ಬಹುಶಃ ಇಂಟರ್ನೆಟ್ನಲ್ಲಿ ಅತೀ ಹೆಚ್ಚು ಕಿರುಕುಳ ಅನುಭವಿಸಿದ ಬಾಲಿವುಡ್ ನಟಿ ಎಂದರೆ ಸೋನಾಕ್ಷಿ ಸಿನ್ಹಾ ಇರಬೇಕು. ‘ಕೌನ್ ಬನೇಗಾ ಕರೋಡ್ಪತಿ’ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಸಂದರ್ಭದಲ್ಲಿ, ರಾಮಾಯಣದ ಕುರಿತಾಗಿ ಒಂದು ಪ್ರಶ್ನೆಗೆ ತಪ್ಪು ಉತ್ತರ ಕೊಟ್ಟಿದ್ದಿಕ್ಕೆ ಸೋನಾಕ್ಷಿಯನ್ನು ನೆಟ್ಟಿಗರು ಟ್ರೋಲ್ ಮಾಡಿದ್ದರು.
ಅದೊಂದೇ ಪ್ರಕರಣವಲ್ಲ, ಸೋನಾಕ್ಷಿ ತೂಕ ಹೆಚ್ಚಿಸಿಕೊಂಡಿದ್ದಾಗ, ಸ್ವಜನಪಕ್ಷಪಾತದ ವಿರುದ್ಧ ಧ್ವನಿ ಕೇಳಿ ಬಂದಾಗ ಮುಂತಾದ ಹಲವು ವಿಷಯಗಳಲ್ಲಿ ಸೋನಾಕ್ಷಿ ಸಿನ್ಹಾ ಅನಿವಾರ್ಯವಾಗಿ ತುಂಬಾ ದೊಡ್ಡ ಮಟ್ಟದಲ್ಲಿ ಟ್ರೋಲ್ ಆಗಿದ್ದರು.
ಇದನ್ನೂ ಓದಿ: ಒಂಟಿತನಕ್ಕೆ ಬೈ ಬೈ ಹೇಳಿದ್ರು ಹಾಟ್ ಬೆಡಗಿ ಪೂನಂ ಪಾಂಡೆ; ಬಹುಕಾಲದ ಗೆಳೆಯನ ಜತೆ ಎಂಗೇಜ್ಡ್..
ಈಗ ಸೈಬರ್ ಕಿರುಕುಳದ ವಿರುದ್ಧ ಸೋನಾಕ್ಷಿ ಧ್ವನಿ ಎತ್ತಿದ್ದಾರೆ. ಸೈಬರ್ ಕಿರುಕುಳವನ್ನು ನಿಲ್ಲಿಸುವ ನಿಟ್ಟಿನಲ್ಲಿ ಅವರು ‘ಮಿಷನ್ ಜೋಶ್’ ಎಂಬ ಹೊಸ ಅಭಿಯಾನವನ್ನು ಪ್ರಾರಂಭಿಸಿದ್ದಾರೆ. ಈ ಮೂಲಕ, ಸೈಬರ್ ಕಿರುಕುಳ ಕೊಟ್ಟು ಮಾನಸಿಕ ಹಿಂಸೆ ನೀಡುವ ಟ್ರೋಲಿಗರ ವಿರುದ್ಧ ಅವರು ತೊಡೆ ತಟ್ಟಿ ನಿಂತಿದ್ದಾರೆ.
ಸತತ ಟ್ರೋಲ್ ಮಾಡುವ ಜನರಿಗೆ, ಸೈಬರ್ ಕಿರುಕುಳ ನೀಡುವ ಜನರಿಗೆ ಬಿಸಿ ಮುಟ್ಟಿಸುವ ನಿಟ್ಟಿನಲ್ಲಿ ಅವರು ಮಹಾರಾಷ್ಟ್ರದ ಸ್ಪೆಷಲ್ ಐಜಿಪಿ ಪ್ರತಾಪ್ ದಿಗಾವ್ಕರ್ ಅವರ ಮೊರೆ ಹೋಗಿದ್ದಾರೆ. ಸೈಬರ್ ಕಿರುಕುಳದ ಕುರಿತು ಜಾಗೃತಿ ಮೂಡಿಸುವುದರ ಜತೆಗೆ, ಜನರಿಗೆ ಸೈಬರ್ ಯುಗದಲ್ಲಿ ಹೇಗಿರಬೇಕು, ಏನು ಮಾಡಬಾರದು ಮುಂತಾದ ವಿಷಯಗಳ ಬಗ್ಗೆ ಜಾಗೃತಿ ಮೂಡಿಸುವುದಕ್ಕೆ ಹೊರಟಿದ್ದಾರೆ.
ಇದನ್ನೂ ಓದಿ: ಸುಶಾಂತ್ ಕೇಸ್ ಸಿಬಿಐಗೆ ಯಾಕೆ ಒಪ್ಪಿಸುತ್ತಿಲ್ಲ? ಅಭಿಮಾನಿಗಳ ಪ್ರಶ್ನೆ …
ಸತತ ಕಿರುಕುಳದಿಂದ ಬೇಸತ್ತಿದ್ದ ಸೋನಾಕ್ಷಿ ಇತ್ತೀಚೆಗೆ ತಮ್ಮ ಟ್ವಿಟರ್ ಅಕೌಂಟ್ ಡಿಆಕ್ಟಿವೇಟ್ ಮಾಡಿಕೊಂಡಿದ್ದರು. ಅದರಿಂದ ನೆಗೆಟಿವಿಟಿ ಹೆಚ್ಚುತ್ತಿರುವುದರಿಂದ, ಮುಂದಿನ ದಿನಗಳಲ್ಲಿ ಸೋಷಿಯಲ್ ಮೀಡಿಯಾದಿಂದ ದೂರವಿರುವುದಾಗಿ ಅವರು ಘೋಷಿಸಿದ್ದರು. ಈಗ ಸೋಷಿಯಲ್ ಮೀಡಿಯಾದಲ್ಲಿ ಟ್ರೋಲ್ ಮಾಡುತ್ತಿರುವವರ ವಿರುದ್ಧ ತಿರುಗಿ ಬಿದ್ದಿದ್ದಾರೆ.
ಈ ಹಿಂದೆ ಸಿನಿಮಾಗಳಲ್ಲಿ ಸೋನಾಕ್ಷಿ ಸಿನ್ಹಾ ಹಲವು ವಿಲನ್ಗಳ ವಿರುದ್ಧ ತಿರುಗಿಬಿದ್ದು ಗೆದ್ದಿದ್ದಿದೆ. ಈಗ ರಿಯಲ್ ಲೈಫ್ನಲ್ಲೂ ಅವರು ಈ ಅಭಿಯಾನದಿಂದ ಸೈಬರ್ ಕಿರುಕುಳದ ವಿರುದ್ಧ ಗೆಲ್ಲುವುದರ ಜತೆಗೆ, ಬೇರೆಯವರನ್ನೂ ರಕ್ಷಿಸುತ್ತಾರಾ ಎಂಬುದನ್ನು ಕಾದು ನೋಡಬೇಕಿದೆ.
ಎ-ಗ್ರೇಡ್ ನಟಿಯಾಗುವುದು ಹೇಗೆ? ತಾಪ್ಸಿಗೆ ಟೀಮ್ ಕಂಗನಾ ಕೊಟ್ಟ ಸಲಹೆ …