ಚೆನ್ನೈ: ಗುರುವಾರ(ಫೆಬ್ರವರಿ 18) ನಡೆದ ಐಪಿಎಲ್ 2021 ರ ಆಟಗಾರರ ಹರಾಜಿನಲ್ಲಿ ಎಲ್ಲಾ ಫ್ರಾಂಚೈಸಿಗಳಿಗಿಂತ ಹೆಚ್ಚು ಹಣವನ್ನು ಪರ್ಸ್ನಲ್ಲಿಟ್ಟುಕೊಂಡು ಹೊರಟ ತಂಡವೆಂದರೆ ಪಂಜಾಬ್ ಕಿಂಗ್ಸ್. 14ನೇ ಆವೃತ್ತಿಯ ಐಪಿಎಲ್ ಪಂದ್ಯಾವಳಿಯ ಹರಾಜು ಪ್ರಕ್ರಿಯೆಯಲ್ಲಿ 53.2 ಕೋಟಿ ರೂಪಾಯಿಗಳನ್ನು ವ್ಯಯ ಮಾಡುವ ಅವಕಾಶ ಹೊಂದಿದ್ದ ಈ ತಂಡ 9 ಆಟಗಾರರನ್ನು ಖರೀದಿಸಿದೆ. ಪಂಜಾಬ್ ಕಿಂಗ್ಸ್ ತಂಡಕ್ಕೆ ಆಯ್ಕೆಯಾದ ಒಬ್ಬ ವಿಶೇಷ ಆಟಗಾರನೆಂದರೆ ಶಾರುಖ್ ಖಾನ್!
ಬಾಲಿವುಡ್ ತಾರೆಯ ಹೆಸರನ್ನೇ ಹೊಂದಿರುವ, ತಮಿಳುನಾಡಿನ ಯುವ ಬ್ಯಾಟ್ಸ್ಮನ್ ಶಾರುಖ್ ಖಾನ್, ಸೈಯದ್ ಮುಶ್ತಾಖ್ ಅಲಿ ಟೂರ್ನಮೆಂಟಿನಲ್ಲಿ ಭಾರೀ ಹೊಡೆತಗಳಿಂದ ಎಲ್ಲರ ಮೆಚ್ಚುಗೆ ಗಳಿಸಿದ್ದವರು. ಇವರನ್ನು ರೂ. 5.25 ಕೋಟಿಗೆ ಕೊಂಡುಕೊಳ್ಳುವ ಡೀಲ್ ಅಂತಿಮಗೊಂಡ ತಕ್ಷಣ ಪಂಜಾಬ್ ಕಿಂಗ್ಸ್ ಮಾಲೀಕರಲ್ಲಿ ಒಬ್ಬರಾದ ಪ್ರೀತಿ ಜಿಂಟಾ, ಉತ್ಸಾಹದ ಉದ್ಗಾರ ಮಾಡಿದರು. ಹರಾಜು ಸ್ಥಳದಲ್ಲಿ ಹಾಜರಿದ್ದ ನಟ ಶಾರುಖ್ ಖಾನ್ರ ಪುತ್ರ ಆರ್ಯನ್ ಕಡೆ ತಿರುಗಿ, ‘ವಿ ಗಾಟ್ ಶಾರುಖ್’ ಎಂದು ಛೇಡಿಸಿದರು. ಈ ಪ್ರತಿಕ್ರಿಯೆಯ ವೀಡಿಯೋ ತುಣುಕನ್ನು ಐಪಿಎಲ್ನ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಪೋಸ್ಟ್ ಮಾಡಲಾಗಿದೆ.
When you get a certain "Shahrukh Khan" in your side 😉😉 @PunjabKingsIPL @Vivo_India #IPLAuction pic.twitter.com/z4te9w2EIZ
— IndianPremierLeague (@IPL) February 18, 2021
ಐದು ವಿದೇಶೀ ಆಟಗಾರರ ಖೋಟಾ ಹೊಂದಿದ್ದ ಪಂಜಾಬ್ ಕಿಂಗ್ಸ್, ಆಸ್ಟ್ರೇಲಿಯಾದ ಬೌಲರ್ಸ್ ಝ್ಯೇ ರಿಚರ್ಡ್ಸನ್ ಮತ್ತು ರೈಲಿ ಮೆರೆಡಿತ್ರನ್ನು ಕೊಳ್ಳಲು ಭಾರೀ ಮೊತ್ತವನ್ನು ಖರ್ಚುಮಾಡಿದೆ. ರಿಚರ್ಡ್ಸನ್ಗೆ 14 ಕೋಟಿ ರೂ. ಮತ್ತು ಫಾಸ್ಟ್ ಬೌಲರ್ ಮೆರೆಡಿತ್ರಿಗಾಗಿ 8 ಕೋಟಿ ರೂ. ಡೀಲ್ ಮಾಡಿದೆ. ಟ್ವೆಂಟಿ20 ಅಂತರರಾಷ್ಟ್ರೀಯ ಕ್ರಿಕೆಟ್ನಲ್ಲಿ ನಂ.1 ರಾಂಕ್ ಹೊಂದಿರುವ ಬ್ಯಾಟ್ಸ್ಮನ್ ಡೇವಿಡ್ ಮಲನ್ರನ್ನು 1.5 ಕೋಟಿ ರೂಪಾಯಿಗಳ ಮೂಲ ಬೆಲೆಗೆ ತನ್ನದಾಗಿಸಿಕೊಂಡಿದೆ. ಇನ್ನು ಆಸ್ಟ್ರೇಲಿಯನ್ ಆಲ್ರೌಂಡರ್ ಮೊಯ್ಸಿಸ್ ಹೆನ್ರಿಖ್ಸ್ಗಾಗಿ 4.2 ಕೋಟಿ ರೂಪಾಯಿ ಬಿಡ್ ಮಾಡಿ ಡೀಲ್ ಮಾಡಿದೆ.
ಪಂಜಾಬ್ ಕಿಂಗ್ಸ್ ಕೊಂಡುಕೊಂಡ ಇತರ ಆಟಗಾರರೆಂದರೆ ವೆಸ್ಟ್ ಇಂಡೀಸ್ ಆಲ್ರಂಡರ್ ಫೇಬಿಯನ್ ಅಲ್ಲೆನ್ ಮತ್ತು ಭಾರತದ ಜಲಜ್ ಸಕ್ಸೇನ, ಸೌರಭ್ ಕುಮಾರ್ ಮತ್ತು ಉತ್ಕರ್ಷ್ ಸಿಂಗ್.(ಏಜೆನ್ಸೀಸ್)
ಯುವಿ ದಾಖಲೆ ಮುರಿದ ಕ್ರಿಸ್ ಮೋರಿಸ್! ದಾಖಲೆಯ ಮೌಲ್ಯಕ್ಕೆ ಬಿಡ್ ಆದ ದಕ್ಷಿಣ ಆಫ್ರಿಕಾದ ಕ್ರಿಕೆಟಿಗ
15ನೇ ವಯಸ್ಸಲ್ಲಿ ಸೀಟಿ ನುಂಗಿದ್ದಳು, 40ನೇ ವಯಸ್ಸಲ್ಲಿ ಹೊರ ಬಂತು- ವೈದ್ಯರೇ ಕಂಗಾಲು!
ಕರೊನಾ ನಿವಾರಣೆಗೆ ಪಣತೊಟ್ಟ ಸರ್ಕಾರ… ಲಸಿಕೆ ನಿರಾಕರಿಸಿದವರಿಗೆ ಶಿಕ್ಷೆ !