ಇಸ್ರೇಲಿ ಬಿಲಿಯನೇರ್ ಹಡಗನ್ನು ವಶಪಡಿಸಿಕೊಂಡ ಇರಾನ್!

ಟೆಹ್ರಾನ್‌: ಇರಾನ್‌ನ ರೆವಲ್ಯೂಷನರಿ ಗಾರ್ಡ್‌ಗಳು ಇಸ್ರೇಲಿ ಉದ್ಯಮಿಯ ಮಾಲೀಕತ್ವದ ಹಡಗನ್ನು ವಶಪಡಿಸಿಕೊಂಡಿದ್ದಾರೆ. ಯುಎಇಯಿಂದ ಮುಂಬೈ ನೌಕಾ ಬಂದರಿಗೆ ಬರುತ್ತಿದ್ದ 'ಎಂಸಿಎಸ್ ಏರೀಸ್' ಹೆಸರಿನ ಕಂಟೈನ‌ರ್ ಹಡಗನ್ನು ಹಾರ್ಮುಜ್ ಜಲಸಂಧಿಯಲ್ಲಿ ವಶಪಡಿಸಿಕೊಳ್ಳಲಾಗಿದೆ.

ಇದನ್ನೂ ಓದಿ: ‘ನನ್ನನ್ನು ಸೀತಾಮಹಾಲಕ್ಷ್ಮೀಯಂತೆ ನೋಡ್ತಾರೆ’: ನೋವು ತೋಡಿಕೊಂಡ ಮೃಣಾಲ್!

ಇದರ ಪರಿಣಾಮ ಇರಾನ್ 24 ಗಂಟೆಗಳಲ್ಲಿ ಇಸ್ರೇಲ್ ಮೇಲೆ ದಾಳಿ ಮಾಡಬಹುದು ಎನ್ನಲಾಗುತ್ತಿದೆ. ಇನ್ನು ಅಮೆರಿಕಾ ತನ್ನ ಮಿತ್ರದೇಶ ಇಸ್ರೇಲ್​ಗೆ ಸಹಾಯ ಮಾಡಲು ಯುದ್ಧನೌಕೆಗಳನ್ನು ಕಳುಹಿಸುತ್ತಿದ್ದು, ಯುದ್ಧ ರೂಪ ತಳೆದರೂ ಅಚ್ಚರಿಪಡಬೇಕಿಲ್ಲ ಎನ್ನಲಾಗುತ್ತಿದೆ.

ಕಡಲ ಗಡಿ ಉಲ್ಲಂಘನೆಯಿಂದಾಗಿ ಈ ಕ್ರಮ ಕೈಗೊಳ್ಳಲಾಗಿದೆ ಎಂಬುದು ಇರಾನ್‌ನ ವಿವರಣೆ. ವಶಪಡಿಸಿಕೊಂಡ ಹಡಗನ್ನು ಇರಾನ್ ಕರಾವಳಿಗೆ ವರ್ಗಾಯಿಸಲಾಯಿತು. ಇದರಲ್ಲಿನ ವಿಮಾನದಲ್ಲಿ ಭಾರತೀಯರೂ ಇದ್ದಾರೆ ಎಂದು ವರದಿಯಾಗಿದೆ.

ಲಂಡನ್ ಮೂಲದ ಝೂಡಿಯಾಕ್ ಮ್ಯಾರಿಟೈಮ್‌ಗೆ ಸಂಬಂಧಿಸಿದ ಕಂಟೇನರ್ ಹಡಗು ಇದಾಗಿದೆ. ಕಂಪನಿಯು ಇಸ್ರೇಲಿ ಬಿಲಿಯನೇರ್ ಇಯಾಲ್‌ ಗ್ರೂಪ್​ನ ಒಡೆತನದಲ್ಲಿದೆ.

ಇರಾನ್‌ನ ಅಧಿಕೃತ ಸುದ್ದಿ ಸಂಸ್ಥೆಯ ಪ್ರಕಾರ, ನೌಕಾಪಡೆಯ ವಿಶೇಷ ತಂಡವು ಅರಬ್​ ಎಮಿರಾಟ್ಸ್​ನ ಬಂದರು ನಗರವಾದ ಫುಜೈರಾ ಬಳಿ ಹೆಲಿಬೋರ್ನ್ ಕಾರ್ಯಾಚರಣೆಯಲ್ಲಿ ಹಡಗನ್ನು ವಶಪಡಿಸಿಕೊಂಡಿದೆ. ಇದರ ದೃಶ್ಯಾವಳಿಗಳು ಹೊರಬಂದಿವೆ.

ಹಡಗನ್ನು ವಶಪಡಿಸಿಕೊಳ್ಳುವುದಾಗಿ ಇರಾನ್ ಘೋಷಿಸಿದ ನಂತರ, ಇರಾನ್ ಈ ಪ್ರದೇಶದಲ್ಲಿ ಉದ್ವಿಗ್ನತೆಯನ್ನು ಹೆಚ್ಚಿಸುವ ಪರಿಣಾಮಗಳನ್ನು ಅನುಭವಿಸುತ್ತದೆ ಎಂದು ಇಸ್ರೇಲ್‌ನ ಮಿಲಿಟರಿ ಎಚ್ಚರಿಸಿದೆ. ಇಸ್ರೇಲ್‌ನ ಸೇನಾ ವಕ್ತಾರ ಡೇನಿಯಲ್ ಹಗರಿ ಅವರು ಹೇಳಿಕೆಯೊಂದರಲ್ಲಿ "ಪರಿಸ್ಥಿತಿಯನ್ನು ಉಲ್ಬಣಗೊಳಿಸಲು ನಿರ್ಧರಿಸಿದರೆ, ಪರಿಣಾಮಗಳು ತೀವ್ರವಾಗಿರುತ್ತವೆ' ಎಂದು ಹೇಳಿದ್ದಾರೆ.

https://www.vijayavani.net/69-years-spanish-actress-gave-birth-to-a-baby-girl-with-his-sons-sperm