ಮುಂಬೈ: ಕಂಪನಿಯ ಮುಖ್ಯ ಕಾರ್ಯನಿರ್ವಹಣಾ ಅಧಿಕಾರಿ (ಸಿಒಒ) ಅರುಣ್ ಕಶ್ಯಪ್ ಮತ್ತು ಮುಖ್ಯ ವಾಣಿಜ್ಯ ಅಧಿಕಾರಿ (ಸಿಸಿಒ) ಶಿಲ್ಪಾ ಭಾಟಿಯಾ ರಾಜೀನಾಮೆ ನೀಡಿದ ನಂತರ ಸ್ಪೈಸ್‌ಜೆಟ್ ಷೇರುಗಳ ಬೆಲೆ ಮಂಗಳವಾರ (ಮಾರ್ಚ್ 12) ಇಂಟ್ರಾ ಡೇ ವಹಿವಾಟಿನಲ್ಲಿ ಶೇಕಡಾ 10ರಷ್ಟು ರಷ್ಟು ಕುಸಿದು 54.6 ರೂಪಾಯಿಗೆ ತಲುಪಿತ್ತು.
ಷೇರುಗಳ ಸಾರ್ವಕಾಲಿಕ ಗರಿಷ್ಠ ಬೆಲೆ 156.90 ರೂ ಹಾಗೂ ಕನಿಷ್ಠ ಬೆಲೆ 1 ರೂಪಾಯಿ ಇದೆ.
ಇದು ಸ್ಪೈಸ್‌ಜೆಟ್‌ನ ಕಾರ್ಯತಂತ್ರದ ಪುನರ್ರಚನೆಯ ಭಾಗವಾಗಿದೆ ಎಂದು ಕಂಪನಿ ಹೇಳಿದೆ, “ಸ್ಪೈಸ್‌ಜೆಟ್‌ನ ಕಾರ್ಯತಂತ್ರದ ಪುನರ್ರಚನೆಯ ಭಾಗವಾಗಿ, ಮುಖ್ಯ ವಾಣಿಜ್ಯ ಅಧಿಕಾರಿ ಸೇರಿದಂತೆ ವಾಣಿಜ್ಯ ತಂಡದ ಹಲವಾರು ಸದಸ್ಯರು ಕಂಪನಿಯನ್ನು ತೊರೆದಿದ್ದಾರೆ” ಎಂದು ಅದು ಹೇಳಿದೆ.
ಸ್ಪೈಸ್‌ಜೆಟ್‌ನ ಮುಖ್ಯ ವಾಣಿಜ್ಯ ಅಧಿಕಾರಿ ಶಿಲ್ಪಾ ಭಾಟಿಯಾ ಮತ್ತು ಕಂಪನಿಯ ಮುಖ್ಯ ಆಪರೇಟಿಂಗ್ ಅಧಿಕಾರಿ ಅರುಣ್ ಕಶ್ಯಪ್ ರಾಜೀನಾಮೆ ನೀಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಮಾರ್ಚ್ 31 ಅವರ ಕೊನೆಯ ಕೆಲಸದ ದಿನವಾಗಿರುತ್ತದೆ. ಭಾಟಿಯಾ ಮತ್ತು ಕಶ್ಯಪ್ ತಮ್ಮದೇ ಆದ ಚಾರ್ಟರ್ ಏರ್‌ಲೈನ್ ಪ್ರಾರಂಭಿಸುವ ಸಾಧ್ಯತೆಯಿದೆ ಎನ್ನಲಾಗಿದೆ.
ಇತ್ತೀಚಿನ ನಿಧಿ ಸಂಗ್ರಹದೊಂದಿಗೆ, ಸ್ಪೈಸ್‌ಜೆಟ್ ತನ್ನ ಎಲ್ಲಾ ಹಿಂದಿನ ವಿವಾದಗಳ ಪರಿಹಾರದ ಪ್ರಕ್ರಿಯೆಯನ್ನು ವೇಗಗೊಳಿಸಿದೆ. ಕಂಪನಿಯು ಸಾಮರ್ಥ್ಯವನ್ನು ಹೆಚ್ಚಿಸಲು, ವೇಗವಾಗಿ ಬೆಳೆಯಲು ಮತ್ತು ಭಾರತೀಯ ವಾಯುಯಾನ ಕ್ಷೇತ್ರದಲ್ಲಿ ದೊಡ್ಡ ಪಾತ್ರವನ್ನು ಮುಂದುವರಿಸಲು ಎದುರು ನೋಡುತ್ತಿದೆ.
ಕಳೆದ ಒಂದು ತಿಂಗಳಲ್ಲಿ ಸ್ಪೈಸ್ ಜೆಟ್ ಷೇರು ಬೆಲೆ ಶೇ. 13ರಷ್ಟು ಕುಸಿದಿದೆ. ಫೆಬ್ರವರಿಯಲ್ಲಿ, ಸ್ಪೈಸ್‌ಜೆಟ್ ಷೇರುಗಳು 52 ವಾರಗಳ ಗರಿಷ್ಠ ಬೆಲೆಯಾದ 77 ರೂಪಾಯಿ ತಲುಪಿ. ಈ ಹಿಂದೆ, ಸ್ಪೈಸ್‌ಜೆಟ್ ಆದ್ಯತೆಯ ಹಂಚಿಕೆ ಮೂಲಕ ಒಟ್ಟು 1,060 ಕೋಟಿ ರೂ. ಹೂಡಿಕೆ ಪಡೆದುಕೊಂಡಿತ್ತು.
ಈ ಪ್ರಕ್ರಿಯೆಯಲ್ಲಿ,ಏರೀಸ್ ಆಪರ್ಚುನಿಟೀಸ್ ಫಂಡ್ ಲಿಮಿಟೆಡ್ ಮತ್ತು ಎಲಾರಾ ಇಂಡಿಯಾ ಆಪರ್ಚುನಿಟೀಸ್ ಫಂಡ್ ಲಿಮಿಟೆಡ್ ಹೂಡಿಕೆ ಮಾಡಿವೆ.
ವಿಮಾನಯಾನ ಸಂಸ್ಥೆಯು ಕಾರ್ಯಾಚರಣೆಯ ವಿಸ್ತರಣೆಗಾಗಿ ಹಣಕಾಸು ಒದಗಿಸಲು ಷೇರುಗಳು ಮತ್ತು ವಾರಂಟ್‌ಗಳನ್ನು ಮಾರಾಟ ಮಾಡುವ ಮೂಲಕ 22.50 ಶತಕೋಟಿ ರೂಪಾಯಿ ನಿಧಿಸಂಗ್ರಹದ ಪ್ರಯತ್ನವನ್ನು ಕಂಪನಿ ಯೋಜಿಸುತ್ತಿದೆ ಎಂದು ವರದಿಯಾಗಿದೆ.
ಅದಾನಿ ಪೋರ್ಟ್ಸ್ ಷೇರಿನ ಟಾರ್ಗೆಟ್ ಪ್ರೈಸ್ ಹೆಚ್ಚಳ: 1300ರಿಂದ 1,560 ರೂಪಾಯಿಗೆ ಏರಲಿದೆ ಎನ್ನುತ್ತವೆ ಬ್ರೋಕರೇಜ್ ಸಂಸ್ಥೆಗಳು