ಕಲ್ಕತ್ತಾ: ಇಲ್ಲಿನ ಈಡೆನ್ ಗಾರ್ಡನ್ ಕ್ರೀಡಾಂಗಣದಲ್ಲಿ ನಡೆದ 17ನೇ ಆವೃತ್ತಿಯ 28ನೇ ಐಪಿಎಲ್ ಪಂದ್ಯದಲ್ಲಿ ಆಲ್ರೌಂಡ್ ಪ್ರದರ್ಶನದ ಫಲವಾಗಿ ಕಲ್ಕತ್ತಾ ನೈಟ್ರೈಡರ್ಸ್ ತಂಡವು ಲಖನೌ ಸೂಪರ್ಜೈಂಟ್ಸ್ ವಿರುದ್ಧ 8 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಿದೆ.
ಗಾಯದ ಸಮಸ್ಯೆಯಿಂದ ಟೂರ್ನಿ ಆರಂಭಕ್ಕೂ ಮುನ್ನವೇ ಹೊರಬಿದ್ದಿದ ಇಂಗ್ಲೆಂಡ್ ವೇಗಿ ಮಾರ್ಕ್ ವುಡ್ ಬದಲಿಗೆ ಲಖನೌ ಸೂಪರ್ಜೈಂಟ್ಸ್ ತಂಡವು ವೆಸ್ಟ್ ಇಂಡೀಸ್ನ ಮಾರಕ ವೇಗಿ, ಗಬ್ಬಾ ಟೆಸ್ಟ್ ಹೀರೋ ಎಂದೇ ಖ್ಯಾತಿ ಪಡೆದಿರುವ ಶಮರ್ ಜೋಸೆಫ್ ಅವರನ್ನು ತಂಡಕ್ಕೆ ಸೇರಿದಿಕೊಂಡಿತ್ತು. ಇದೀಗ ಶಮರ್ ಜೋಸೆಫ್ ಐಪಿಎಲ್ನಲ್ಲಿ ಅನಪೇಕ್ಷಿತ ದಾಖಲೆ ಬರೆಯುವ ಮೂಲಕ ಸುದ್ದಿಯಾಗಿದ್ದಾರೆ.
ಕೆಕೆಆರ್ ವಿರುದ್ಧದ ಪಂದ್ಯದ ಮೂಲಕ ವೆಸ್ಟ್ಇಂಡೀಸ್ನ ವೇಗಿ ಶಮರ್ ಜೋಸೆಫ್ ಐಪಿಎಲ್ಗೆ ಪದಾರ್ಪಣೆ ಮಾಡಿದರು. 162 ರನ್ಗಳ ಗುರು ಬೆನ್ನತ್ತಿದ್ದ ಕೆಕೆಆರ್ ತಂಡವನ್ನು ಎದುರಿಸಲು ಲಖನೌ ನಾಯಕ ಮೊದಲ ಓವರ್ಅನ್ನು ಶಮರ್ ಅವರಿಗೆ ಎಸೆಯುವಂತೆ ಹೇಳಿದರು. ಅದರಂತೆ ಬೌಲಿಂಗ್ ಮಾಡಿದ ಶಮರ್ ಆರಂಭದಲ್ಲಿ ಉತ್ತಮವಾಗಿ ಚೆಂಡನ್ನು ಎಸೆದರು. ಆ ನಂತರ ಹಳಿ ತಪ್ಪಿದ ಶಮರ್ ತಾವೆಸೆದ ಮೊದಲ ಓವರ್ನಲ್ಲೇ ಶಮರ್ ಜೋಸೆಫ್ ಬರೋಬ್ಬರಿ ಒಟ್ಟು 22 ರನ್ಗಳನ್ನು ಬಿಟ್ಟುಕೊಟ್ಟರು.
ಇದನ್ನೂ ಓದಿ: ಸ್ಟಾರ್ ಹೀರೋಯಿನ್ಗಳ ಬಾಡಿ ಡಬಲ್ ಆಗಿ ಕೆಲಸ ಮಾಡಿದ ವ್ಯಕ್ತಿ ಇಂದು 1500 ಕೋಟಿ ರೂ. ಒಡೆಯ
ಈ ಮೂಲಕ ಶಮರ್ ಜೋಸೆಫ್ ಐಪಿಎಲ್ ಚೊಚ್ಚಲ ಪಂದ್ಯದ ಮೊದಲ ಓವರ್ನಲ್ಲಿ ಅತಿ ಹೆಚ್ಚು ರನ್ ಬಿಟ್ಟುಕೊಟ್ಟು ಯಾರೂ ಮಾಡದ ಬೇಡದ ದಾಖಲೆಯನ್ನು ತಮ್ಮದಾಗಿಸಿಕೊಂಡರು. ಶಮರ್ ಜೋಸೆಫ್ ತಮ್ಮ ಓವರ್ನ ಮೊದಲ ಎಸೆತದಲ್ಲಿ ಯಾವುದೇ ರನ್ ನೀಡಲಿಲ್ಲ. ಎರಡನೇ ಎಸೆತದ ಲೆಗ್ ಬೈಸ್ ಆಯಿತು. ಮೂರನೇ ಎಸೆತದಲ್ಲಿ ಬೌಂಡರಿ ಬಂದರೆ, ನಾಲ್ಕನೇ ಎಸೆತದಲ್ಲಿ 2 ರನ್ ಬಂತು. ಐದನೇ ಎಸೆತದಲ್ಲೂ ಬೈಸ್ ಮೂಲಕ 1 ರನ್ ಬಂತು. ಕೊನೆಯ ಎಸೆತದಲ್ಲಿ ಜೋಸೆಫ್ ಒಟ್ಟಾರೆ 14 ರನ್ ನೀಡಿದರು. ಕೊನೆಯ ಎಸೆತದಲ್ಲಿ ಜೋಸೆಫ್ 2 ವೈಡ್, 2 ನೋ ಬಾಲ್, ವೈಡ್ ಫೋರ್, ಒಂದು ಸಿಕ್ಸರ್ ಕೂಡ ಸೇರಿತ್ತು.
ಪದಾರ್ಪಣೆ ಪಂದ್ಯದ ಮೊದಲ ಓವರ್ನಲ್ಲಿ ಅತಿ ಹೆಚ್ಚು ರನ್ ಬಿಟ್ಟು ಕೊಟ್ಟ ಆಟಗಾರ ಮತ್ತು ಒಂದೇ ಎಸೆತದಲ್ಲಿ 14 ರನ್ ನೀಡಿದ ಆಟಗಾರ ಎಂಬ ಅಪಕೀರ್ತಿಗೆ ಶಮರ್ ಜೋಸೆಫ್ ಪಾತ್ರರಾಗಿದ್ದಾರೆ. ಇದಲ್ಲದೆ ಮೂರು ಕ್ಯಾಚ್ಗಳನ್ನು ಬಿಡುವ ಮೂಲಕ ಕಲ್ಕತ್ತಾ ವಿರುದ್ಧ ಲಖನೌ ಸೋಲಿಗೆ ಶಮರ್ ಅವರೇ ಪ್ರಮುಖ ಕಾರಣ ಎಂದು ಹಲವರು ದೂರಿದ್ದಾರೆ.