. ಹಳ್ಳಿ ಹುಡುಗಿ ಪಟ್ಟಣಕ್ಕೆ ಬಂದು ಹೇಗೆ ಜೀವನ ಮಾಡ್ತಾಳೆ? ಹೇಗೆ ಸಮಸ್ಯೆಗಳನ್ನು ಎದುರಿಸ್ತಾಳೆ? ಇವೆಲ್ಲದರ ನಡುವೆ ಒಂದು ಮುದ್ದಾದ ಲವ್ಸ್ಟೋರಿ ಸಾಗಲಿದೆ’ ಎಂದು ಪಾತ್ರದ ಬಗ್ಗೆ ಹೇಳುತ್ತಾರೆ ಸೋನಲ್.
ಸದ್ಯ ಸೋನಲ್ ನಟಿಸಿರುವ ‘ರಾಬರ್ಟ್’ ಮಾರ್ಚ್ 11ಕ್ಕೆ ಬಿಡುಗಡೆ ಆಗಲಿದೆ. ‘ಬನಾರಸ್’ ಚಿತ್ರೀಕರಣ ಮುಗಿದರೆ, ‘ಬುದ್ಧಿವಂತ’, ‘ತಲ್ವಾರ್ ಪೇಟೆ’, ‘ನಟ್ವರ್ಲಾಲ್’ ಮತ್ತು ‘ಶಂಭೋ ಶಿವ ಶಂಕರ’ ಚಿತ್ರಗಳ ಬಹುತೇಕ ಚಿತ್ರೀಕರಣ ಮುಗಿಸಿಕೊಂಡಿದ್ದಾರೆ ಸೋನಲ್. ಇತ್ತೀಚೆಗಷ್ಟೇ ‘ಶುಗರ್ ಫ್ಯಾಕ್ಟರಿ’ ಶುರುವಾಗಿದ್ದು, ಫೆಬ್ರವರಿಯಿಂದ ‘ಗಾಜನೂರು’ ಸಿನಿಮಾ ಶೂಟಿಂಗ್ ಆರಂಭವಾಗಲಿದೆ.
ವಕೀಲರ ಡ್ರೆಸ್ಕೋಡ್ಗಿದ್ದ ವಿನಾಯಿತಿ ರದ್ದು, ಕೋಟ್ ಧರಿಸುವಿಕೆ ಕಡ್ಡಾಯ
ಗಂಡ ಅವನಲ್ಲ, ಅವಳು!: ಗಂಡಸೆಂದು ಬಿಂಬಿಸಿಕೊಂಡು ವಿಧವೆಯನ್ನು ಮದ್ವೆಯಾದ್ಲು; ಆಮೇಲೆ ನಡೆದಿದ್ದೇ ಬೇರೆ…